Chapter Title : 🏘️ബോസ്റ്റൻ ബംഗ്ലാവ് 5 [Gladiator]

ഫെഡറിക്ക് ഒരു മൂലയിലായി ഓട്ടം മതിയാക്കി തങ്ങളെ നോക്കി നിൽക്കുന്നത് അവൻ കണ്ടു.ഫെഡറിക്കിന്റെ മനസിലെ ദേഷ്യം ആ മുഖത്ത് പ്രകടമായിരുന്നു..ഫെഡറിക്ക് ഓട്ടം നിർത്തി അവിടെ നിന്നത് കണ്ടപ്പോൾ ഡാനിയുടെ മനസിന്‌ അല്പം ആശ്വാസം തോന്നി. എന്നാൽ ഓട്ടത്തിലെ ശ്രദ്ധ തെറ്റിയ ഡാനിയേൽ ഒരു ഉരുളൻ കല്ലിൽ കാൽ ചവിട്ടി തെന്നി മുട്ടോളം വളർന്നു കിടന്ന പുല്ലിലേക്ക് തെറിച്ചു വീണു. കല്ലിൽ ചവിട്ടിയ നിമിഷം തന്നെ അവന്റെ കാൽപാദത്തിൽ നിന്നും “ക്ട്ക” ശബ്ദം അവൻ കേട്ടു.

നിലത്തു വീണ ഡാനിയെ എങ്ങനെയൊക്കെയോ  അവൾ പിടിചെഴുന്നേൽപ്പിച്ചു. ഞൊണ്ടി ഞൊടി ഡാനിയേൽ ഡെയ്സിയുടെ കൂടെ ബംഗ്ലാവിന് ഉള്ളിൽ കയറി കതക് അടച്ചു.അടച്ച കതകിൽ ചാരി നിന്ന അവർ പരസ്പരം നോക്കി.

“ദാറ്റ്‌ വാസ് ക്രേസി”പരിഭ്രമത്തോടെ അവൾ ചിരിച്ചു.

ഓടിയതിന്റ ഫലമായി ശ്വാസം എടുക്കാൻ ബുദ്ധിമുട്ടിയ ഡാനിയൽ ചിരിക്കുന്ന തന്റെ പെങ്ങളെ നോക്കി.. അവനും അപ്പോൾ ചിരി പൊട്ടി.. അവനും അവളോട് ഒപ്പം ചിരിച്ചു.എന്തോ അഡ്വന്ച്ചർ ഗെയിം പൂർത്തിയാക്കിയ ഫീൽ രണ്ടാൾക്കും തോന്നി.

ബാത്‌റൂമിൽ നിന്നും പുറത്തേക്ക് നടന്നു വന്ന ജൂലിയും ജോർജും തങ്ങളുടെ മക്കൾ ചോര ഒലിപ്പിച്ച ശരീരവുമായി കിതയ്ക്കുകയും, വിയർക്കുകയും, ഒപ്പം ചിരിക്കുന്നതും, കണ്ടു.

“അയ്യോ…മക്കളെ എന്ത് പറ്റി ?" ജൂലി ഡാനിയേലിൻ്റെ അടുത്തേക്ക് ഓടി. അവന്റെ പാൻ്റിൻ്റെ വലതു കാൽമുട്ട് കീറി, തുണിയിൽ രക്തം പുരണ്ടിരുന്നു. അവൻ വലതു കണങ്കാലിന് അധികം ബലം കൊടുക്കാതെ നിൽക്കുക ആയിരുന്നു, കാരണം വീണതിന്റെ ഫലമായി അവിടെ നീര് വെച്ചിരുന്നു.ജൂലി ഡെയ്സിയുടെ കൈകളിലേക്ക് നോക്കി…മുള്ളുള്ള റോസാപ്പൂവ് മുറുകെ പിടിച്ചതിന്റ ഫലമായി അവളുടെ വലത് മുഷ്ടിയിൽ നിന്ന് രക്തം ഒഴുകുന്നുണ്ടായിരുന്നു.

“ഒരാള് നമ്മളെ തല്ലാൻ ഓടിച്ചു.. ഗാർഡനിൽ”ഡെയ്സി പറഞ്ഞു. അവളുടെ ചിരി മെല്ലെ മാഞ്ഞു സീരിയസ് ആയി.

ജൂലി മകന്റെ കാലിലെ മുറിവിൽ മെല്ലെ തൊട്ടു.

“എനിക്ക് കുഴപ്പമില്ല അമ്മേ." ഡാനിയേൽ അമ്മയുടെ മൃദുലമായ തവിട്ട് കണ്ണുകളിലേക്ക് നോക്കി പറഞ്ഞു.അവൻ്റെ നനുത്ത മുടി അവൻ്റെ നെറ്റിയിലും കണ്ണിലും വീണു.

“വാ.. ഞാൻ മുറിവ് വൃത്തിയാക്കി തരാം” ജൂലി ഡാനിയോട് പറഞ്ഞു.

“ജോർജ്.. അയാളു അവിടെ ഉണ്ടോ എന്ന് നോക്കിയേ…”ദേഷ്യ സ്വരത്തിൽ ജോർജിനോട് ജൂലി പറഞ്ഞു.

“മ്മ്..” എന്ന് മൂളിക്കൊണ്ട് അവിടിരുന്ന വടിയുമെടുത്തു ജോർജ് കതക് തുറന്ന് പുറത്തേക് നടന്നു.

“ഡെയ്സി.. നീയാ പൂവ് കളഞ്ഞിട്ട് പോയി കൈ വാഷ് ചെയ്തേ…”കാലിൽ മുറിവ് പറ്റിയ ഡാനിയെ തോളിൽക്കൂടി കൈ ഇട്ട്