Chapter Title : 🏘️ബോസ്റ്റൻ ബംഗ്ലാവ് 6 [Gladiator]

അവരെയും വിഷ് ചെയ്തു

ഡാനിയുടെ ശ്രദ്ധ ലൈലയുടെയും, ആന്റണിയുടെയും കയ്യിൽ ഇരുന്ന ഇലക്ട്രോണിക് സാധനങ്ങലേക്കും, ബാഗുകളിലേക്കും പോയി. അവർ ഇതുവരെ കണ്ടിട്ടില്ലാത്ത ടൈപ്പ് ഇലക്ട്രോണിക് ഐറ്റംസ് ആയിരുന്നു അത്

“ബംഗ്ലാവ് റിമോഡൽ ചെയ്യാൻ വന്ന എഞ്ചിനീയർസ് ആണോ…?”വന്നവർ ആരാണെന്ന് മനസ്സിലാകാതെ ഡെയ്സി അവരോട് ചോദിച്ചു

“ഏയ്.. അല്ല…”ലൈല മറുപടി നൽകി

ഒരു വെസ്റ്റേൺ സ്ത്രീ മലയാളം പറയുന്നത് കണ്ട് സ്വാഭാവികം ആയും ഡെയ്സിയും, ഡാനിയും ഒന്ന് അമ്പരന്നു. അവർ തന്റെ മലയാളം കേട്ട് അമ്പരന്നു എന്ന് മനസിലായ ലൈല ഒന്ന് പുഞ്ചിരിച്ച ശേഷം സംസാരിച്ചു

“ഞാൻ മദാമ്മ ഒന്നുമല്ല.. ആംഗ്ലോ ഇന്ത്യൻ ഫാമിലിയിൽ ആണ് ജനിച്ചത്. മാത്രമല്ല അച്ഛൻ ബ്രിട്ടീഷ് ആണ്. അതാണ്‌ ഈ ലുക്ക്‌. ബട്ട്‌ ഇന്ത്യൻ സിറ്റിസൺ തന്നെയാണ്..ഹാഫ് മലയാളിയും.. പിന്നെ ആന്റണി മലയാളി ആണ്. വീ ആർ ഗോവ ബേസ്ഡ്” ലൈല പറഞ്ഞു

ഡെയ്സിയും ഡാനിയും അത് കേട്ടു ചിരിച്ചു

“അമ്മയുടെ ഫ്രണ്ട്‌സ് ആണോ നിങ്ങൾ…?”ഇത്തവണ ചോദ്യം ചോദിച്ചത് ഡാനിയേൽ ആയിരുന്നു

“ഞങ്ങൾ പാരനോർമൽ എക്സപേർട്സ് ആണ്. നിങ്ങളുടെ ബംഗ്ലാവിൽ പാരനോർമൽ ആക്റ്റിവിറ്റീസ് നടക്കുന്നു എന്നറിഞ്ഞു വന്നതാ…ശെരിയാണ്.. ഇവിടെ നല്ല രീതിയിൽ നെഗറ്റീവ് എനർജി ഉണ്ട്.ഇവിടെ പ്രേത സാന്നിധ്യം ഉണ്ട് .”ഗൗരവം കലർന്ന സ്വരത്തിൽ ആന്റണി പറഞ്ഞു

“ആന്റണി.. സ്റ്റോപ്പ്‌ ഇറ്റ്.. വെറുതെ പിള്ളേരെ പേടിപ്പിക്കാതെ…”ലൈല ആന്റണിയെ ശാസിച്ചു

“ഞങ്ങൾ പിള്ളേർ അല്ല.. ഞങ്ങൾക്ക് 18 വയസ്സായി” ഡെയ്സി പറഞ്ഞു. “എന്താ അമ്മാ ഇതൊക്കെ…?”ഡെയ്സി ചോദിച്ചു

"ഒന്നുമില്ല, മോളേ..." ജൂലി മകളുടെ അടുത്ത് ചെന്ന് അവളുടെ തോളിൽ തട്ടിക്കൊണ്ട് പറഞ്ഞു

“പ്രേതങ്ങളോ?" ഡാനിയേലിൻ്റെ മുഖം വിളറി. അവൻ പെട്ടെന്ന് കത്രീനയെ ഓർത്ത് വിഷമിച്ചു. "വീട്ടിൽ നിന്ന് പ്രേതങ്ങളെ ഓടിക്കാൻ ആണോ നിങ്ങൾ വന്നത്..?”

ഡെയ്സി അമ്മയുടെ അടുത്തേക്ക് ചേർന്ന് നിന്നു അവളുടെ ചെവിയിൽ ചോദിച്ചു “എന്താ അമ്മ ഇതൊക്കെ.. പ്രേതമോ…പ്രാങ്ക് വല്ലതും ആണോ ഇത്..?” എന്താ നടക്കുന്നതെന്ന് മനസിലാകാതെ ഡെയ്സി ചോദിച്ചു

“ഏയ്…ചുമ്മാ…നീ പേടിക്കണ്ട…അവരീ വീടൊന്ന് നോക്കിയിട്ട് പൊക്കോളും. പഴയ ബംഗ്ലാവ് അല്ലേ…നീ പേടിക്കാതെ”മകളെ ആശ്വസിപ്പിക്കാൻ ജൂലി പറഞ്ഞു

“നിങ്ങളുടെ ഹസ്ബൻഡ് എവിടെ…?”ലൈല ചോദിച്ചു

“മുകളിലെ റൂമിൽ ഉണ്ട്.. വരൂ…”ജൂലി ലൈലയെയും, ആന്റണിയെയും മുകളിലേക്ക് നയിച്ചു

“മക്കളെ.. നിങ്ങൾ കോളേജിൽ പോയി വാ.. അപ്പോഴേക്കും എല്ലാം കഴിയും. പോയി വാ”ആഹാരം കഴിച്ചു എഴുന്നേറ്റ മക്കളോട് ജൂലി പറഞ്ഞു

“ഓ.. ഷിറ്റ്” ഡാനിയേൽമെല്ലെ പറഞ്ഞു

"എന്താടാ ഇവിടെ നടക്കുന്നത്…?അമ്മയ്ക്ക്