Chapter Title : 🏘️ബോസ്റ്റൻ ബംഗ്ലാവ് 7 [Gladiator]

അവൾ ചിന്തിച്ചത് തന്നെ തെറ്റ്. തന്നെ അന്വേഷിച്ചു ഭർത്താവ് വരാതെകൂടെ ആയതോടെ അവൾ പിടിച്ചു വെച്ചിരുന്ന കണ്ണുനീർ ആണപൊട്ടി ഒഴുകി.അവൾ ഇടനാഴിയിലൂടെ നടന്നു അടുത്ത് കണ്ട ലൈബ്രറിയിൽ എത്തി. അവിടെ കിടന്ന കസേരയിൽ ചാരി  ഇരുന്നു.

“വിഷമിക്കേണ്ട.അവർ നിങ്ങളോട് ക്ഷമിക്കും. ” മൃദുവായ ഒരു സ്ത്രീ ശബ്ദം ആ മുറിയിൽ മുഴങ്ങി.

ശബ്ദം കേട്ട റിയ കണ്ണുകൾ തുടച്ചു നേരെ നോക്കി. ചെമ്പൻ മുടികൾ ഉള്ള, ഗർഭിണിയായ ഒരു സ്ത്രീ തന്റെ എതിരെ ഇരിക്കുന്നത് അവൾ കണ്ടു. ഇന്നലെ സ്വപ്നത്തിൽ കണ്ടത് അവളെയാണെന്ന് ഒറ്റ നോട്ടത്തിൽ റിയക്ക് മനസ്സിലായി.

https://imgur.com/a/XFl8oPd

“ജൂലി നിന്നെ മരുമകൾ ആയി അല്ല, മകളായി ആണ് കാണുന്നത്. അവൾക് നിന്നോട് ദേഷ്യം ഒന്നുമില്ല. പിന്നെ നീ എനിക്ക് വലിയൊരു സഹായമാ ചെയ്ത് തന്നത്. അതിനുള്ള കടപ്പാട് ഞാൻ നിന്നോട് കാണിചിരിക്കും” കത്രീന പറഞ്ഞു.

റിയ പേടിച്ചു ശ്വാസംപിടിച്ചു ഇരിക്കുക ആയിരുന്നു.

“നീ നീയാരാ…?”സർവ്വ ധൈര്യവും എടുത്ത് റിയ ചോദിച്ചു.

“ഞാൻ കത്രീന…കത്രീന ഫെഡഡറിക്ക്” കത്രീന അവളെ പരിചയപ്പെടുത്തി.“നീയാണ് റിയ..ജൂലിയുടെ മരുമകൾ അല്ലേ…?”

“മ്മ്.. അതേ…ഡേവിഡ് ന്റെ ഭാര്യ…ഇവിടെ അടുത്ത് ഒരു വില്ലയിലാ താമസം” റിയ പറഞ്ഞു.. “അല്ല.. നീ ആരാ.. എങ്ങനാ ഈ വീട്ടിനുള്ളിൽ..?”

“ഹ ഹ.. അതൊക്കെ പറയാം”വയർ തടവികൊണ്ട് കത്രീന പറഞ്ഞു.

“നീ ഈ പുസ്തകം വായിച്ചിറ്റുണ്ടോ..?” കത്രീന കൈയിൽ ഇരുന്ന First love എന്ന പുസ്തകം ഉയർത്തി ചോദിച്ചു.

“ഞാൻ വായിക്കാറില്ല.

“ശേ.. അത് മോശം ആണല്ലോ.. ഈയിടക്ക് ഒരു സ്ത്രീ എനിക്ക് ഈ പുസ്തകം വീണ്ടും പരിചയപ്പെടുത്തി.