Chapter Title : 🏘️ബോസ്റ്റൻ ബംഗ്ലാവ് [Gladiator]

“നിങ്ങൾക്ക് ആൺമക്കൾ ഉണ്ടോ..? കൈമൾ ചോദിച്ചു.

“ഉവ്വ്.. മൂത്തവൻ ആണാണ്. അവന്റെ കല്യാണം കഴിഞ്ഞു. നമ്മളോടൊപ്പം നാട്ടിലേക്ക് വന്നിട്ടുണ്ട്. ഇവിടെ അടുത്തൊരു വില്ല വാങ്ങി അവനും വൈഫും അവിടെയാ…പിന്നെയുള്ള രണ്ട് മക്കൾ ട്വിൻസ് ആണ്.”ജോർജ് പറഞ്ഞു.

“അത് രണ്ടും പെണ്ണാവും അല്ലേ…???”കൈമൾ വീണ്ടും ചോദിച്ചു..

കൈമളിന്റ തുടരെ തുടരെയുള്ള ചോദ്യങ്ങൾ ജോർജിനും ജൂലിക്കും ഇഷ്ടപ്പെടുന്നുണ്ടായിരുന്നില്ല.അടുത്തിരുന്ന ജോർജിന്റെ തുടയിൽ വിരലുകൾ അമർത്തി ജൂലി അവളുടെ പരിഭവം പ്രകടിപ്പിച്ചു.

“അല്ല. ട്വിൻസിൽ ഒരാൾ ആണും ഒരാൾ പെണ്ണുമാണ്. നമ്മുടെയൊപ്പം തന്നെയാ താമസം .”ഇറിട്ടെറ്റഡ് ആയ സ്വരത്തിൽ ജോർജ് പറഞ്ഞു.

ജോർജിന്റ മറുപടി കേട്ട കൈമളുടെ മുഖം വിളറി വെളുത്തു. ഒരു പാവം കുടുംബം നശിക്കാൻ പോകുവാണല്ലോ എന്നവൻ ആലോചിച്ചു. കൈമൾ ഡോക്യൂമെന്റസ് സൈൻ ചെയ്യുന്നതിന്റെ വേഗത കൂട്ടി.ശേഷം ഡോക്യൂമെന്റസ് അവർക്ക് കൈമാറി.

“ഇളയ മകന്റെ കാര്യങ്ങളിൽ ഒരു ശ്രദ്ധ വേണം “എന്ന് കൈമളിന് അവരോട് പറയണമെന്നുണ്ടായിരുന്നു…പക്ഷെ അയാൾക്കത് പറയാൻ സാധിച്ചില്ല. വൈകാതെ അവർ എല്ലാവരും ആ ഹോട്ടൽ റൂം വിട്ട് പുറത്തേക്ക് ഇറങ്ങി.

പിറ്റേന്ന് വൈകുന്നേരം. ഹെയർപിൻ വളവുകൾ തിരിഞ്ഞു ജോർജ് തന്റെ കാർ ആ ചെറിയ കുന്നിൽ മുകളിൽ സ്ഥിതി ചെയുന്ന ബംഗ്ലാവിന്റെ ഗേറ്റിനു മുന്നിൽ കൊണ്ടു നിർത്തി. റിമോട്ട് ഉപയോഗിച്ച് ഗേറ്റ് തുറന്ന ശേഷം കാർ മുന്നോട്ടേക്ക് എടുത്തു. ഗേറ്റിൽ നിന്നു വീണ്ടും ഒരു,300 മീറ്റർ പോകണം ബംഗ്ലാവിന്റെ നടയിൽ എത്താൻ.ദൂരെ നിന്നു നോക്കിയാൽ തന്നെ ആ ബംഗ്ലാവിന്റെ വലുപ്പവും പ്രൗടിയും ഏതൊരാൾക്കും അറിയാൻ സാധിക്കും.

ജോർജും ജൂലിയും വണ്ടിയിൽ നിന്നിറങ്ങി ആ ബംഗ്ലാവിനെ വിശദമായി ഒന്ന് നോക്കി.

https://allthepics.net/image/AJCwodI.AiJvG

“ഒരു വില്ല വാങ്ങിയാൽ പോരായിരുന്നോ…?ഇതൊരൽപ്പം കൂടുതൽ അല്ലേ…?” ജൂലി ചോദിച്ചു.

“നിന്റെ അച്ഛൻ പറഞ്ഞിട്ട് നോ പറഞ്ഞെന്ന് വേണ്ട..”ജോർജ് പറഞ്ഞു.

“എന്നാലും വില…?

“ഏയ്…റേറ്റ് നല്ല ചീപ്പ്‌ ആണ്.”ജോർജ് പറഞ്ഞു.

“മ്മ്..

“അല്ല.. എങ്ങനുണ്ട് പുതിയ വീട്…സോറി ബംഗ്ലാവ്….? ആദ്യമായി കാണുന്നതല്ലേ..?”ജോർജ് ചോദിച്ചു. ജോർജിന്റ അമ്മായിയച്ചൻ മാത്രേ നേരിട്ട് വന്നു ബംഗ്ലാവ് കണ്ടിട്ടുള്ളു. ജൂലിയും ജോർജും ഫോണിൽ മാത്രേ കണ്ടുള്ളു.

“ഇട്സ് വണ്ടർ ഫുൾ ജോ..”ജൂലി പറഞ്ഞു.

“വെളിയിൽ മാത്രേ പെയിന്റ് ഒക്കെ അടിച്ചിട്ടുള്ളു. അകത്തു എല്ലാം പഴഞ്ചൻ ആണു. നല്ല ഇന്റീരിയർ വർക്ക്‌ ചെയ്യണം.”ജോർജ് പറഞ്ഞു

“അതിനല്ലേ ഞാൻ. വെറുതെ അല്ലാലോ ഇന്റീരിയർ ഡിസൈനിങ് ഒക്കെ പഠിച്ചത്.”ജൂലി പറഞ്ഞു.

“അതേ …വീട് എത്തി.ഇറങ്ങുന്നില്ലേ…?“കാറിന്റെ പിൻസീറ്റിൽ നോക്കി ജോർജ് പറഞ്ഞു.