Chapter Title : 🏘️ബോസ്റ്റൻ ബംഗ്ലാവ് [Gladiator]

മറുപടി പറഞ്ഞ ശേഷം വീണ്ടുമവൾ മൊബൈൽ നോക്കിയിരിക്കാനായി തുടങ്ങി.

“പോങ് പോങ് .. “ബോസ്റ്റൻ ബംഗ്ലാവിന്റെ ഗേറ്റ് കടന്നു ഫർണിച്ചറുകളുമായുള്ള ലോറി വന്നു നിന്നു. ലോറിയുടെ മുന്നിലായി ഒരു കാറും . ആ കാറിൽ നിന്നും രണ്ട് പേർ പുറത്തേക്കിറങ്ങി. ഡേവിഡും റിയയും. ജോർജിന്റ മൂത്ത മകനാണ് ഡേവിഡ്.. ഡേവിഡ്ന്റെ ഭാര്യയാണ് റിയ.25 വയസ്സാണ് ഇരുവർക്കും. ചെറു പ്രായത്തിൽ തന്നെ ഇരുവരും വിവാഹിതരായി. അമേരിക്കൻ മലയാളി തന്നെയാണ് റിയയും. ഇപ്പോൾ നാട്ടിൽ സെറ്റിൽ ആയ ഡേവിഡും റിയയും ബോസ്റ്റൻ ബംഗ്ലാവിനു അടുത്ത് തന്നെ ഒരു വില്ല വാങ്ങി അവിടെയാണ് താമസം. അച്ഛനും കുടുംബവും ബംഗ്ലാവിലേക്ക് വന്നതിനാൽ രണ്ട് ദിവസത്തേക്ക് വന്നതാണ് ഇരുവരും.

തന്റെ ചേട്ടൻ ഡേവിഡിനെ കണ്ടതോടെ ഡാനിയേലിന്റെ മുഖം താഴ്ന്നു. വേറൊന്നും കൊണ്ടല്ല, ഡാനിയെ നല്ല രീതിയിൽ കളിയാക്കുന്ന പ്രകൃതം ആണ് ഡേവിഡിന്. പലപ്പോഴും അവന്റെ മെലിഞ്ഞ ശരീരത്തെ ആണവൻ കളിയാക്കുന്നത്. ഡേവിഡിന് 6 അടി പൊക്കവും സിക്സ് പാക്ക് ബോഡിയും ആണ്.അവന്റെ ഇരട്ട സഹോദരി ഡെയ്സിയും കളിയാക്കുന്ന കാര്യത്തിൽ മോശമല്ല, എന്നിരുന്നാലും രണ്ടാളോടും ഡാനിക്ക് സ്നേഹമൊക്കെ ഉണ്ട്.

കല്യാണ ശേഷമാണ് ഡേവിഡിന്റെ കളിയാക്കുന്ന സ്വഭാവം അല്പം മാറിയത്. ഡാനിയേലിനെ കളിയാക്കാൻ ഡേവിഡ് മുതിരുമ്പോൾ  റിയ അവനെ തടയും. അവൾക്ക് സ്വന്തം അനിയനെ പോലെ തന്നെയായിരുന്നു ഡാനിയേൽ.. ഇതുകൊണ്ട് ഒക്കെ തന്നെ റിയയെ സ്വന്തം ചേച്ചിയെ പോലെയാണ് ഡാനിയും കണ്ടിരുന്നത്.

വൈകാതെ തന്നെ എല്ലാവരും ചേർന്ന് സാധനങ്ങൾ ഒക്കെ ഇറക്കി. പണിക്കാരും ഉണ്ടായിരുന്നു. ആ മൂന്ന് നില ബംഗ്ലാവിലെ മൂന്നാം നിലയിലെ ഏറ്റവും വലിയ റൂം