Chapter Title : 🏘️ബോസ്റ്റൻ ബംഗ്ലാവ് [Gladiator]

🌕🌕🌕

സമയം അർദ്ധരാത്രി. ബോസ്റ്റൻ ബംഗ്ലാവ് മുഴുവൻ ഇരുട്ടാൽ മൂടി. എല്ലാ ജീവനുകളും മയക്കത്തിലാഴ്ന്നു. തന്റെ മുറിയിൽ മൂടിപ്പുതച്ചു ഉറങ്ങുകയാണ് ഡാനിയേൽ.

“ടിഗ് ടോങ്.. റ്റിംഗ് ടോങ്….. “ബംഗ്ലാവിൽ നിറയെ ഒരു പെണ്ടുലം ക്ലോക്കിന്റെ ശബ്ദം മുഴങ്ങി.

“ക്സ്റ്റ്…ക്സ്റ്റ്…. കെട്ക…ക്രിക്ക്….. പ്സ് “.. എന്ന ഒച്ച അവന്റെ കാതുകളിലേക്ക് ഇരച്ചു കയറി. ശബ്ദം കേട്ട് ഉറക്കം നഷ്ടപ്പെട്ട് ഡാനിയേൽ കണ്ണ് തുറന്ന് ബെഡിൽ എഴുനേറ്റ് ഇരുന്നു. ചെറിയ ടേബിൾ ലാമ്പിന്റ വെളിച്ചം മാത്രം ആ റൂമിൽ തങ്ങി നിന്നു. ആ വെളിച്ചത്തിൽ അവൻ ചുറ്റും നോക്കിയെങ്കിലും ആരെയും കണ്ടില്ല. ശബ്ദവും കേട്ടില്ല.തോന്നിയതാവും എന്നവൻ കരുതി വീണ്ടും ഉറങ്ങാനായി പോയി.

“”ക്ട്ക…ക്ട്ക.. ക്ട്ക….”റൂമിനു വെളിയിൽ നിന്നും ഒച്ച കേട്ടു. പേടിത്തൊണ്ടൻ കൂടിയാണ് ഡാനിയേൽ.പക്ഷെ ഇത്തവണ അവൻ പേടിച്ചില്ല. കാരണം ചെറിയൊരു അവസരം കിട്ടിയാൽ പോലും അവനെ പേടിപ്പിക്കാൻ നോക്കുന്നവരാണ് അവന്റെ സഹോദരങ്ങൾ ഡേവിഡ്ടും ഡെയ്സിയും. അപ്പോൾ പുതിയ ബംഗ്ലാവിൽ ഒരു പ്രാങ്ക് അവൻ നേരത്തെ തന്നെ പ്രതീക്ഷിച്ചിരുന്നു.

അവൻ മെല്ലെ ബെഡിൽ നിന്നെഴുന്നേറ്റ് റൂമിന്റെ വാതിൽക്കലേക്ക് ചെന്നു.കോറിഡോറിലേക്ക് നോക്കിയെങ്കിലും ഇരുട്ട് വീണ കോറിഡോറിൽ അവനൊന്നും കാണാൻ കഴിഞ്ഞില്ല..അവൻ മെല്ലെ കൊറിടോറിലൂടെ പുറത്തേക്ക് നടന്നു. ഒരാൾക്കു ഒളിച്ചിരിക്കാൻ പറ്റുന്ന സ്ഥലത്തൊക്കെ അവൻ നോക്കിയെങ്കിലും ആരെയും കണ്ടില്ല. ഇനിയിപ്പോൾ ഇതെല്ലാം എന്റെ തോന്നലാണോ..?? അവൻ മനസ്സിലോർത്തു.

“പദ് പദ് പദ്…”വീണ്ടുമവൻ അതേ ഒച്ച കേട്ടു. ഇത്തവണ അത് സ്റ്റൈർ കേസിനു അരികെ നിന്നാണ് കേട്ടത്. അവൻ മെല്ലെ അങ്ങോട്ടേക്ക് ചെന്നു.

“വാട്ട്‌ ദി..?????” അവിടെ കണ്ട കാഴ്‌ചയിൽ അവൻ വായ തുറന്നു