Chapter Title : ബോട്സ്വാന [സേതുരാമൻ]

പോസ്റ്റിംഗ്. ഗൾഫിലെ ജോലികളോട് മുഖംതിരിച്ചു നിന്നിരുന്ന എനിക്കെന്തോ ഈ ആഫ്രിക്കൻ രാജ്യത്തിൽനിന്നുള്ള ഓഫർ സ്വീകരിക്കാൻ തോന്നി. തീർച്ചയായും ശമ്പളം ഒരു വലിയ ഘടകം തന്നെ ആയിരുന്നുതാനും. കാമിനിയും ഈ മാറ്റത്തിനോട് വലിയ പ്രതിപത്തി കാട്ടി. തീരുമാനം എടുത്തുകഴിഞ്ഞപ്പോൾപ്പിന്നെ കാര്യങ്ങൾ വളരെ വേഗത്തിൽ നീങ്ങി. ഒരു മാസം കൊണ്ട് ഞാൻ ഫ്രാൻസിസ്കൗണിൽ എത്തുകയുംചെയ്തു. ഫ്രാൻസിസ്ടൌൺ ബോട്ടസ്വനയിലെ എന്നല്ല ആഫ്രിക്കയിലെത്തന്നെ ഒരേറ്റവും പഴക്കമുള്ള പട്ടണങ്ങളിലൊന്നായിരുന്നു. ഏതാണ്ട് ഒരു ലക്ഷത്തോളം ആളുകൾ പാർക്കുന്ന ഈ പുരാതനപട്ടണം പഴയ സ്വർണഘനനം മൂർധന്യത്തിൽ നടന്നിരുന്ന കാലം മുതൽക്കേ പേരുകേട്ടതാണ്. തലസ്ഥാനമായ ഗബോണിന് മുന്നൂറ്റിഅമ്പതു കിലോമീറ്റർ വടക്കോട്ട് മാറി സ്ഥിതിചെയ്യുന്ന ഇവിടുന്ന് അയൽരാജ്യമായ സിംബാബ്വയിലേക്ക് ഏതാണ്ട് എമ്പതു കിലോമീറ്റർ ദൂരമേ ഉള്ളു. അതിമനോഹരമാണ് യൂറോപ്യൻ മാത്യകയിൽ പണിതീർത്തിട്ടുള്ള ഈ പട്ടണം. ഇന്ത്യയിൽ നിന്ന് പൂർവികരായി കുടിയേറിയ ധാരാളംപേർ ഇവിടുത്തെ തഴച്ചുവളരുന്ന ഫാക്ടറികളിൽ ജോലിയെടുത്തുപോന്നു. ഞാൻ അവിടെ എത്തി ഒരു മാസത്തിനകം തന്നെ കാമിനിയും മോളും വന്നു ചേർന്നു. അറുപതോളം വീടുകളുള്ള ഒരു സെകോർട് കോമ്പൗണ്ടിൽ ആയിരുന്നു ഞങ്ങളുടെ താമസം. ചുറ്റിലും നല്ല പൂന്തോട്ടമുള്ള, എല്ലാ സൌകര്യങ്ങളുമുള്ള ഫുള്ളി ഫർണിഷ്ഡായ മൂന്നു ബെഡ്റൂം ബംഗ്ളാവ്. തമ്മിൽ അകന്നു - നിന്നിരുന്ന ദിവസങ്ങളിലെ ദാഹം തീർക്കാനായി വന്ന ദിവസം - തന്നെ മോളെ ഉറക്കിയ ശേഷം ഞങ്ങൾ രാത്രി പല വട്ടം ഇണചേർന്നു. കൂട്ടത്തിൽ രഹസ്യലിസ്റ്റിലേക്ക് ഒരാളുടെ പേരുകൂടി ചേർക്കുകയും ചെയ്തു; സുനിൽകുമാർ വാളെയുടെ. - വീട്ടിൽനിന്ന് കുറെഏറെദൂരെ ആയിരുന്നു എന്റെ ഓഫീസ്. പക്ഷെ പദവിക്കനുസൃതമായ ഒരു ടൊയോട്ടാ പ്രാഡോ വണ്ടിയും ഡ്രൈവറെയും എത്തിയ ദിവസം തന്നെ കിട്ടിയ