Chapter Title : ബ്രഹ്മഭോഗം 3 [Master]

മൂലം അങ്ങോട്ട്‌ ചെന്നത്? അങ്ങനെ ചെന്നതുകൊണ്ടല്ലേ നിനക്കത് കേള്‍ക്കേണ്ടി വന്നത്? എന്തിന് നീയവിടെപ്പോയി? പോട്ടെ, ഒരു ചെവിയിലൂടെ കേട്ട് മറ്റൊരു ചെവിയിലൂടെ ഉപേക്ഷിക്കേണ്ടിയിരുന്ന കാര്യം നീയെന്തിന് മനസ്സിലിട്ടു താലോലിച്ചു? അതിനര്‍ത്ഥം ഉള്ളിന്റെയുള്ളില്‍ നീയും അത് മോഹിക്കുന്നുണ്ടായിരുന്നു എന്നുതന്നെയല്ലേ? എന്നിട്ടവന്‍ അച്ഛനെ കുറ്റപ്പെടുത്തുന്നു; വിഡ്ഢി.

ശരിയാണ്; ഞാന്‍ എന്റെ വൈകൃതം മൂലംതന്നെയാണ് അച്ഛന്റെയും സുഹൃത്തുക്കളുടെയും സംഭാഷണം കേള്‍ക്കാനായി പോയത്; ആ സംഭാഷണങ്ങളിലെ സ്ത്രീവിഷയങ്ങള്‍ മാത്രം കേള്‍ക്കാന്‍. എന്റെ മനസ്സ് രഹസ്യമായി ഇതെല്ലാം മോഹിക്കുന്നുണ്ടായിരുന്നു; ഞാന്‍പോലും അറിയാതെ. അച്ഛന്റെ നാവില്‍ നിന്നും വീണ വാക്കുകള്‍ അവയ്ക്ക് മറനീക്കി പുറത്തിറങ്ങാനുള്ള ഉപാധികളായി എന്ന് മാത്രം. ആ വാക്കുകളെ അതേപടി സ്വീകരിച്ച ഞാന്‍, ഞാനാണ്‌ കുറ്റക്കാരന്‍; ഞാന്‍ മാത്രം.

പക്ഷെ, പക്ഷെ എനിക്കത് പുല്ലാണ്. അതെ പുല്ലാണ്. എന്ത് കുറ്റം? കാമത്തെ ഞാനാണോ സൃഷ്ടിച്ചത്? എന്റെയുള്ളില്‍ എന്റെ അനുമതിയോടെയാണോ ഈ സുഖഭ്രാന്ത് അലറി വിളിക്കുന്നത്? മാധവിയോട് ഞാന്‍ പറഞ്ഞോ എന്നെ ക്ഷണിക്കാന്‍? ഹൂ! മാധവി. അവളുടെ രൂപം എന്നെ കൊല്ലുന്നു.

“വിഷ്ണൂ, ഉണ്ണാന്‍ വാ” പുറത്ത് ചേച്ചിയുടെ ശബ്ദം. വിശപ്പില്ല; ഒട്ടും. എങ്കിലും ഉണ്ണണം. ഞാന്‍ പുറത്തിറങ്ങി. ചേച്ചി പൊയ്ക്കഴിഞ്ഞിരുന്നു.

അത്താഴം ഒരു ചടങ്ങ് മാത്രമായിരുന്നു. ഈ ശാകാഹാരത്തിന് എന്റെ വിശപ്പ്‌ ലവലേശം ശമിപ്പിക്കാന്‍ കഴിയില്ല. എനിക്ക് മാംസം വേണം; പെണ്ണിന്റെ മാംസം; മാധവിയുടെ മാംസം!

ചീവീടുകളുടെ സാഗരമാണ് രാത്രിയായാല്‍ മനയുടെ പറമ്പ്. മണി പത്തുകഴിഞ്ഞിരിക്കുന്നു. ഉറക്കം വരാതെ മുറിയില്‍ നടക്കുകയാണ് ഞാന്‍. അച്ഛനോ അമ്മയ്ക്കോ സംശയം തോന്നാതിരിക്കാന്‍ ലൈറ്റ് ഓഫാക്കിയിട്ടുണ്ട്. ജനലിലൂടെ പുറത്തേക്കുതിരുന്ന വെളിച്ചം അവര്‍ക്ക് താഴെ നിന്ന് കാണാന്‍ സാധിക്കും;