Chapter Title : ബുദൂർ ഇഫ്രീത്തിന്റെ രാജ്ഞി 2 [സൂർദാസ്]

നോക്കി നിന്ന സുൽത്താൻ ഒരു ശ്വാസം ആഞ്ഞു വലിച്ചു. അതിന്റെ നിശ്വാസത്തിൽ പുറത്ത് വന്ന ഓർമകൾക്ക് ആയിരത്തിയൊന്ന് വർഷത്തെ പഴക്കം ഉണ്ടായിരുന്നു. അവൾ കണ്ണിൽ നിന്ന് മറയുമ്പോഴേക്കും ആ ഓർമകൾ എല്ലാം ഇഫ്രീത്ത്സുൽത്താന്റെ മനോമുകുരത്തിലൂടെ ഓടി തീർന്നിരുന്നു. ജിന്നുകളുടെ സ്പീഡ് മനുഷ്യർക്കില്ലാത്തത് കൊണ്ട് നമുക്കാ ഓർമകളെ വായിക്കാൻ അൽപം സമയം എന്തായാലും വേണ്ടിവരും. 3000 വർഷം ജീവിച്ച തന്റെ അബ്ബ(അച്്ഛൻ ) അബ്റഹത്ത് രാജാവിന്റെ മരണത്തിന് ശേഷം 41-ാം നാൾ ജിന്നുകളുടെ ലോകത്തിന്റെ യുവരാജാവായി തന്നെ വാഴിക്കുമ്പോൾ തനിക്കന്ന് 333 വയസ്സായിരുന്നു പ്രായം.. ജിന്നുകളുടെ ടീനേജ് കാലം. മനുഷ്യരുമായി താരതമ്യപ്പെടുത്തിയാൽ അവരുടെ 18 / 19 വയസ്സ്.

യൗവനം കത്തി തുടിച്ച് തുളുമ്പുന്ന ആ പ്രായത്തിൽ സകല മെഹ്ഫിൽ മജ്ലിസുകളിലും ആടി തിമിർത്ത് രാജകുമാരൻ എന്ന പ്രിവിലേജിൽ കന്യകമാരും അമ്മായിമാരും നർത്തകിമാരും എന്ന് വേണ്ട അബ്ബായുടെ വെപ്പാട്ടിമാരെ വരെ തുരത്തി തുരത്തിയടിച്ച് കളി സാമാനം രാകി മിനുക്കി ആനന്ദത്തിലാറാടി നടക്കുന്നതിനിടയിലാണ് അബ്ബയുടെ വിടവാങ്ങൽ മൂലം രാജ്യഭരണ നിർവഹണം എന്നല്ലാമുള്ള മഹാഭാരം തലയിൽ വന്നു വീണത്. ദിക്കറിയാത്ത പട്ടം പോലെ അർമാദിച്ച് പറന്ന തനിക്ക് അത് ഒരു ഭാരം തന്നെയായിരുന്നു. പട്ടം മൂക്ക് കുത്തി വീണു. പിന്നീട് മന്ത്രിയും അമ്മാവനുമായ അമാനത്തുമായി ചേർന്ന് രാജ്യ കാര്യങ്ങൾ, ഭരണനിർവഹണം, പ്രജാക്ഷേമ പരിപാടികളുടെ ആസൂത്രണം എല്ലാം കണ്ടും അറിഞ്ഞും പഠിച്ച് വന്നപ്പോഴേക്കും ഒരു 150 വർഷം അങ്ങോട്ട് പോയി. അപ്പോഴേക്കും അമ്മ റേബാ രാജ്ഞിക്ക് താൻ കല്യാണം കഴിക്കാനായിട്ടുള്ള തിരക്ക് കൂട്ടൽ അതിന്റെ രൗദ്രഭാവത്തിൽ എത്തിയിരുന്നു. അമ്മാവന്റെ മകൾ സലീഖയെ തന്നോട്