Chapter Title : ചാരുലത ടീച്ചർ 7 [Jomon]

അവളുടെ വിരലുകൾ വലിച്ചെടുക്കാൻ നോക്കുന്നതിനിടയിൽ ഞാൻ പറഞ്ഞു….

“പോടാ…ഞാനാ ടൈപ്പ് ഒന്നുവല്ല…പക്ഷെ നിങ്ങൾ ആണുങ്ങൾക്ക് മാത്രമേ ഇങ്ങനെ ചെയ്യാൻ പാടുള്ളു എന്നൊന്നുമില്ലല്ലോ…”

അവളെന്റെ സംസാരം ഇഷ്ടപെടാത്തത് പോലെ കൈ കെട്ടി മാറിനിന്നു…

“അച്ചോടാ…എന്റെ ചാരുമിസ്സ്‌ പിണങ്ങി നിക്കുവാണോ..ഏഹ്…?

ഞാനവളുടെ കവിളിലൂടെ വിരലോടിച്ചുകൊണ്ട് ചോദിച്ചു…വെറുതെ അതിനെയിട്ട് വട്ട് പിടിപ്പിക്കാൻ…ഓരോ തവണയും എന്റെ വിരലുകൾ അവളുടെ നുണക്കുഴി കവിളിൽ കേറിയിറങ്ങി പോകുമ്പോളും വാശി പിടിച്ച കുട്ടികളെപ്പോലെയവളെന്റെ കൈ കുടഞ്ഞെറിഞ്ഞു കൊണ്ടിരുന്നു…

”ചാരുവേ…നീ പറഞ്ഞ ആണുങ്ങളുടെ കൂട്ടത്തിൽ എന്നെ ചേർക്കല്ലേ…എനിക്കിങ്ങനെ നിന്നെ കുത്തി പിടിക്കാനല്ല ഇഷ്ടം…..നിന്നെയിങ്ങനെ കടിച്ചെടുക്കാനാ ഇഷ്ടം…“

അതും പറഞ്ഞവളുടെ കവിളിലൊരു കടിയും കൊടുത്തു ഞാൻ ഇറങ്ങിയോടി…ഇല്ലെങ്കിൽ പകരത്തിനു പകരമെന്റെ കവിളവളുടെ പല്ലിനിടയിലിരിക്കുമെന്ന് എനിക്ക് അറിയാമായിരുന്നു…….

പിറകിൽ നിന്നവളെന്തോ വിളിച്ചു പറയുന്നത് കേട്ടെങ്കിലും ഷെൽഫിലൊന്നും പോയി തലയിടിക്കാതെ ഓടി രക്ഷപ്പെടുന്നതിനിടയിൽ ഞാനത് കാര്യമാക്കിയില്ല…

പിന്നീട് അന്നത്തെ ദിവസം ചാരുവെന്റെ മുൻപിലൊന്നും വന്നു പെട്ടില്ല..ഞാനും അത് ശ്രദ്ധിച്ചു തന്നെയാണ് നടന്നത്…വെറുതെ എന്തിനാ അവളുടെ മുൻപിൽ പോയി ചാടി ഊക്ക് വാങ്ങുന്നത്….

പക്ഷെ അന്ന് രാത്രി പതിവ് വിളി വരുന്ന സമയം കഴിഞ്ഞിട്ടും ചാരുവിന്റെ വിളിയൊന്നും കാണാത്തതു കൊണ്ടു ഞാൻ വല്ലാതെ ടെൻഷൻ അടിക്കാൻ തുടങ്ങി

“അവളിനിയത് സീരിയസായി എടുത്തു കാണുമോ…”

അതായിരുന്നു എന്നെ കുഴപ്പിച്ച ചോദ്യം……ഞാൻ തമ്മിൽ ഇഷ്ടത്തിലായതിൽ പിന്നെ അത്ര വലിയ സീരിയസായ വഴക്കുകളോ പ്രശനങ്ങളോ ഉണ്ടായിട്ടില്ല ഇതുവരെ…പക്ഷെ ഇന്നെന്തോ എനിക്കൊരു പേടി കുടുങ്ങി…ഒടുക്കം വരുന്നത് വരട്ടെ എന്ന് കരുതി ഞാൻ അവളുടെ നമ്പറിലേക്ക് വിളിച്ചു….ആദ്യത്തെ റിങ് മുഴുവൻ അടിച്ചു കഴിഞ്ഞിട്ടും ചാരു ഫോൺ എടുത്തില്ല….എന്നാലും വിട്ട് കൊടുക്കാൻ പറ്റാത്തത് കൊണ്ടു തന്നെ ഞാൻ വീണ്ടും വിളിച്ചു…ഇത്തവണ റിങ് അടിച്ചു തീരാറായപ്പോളേക്കും അവള് കാൾ എടുത്തു

“ഹലോ…”

പതിവിലും കഠിനമായ സ്വരത്തിൽ അവളുടെ ശബ്ദം ഞാൻ കേട്ടു…..ഇത് പണിയാകും….

“ചാരു നീ കലിപ്പിലാണോ…?

അവളുടെ മനസ്സിലിരിപ്പറിയാൻ വേണ്ടി ഞാൻ ചോദിച്ചു…

”ഞാനൊരു കപ്പലിലുമല്ല നീ വിളിച്ച കാര്യമെന്താണെന്ന് വച്ചാ പറ…എനിക്ക് ഒരുപാട് പണിയുള്ളതാ ഇവിടെ…“

”ഏഹ്…ഈ പത്തുമണിയായപ്പോ നിനക്കെന്തു പണി….ഫ്ലാറ്റിലെ സെക്യൂരിറ്റി പണി നീയാണോ ഇപ്പൊ നോക്കുന്നെ…?

ഞാനൊരു അളിഞ്ഞ ചിരിയോടെ ചോദിച്ചു…സംഭവം ചളിയാണ്..ന്നാലും പെണ്ണ് ചിലപ്പോ തണുത്താലോ…

“വെച്ചിട്ട് പോടാ…രാത്രിയവൻ പണി തരാൻ ഇറങ്ങിയേക്കുന്നു…”

വല്ലാത്തൊരു പൊട്ടിത്തെറിയോടെ ചാരു എന്നോട് ചീറി…

“എടി നീയിങ്ങനെ ഒന്നും പറയാതെ…ഞാൻ…ഞാനത് രാവിലെ വെറുതെ ഒരു തമാശക്ക് ചെയ്തതാ…അല്ലാണ്ട്…അല്ലാണ്ട് വേണന്നു വെച്ചിട്ടല്ല…”

അവളുടെ മാറ്റത്തിൽ ഒന്ന് പേടിച്ചു