Chapter Title : ചക്രവ്യൂഹം 2 [കുഞ്ഞൻ]

കൃത്യമായി പറഞ്ഞാൽ ആറ് വർഷങ്ങൾക്ക് മുൻപ് ഈ ചിറക്കൽ ഗോപിനാഥൻ എന്ന പൊളിറ്റിക്കൽ ക്രിമിനലിന്റെ മുഴുവൻ റിയൽ എസ്റ്റേറ്റ് കള്ളത്തരങ്ങളുടെയും മുഴുവൻ തെളിവോട് കൂടി ഒരാൾക്ക് ലഭിച്ചിരുന്നു... അന്നത്തെ സത്യസന്ധനായ തഹസിൽദാർ ഉണ്ണികൃഷ്ണ മേനോന്...

അന്ന് പല വിധേനയും ഉണ്ണികൃഷ്ണൻ സാറിനെ തന്റെ ഭാഗത്ത് നിർത്താൻ ശ്രമിച്ചെങ്കിലും ഗോപിനാഥന് സാധിച്ചില്ല... തന്റെ ജീവിതം രക്ഷിക്കാൻ ഏതറ്റം വരെ പോകുന്ന ഗോപിനാഥന് പിന്നെ ഉള്ള ഏക മാർഗം ഉണ്ണികൃഷ്ണൻ ലോകത്തോട് വെളിപ്പെടുത്താൻ വെച്ചിരിക്കുന്ന ആ രഹസ്യം ആരെങ്കിലും അറിയും മുൻപേ രഹസ്യം കൊണ്ട് നടക്കുന്ന ആളെ ഇല്ലാതാക്കുക... അങ്ങനെ അയാൾ ഇല്ലാതാക്കി... ഉണ്ണികൃഷ്ണൻ എന്ന നല്ല വ്യക്തിയെയും ഒപ്പം ഒരു കുടുംബത്തിന്റെ മൊത്തം ആശ്രയത്തെയും... ആർക്കും സംശയം തോന്നാത്ത രീതിയിൽ ഉള്ള ഒരു റോഡപകടം... അതിൽ അയാൾ ഇല്ലാതാവുമ്പോ സതീഷിനും അവന്റെ കുടുംബത്തിനും നഷ്ടപെട്ടത് പിന്നീടങ്ങോട്ടുള്ള അവരുടെ ജീവിതമായിരുന്നു...

പക്ഷെ ഈ സത്യങ്ങൾ ഒന്നും അറിയാതെ ആണ് സതീഷ് വിശ്വനുമായി കൂട്ട് കൂടിയത്...

"അല്ല വിശ്വാ... നീ എന്തിനാ ഈ ചെക്കനെ കൊണ്ട് നടക്കുന്നത്... അവൻ എങ്ങനെ എങ്കിലും പഴയ കാര്യങ്ങൾ അറിഞ്ഞാൽ..." മേനോൻ സാർ ചോദിച്ചപ്പോ വിശ്വൻ ഒരു പുച്ഛത്തോടെയുള്ള ചിരി ആയിരുന്നു ഉത്തരം... "എന്റെ മേനോൻ സാറേ... അവൻ ഒന്നും അറിയാതിരിക്കാൻ തന്നെയാണ് അവനെ ഞാൻ കൊണ്ട് നടക്കുന്നത്... പിന്നെ എന്തിനാ അവന്റെ കുടുംബത്തിൽ കേറി ഇറങ്ങുന്നത് എന്ന് അറിയാലോ..."

"എന്തിനാ..." ചോദ്യം കുമാരൻ നായരുടെ വായയിൽ നിന്നായിരുന്നു...

"ആഹാ അപ്പൊ കുമാരേട്ടന് കാര്യങ്ങൾ മുഴുവൻ അറിയില്ല അല്ലെ... ഉം എന്നാ കേട്ടോ... ഇവർ... എന്റെ തന്തപ്പിടിയും കൂടി ഇല്ലാത്ത നെറികേടൊക്കെ ചെയ്‌തു... അതിന്റെ പരിപൂർണമായ തെളിവുകൾ ശേഖരിച്ച് ഒരാൾ പുറത്തുവിടും എന്ന് പറഞ്ഞ്... പക്ഷെ അങ്ങേരു പിന്നെ ഈ ഭൂമിയിൽ അധികം മണിക്കൂർ ജീവിച്ചിരുന്നില്ല... മനസ്സിലായോ... അന്ന് അദ്ദേഹം ശേഖരിച്ച തെളിവുകൾ ഇന്നും ഭദ്രമായി ആ വീട്ടിൽ ഉണ്ട് എന്നാണ് അച്ഛന്റെ വിശ്വാസം... അത് ഒരിക്കലും അവനു കിട്ടരുത്... കിട്ടിയാലും അവൻ എന്തെൻകിലും പ്രവർത്തിക്കാതിരിക്കാൻ അവന്റെ ഒരു ചരട്... ഒരു കൺട്രോൾ ചരട് മ്മ്‌ടെ കയ്യിൽ വേണം... അതിനു പറ്റിയ ഒരവസരം നോക്കി നടക്ക ഞാൻ..." വിശ്വന്റെ കണ്ണുകളിലെ തീ എല്ലാവരും കണ്ടു... "ഹാ പിന്നെ എന്റെ കുമാരേട്ടാ... ഇതിൽ അതിലും വലിയൊരു പ്രശനം കൂടി ഉണ്ട്... അതാണ് ഇതിലെ ഹൈ ലൈറ്റ്... അന്ന് ആ തെളിവുകൾ ശേഖരിച്ച്