Chapter Title : ചിറകുള്ള മോഹങ്ങൾ 1 [സ്പൾബർ]

മാത്രേ അറിഞ്ഞിട്ടുള്ളൂ….”

ശിവരാജൻ സമാധാനത്തോടെ പറഞ്ഞു..

“” പിന്നെന്താ ചേട്ടാ നമ്മളിനി ചെയ്യാ… ?.
എത്ര ദിവസം അവളെയിവിടെ നിർത്തും…?
ആൾക്കാര് ചോദിക്കില്ലേ… ?””

തേങ്ങിക്കൊണ്ട് ശോഭന ചോദിച്ചു..

“ഉം… ഒരു പരിധിയിൽ കൂടുതൽ ഇവിടെ നിർത്താനൊക്കില്ല….
ഏതായാലും കുറച്ച് ദിവസം ഇവിടെ നിൽക്കട്ടെ… അധികം പുറത്തോട്ടൊന്നും ഇറക്കണ്ട…
ഞാനവനെ ചെന്ന് കണ്ടോളാം… കാല് പിടിച്ച് മാപ്പ് പറഞ്ഞിട്ടാണെങ്കിലും നമുക്ക് ഐശു മോളെ അവന്റൊപ്പം വിടണം…””

ആത്മവിശ്വാസത്തോടെ ശിവരാജൻ പറഞ്ഞു..

“” പക്ഷേ, അതിന് മുൻപ് നമുക്കവളോടൊന്ന് സംസാരിക്കണം…
എന്താ സംഭവിച്ചേന്ന് അറിയില്ലല്ലോ…. “

“” ഇനി അവളോടെന്ത് ചോദിക്കാനാ ഏട്ടാ… ?.
എല്ലാം വരുത്തി വെച്ചില്ലേ മൂധേവി… “

ശോഭനക്ക് മകളോട് ആദ്യമായി പക തോന്നി…

“അങ്ങിനെയല്ല കുഞ്ഞുമോളേ… അവൾക്ക് പറയാനുള്ളത് കൂടി നമ്മൾ കേൾക്കണം…
സുശീ…നീയവളെയിങ്ങോട്ട് വിളിക്ക്… എന്താ എന്റെ കുട്ടിക്ക് പറ്റിയേന്ന് അറിയണല്ലോ… “

സുശീല എണീറ്റ് ഐശ്വര്യ കിടക്കുന്ന മുറിയിലേക്ക് ചെന്നു…
അവരെന്തോ സംസാരിക്കുന്നത് ഹാളിലിരിക്കുന്നവർക്ക് കാണാം…
സുശീല അവളുടെ കയ്യിൽ പിടിച്ച് വലിക്കുന്നുണ്ട്… കുതറിക്കൊണ്ട് ഐശ്വര്യ ബെഡിൽ തന്നെ കിടക്കുകയാണ്..

ശോഭന ഒരു തീക്കാറ്റായി അകത്തേക്ക് പാഞ്ഞു..
കിടക്കുകയായിരുന്ന ഐശ്വര്യയുടെ മുഖത്ത് ഒറ്റയടി..

“” ഇങ്ങോട്ടെണീക്കെടീ ഒരുമ്പെട്ടോളേ…
കുടുംബത്തിന്റെ മാനം കളഞ്ഞിട്ട് കിടക്കുന്ന കിടപ്പ് കണ്ടില്ലേ…
മാമൻ വിളിച്ചത് കേട്ടില്ലേടീ നീ….?”

ശോഭന ചീറിക്കൊണ്ട് വീണ്ടും അടിക്കാനായി കയ്യുയർത്തി…

“” കുഞ്ഞുമോളേ… എന്തായിത്…?.
ഇത് തല്ലിത്തീർക്കാനാണോ നീ വിചാരിച്ചത്…. നീയങ്ങോട്ട് ചെന്നേ… മോളെ ഞാനങ്ങോട്ട് കൊണ്ടുവരാം… “

സുശീല, ശോഭനയെ ഉന്തിത്തള്ളി പുറത്താക്കി..
ശോഭന വിറച്ച് കൊണ്ട് സെറ്റിയിൽ വന്നിരുന്നു…