Chapter Title : ചിത്രയുടെ ചാരിത്ര്യം 5 [Kambi kannan]

മനോഹരമായി ഒരുക്കിയ ലിവിങ് റൂം. ഇളം ക്രീം കളർ നിറഞ്ഞ ചുവരുകൾ. അതിനൊത്ത ഇന്റീരിയർ.

ഒപ്പം വലിയ ജനാലകളിലൂടെ കൊച്ചി നഗരത്തിന്റെ കാഴ്ചകൾ കാണാം. അവൾ ഓടി നടന്നു എല്ലാം കണ്ടു.. ചെറിയ അടുക്കള.. പിന്നെ വിശാലമായ ഒരു ബെഡ്റൂം. ആ ബെഡ് റൂമിനോട് ചേർന്ന് ഒരു ബാൽക്കണി. അവിടെ പോയി അവൾ പുറത്തെ കാഴ്ചകളിലേക്ക് നോക്കി. താൻ ആഗ്രഹിച്ച ആ പുതിയ ജീവിതം ഇതാ ഇവിടെ തുടങ്ങുന്നു.

പഴയത് ഒന്നും തന്റെ ജീവിതത്തിൽ ഇനി ഉണ്ടാവില്ലെന്ന് അവൾ ഒരിക്കൽ കൂടി ഉറപ്പിച്ചു. അവളുടെ കണ്ണും മനസ്സും ഒരുപോലെ നിറഞ്ഞു..

"ഇത് ഇനി നമ്മുടേത് മാത്രം..." ഗോകുൽ അടുത്തേക്ക് ചെന്ന് അവളെ പിന്നിലൂടെ കെട്ടിപ്പിടിച്ചു.. ആ ദിവസം മുഴുവൻ പുതിയ വീടിനെ തങ്ങളുടേതാക്കി മാറ്റുന്ന തിരക്കിലായിരുന്നു അവർ. ഫ്ലാറ്റിന്റെ ഓരോ കോണിലും ഗോകുലിന്റെയും ചിത്രയുടെയും കൈസ്പർശമേറ്റു. ചിത്ര വളരെ ഉത്സാഹത്തിലായിരുന്നു; ഓരോ പാത്രങ്ങളും വസ്ത്രങ്ങളും അടുക്കി വെക്കുമ്പോഴും താൻ ജീവിതത്തെത്തന്നെയാണ് ക്രമീകരിക്കുന്നത് എന്നൊരു തോന്നൽ അവൾക്കുണ്ടായി.

താമസം തുടങ്ങുന്നതിന്റെ ഭാഗമായി അവർ അടുക്കളയിൽ ചെറിയ രീതിയിൽ പാൽ തിളപ്പിച്ചു. ആവി പറക്കുന്ന ആ പാലിന്റെ മണം ഫ്ലാറ്റിലാകെ പടർന്നപ്പോൾ, എന്തോ ഒരു ശുദ്ധി അവിടെ വന്നതുപോലെ ചിത്രയ്ക്ക് തോന്നി. വർക്കലയിലെ ആ ഗന്ധങ്ങളിൽ നിന്ന് തികച്ചും വ്യത്യസ്തമായ, ഒരു കുടുംബത്തിന്റെ പരിശുദ്ധിയുള്ള മണം. താൻ പഴയ ചിത്രയായി മാറിയിരിക്കുന്നു എന്ന് അവൾ ഉറപ്പിച്ചു.

രാത്രിയായപ്പോൾ അവർ പുറത്തുനിന്ന് ഭക്ഷണം ഓർഡർ ചെയ്തു. ഡൈനിംഗ് ടേബിളിന് ഇരുവശവും ഇരുന്ന് സംസാരിക്കുമ്പോൾ ഗോകുൽ അവളിൽ വലിയ മാറ്റങ്ങൾ ശ്രദ്ധിച്ചു. അവൾ പഴയതുപോലെ കൊഞ്ചി സംസാരിക്കുന്നു, അവന്റെ കാര്യങ്ങളിൽ ശ്രദ്ധിക്കുന്നു. ഗോകുലിന് സന്തോഷം തോന്നിയിരുന്നെങ്കിലും, അവന്റെ ഉള്ളിലെ ഫാന്റസി ഒരു ചോദ്യചിഹ്നമായി ബാക്കിയുണ്ടായിരുന്നു. ഇവൾ മാറിക്കഴിഞ്ഞോ? അതോ ഇതൊരു മറ മാത്രമാണോ?

ഭക്ഷണം കഴിഞ്ഞു കൈ കഴുകി വരുമ്പോൾ ഗോകുൽ ബെഡ്റൂമിലെ റൂമിലെ വലിയ ബാൽക്കണി യിൽ കാത്തിരിക്കുണ്ടായിരുന്നു. അവൻ അവളെ ചേർത്തുപിടിച്ചു ആകാശത്തെ നസ്ക്ഷത്രങ്ങളെ നോക്കി നിന്നു . ഒപ്പം ഒട്ടും മങ്ങാതെ കൊച്ചി നഗരം രാത്രിയുടെ വെളിച്ചത്തിൽ മിന്നിത്തിളങ്ങുന്നുണ്ട്.

"സന്തോഷമായോ