Chapter Title : Curious case edited version 7 [Willie Beamen]

പക്ഷേ അവസാന നിമിഷം എബി അവനെ കൈവിലങ്ങ് വെച്ച് തൂണിൽ ബന്ധിച്ചു.

"നിന്നെ കൊല്ലില്ല നിതിൻ... പക്ഷേ നിന്റെ ഈ ജീവിതം ഇനി ഇരുമ്പഴികൾക്കുള്ളിലായിരിക്കും. നിന്റെ അച്ഛനും അമ്മയ്ക്കും ഒപ്പം."

പിറ്റേന്ന് രാവിലെ കൊല്ലം സബ് രജിസ്ട്രാർ ഓഫീസിന് മുന്നിൽ രാമകൃഷ്ണന് ആദരാഞ്ജലികൾ അർപ്പിച്ചു കൊണ്ട് എബി നിന്നു. ആ മൂന്നാമത്തെ ഫയൽ അവൻ ഹാരിസ് സാറിന് കൈമാറി. അത് കണ്ടപ്പോൾ ഹാരിസ് സാറിന്റെ കണ്ണുകൾ നിറഞ്ഞു. "എടാ... ഇത്രയും കാലം ഞാൻ ഈ രഹസ്യം ചുമന്നത് നിങ്ങളെ ഓർത്തു മാത്രമാണ്."

"ഇനി വേണ്ട അപ്പച്ചാ... സത്യം പുറത്തുവന്നു കഴിഞ്ഞു."

മാത്യു വക്കീലിന്റെയും അൻസിയുടെയും പതനം പൂർണ്ണമായെന്ന് എല്ലാവരും കരുതിയടത്താണ് കളികൾ വീണ്ടും മാറിയത്. നിയമത്തിന്റെ പഴുതുകൾ കണ്ടെത്താൻ വക്കീലിനോളം മിടുക്കുള്ളവർ വേറെയാരുമില്ല. ജയിലിനുള്ളിൽ കിടന്നുകൊണ്ട് തന്നെ വക്കീൽ തന്റെ പഴയ ബന്ധങ്ങൾ ഉണർത്തി.

കൊല്ലം സബ് ജയിലിന് മുന്നിൽ കറുത്ത ചില്ലുകളുള്ള ആഡംബര കാറുകൾ നിരന്നു നിന്നു. മാത്യു വക്കീലിനും അൻസിക്കും ഹൈക്കോടതിയിൽ നിന്ന് ജാമ്യം ലഭിച്ചിരിക്കുന്നു. തെളിവ് നശിപ്പിച്ച കേസിൽ രാമകൃഷ്ണന്റെ മരണവുമായി നേരിട്ട് ബന്ധിപ്പിക്കാൻ പോലീസിന് കഴിഞ്ഞില്ല എന്ന പഴുതാണ് വക്കീൽ ഉപയോഗിച്ചത്.

ജയിൽ കവാടം തുറന്ന് പുറത്തേക്ക് വരുമ്പോൾ അൻസിയുടെ മുഖത്ത് ആ പഴയ അഹങ്കാരമല്ല, മറിച്ച് എബിയോട് തീർത്താൽ തീരാത്ത പകയായിരുന്നു. വക്കീൽ തന്റെ കറുത്ത കോട്ട് ശരിയാക്കി ഗൗരവത്തിൽ കാറിനടുത്തേക്ക് നടന്നു.

"മാത്യു... നമ്മൾ തോറ്റു എന്ന് കരുതിയവർക്ക് മറുപടി നൽകേണ്ടേ?" അൻസി കാറിനുള്ളിലിരുന്ന് പല്ലുഞെരിച്ചു ചോദിച്ചു.

തോൽവി നമുക്കുള്ളതല്ല അൻസി. എബി ആ മൂന്നാമത്തെ ഫയൽ കണ്ടെത്തിയത് നമ്മുടെ കണക്കുകൂട്ടലുകൾ തെറ്റിച്ചു. പക്ഷേ, ആ ഫയലിൽ ഹാരിസിന്റെ പഴയ സുഹൃത്ത് എന്ന് പറയുന്ന ആൾ സത്യത്തിൽ ആരാണെന്ന് എബിക്ക് ഇനിയും മനസ്സിലായിട്ടില്ല. അത് വെളിപ്പെട്ടാൽ എബിയുടെ കുടുംബം തകരും," വക്കീൽ ഒരു ക്രൂരമായ ചിരിയോടെ പറഞ്ഞു.

കൊല്ലം ബീച്ച് റോഡ്

എബിയും സണ്ണിയും ബൈക്കിൽ വരുമ്പോഴാണ് വക്കീൽ ജാമ്യത്തിൽ ഇറങ്ങിയ വാർത്ത അറിയുന്നത്. സണ്ണി ആകെ അസ്വസ്ഥനായി.

"എബി... അവന്മാർ പുറത്തിറങ്ങി. ഇനി അവർ പഴയതിനേക്കാൾ അപകടകാരികളായിരിക്കും. പ്രത്യേകിച്ച്