ക്യാ മറാ മാൻ..
ഈ പേര് ഈ സൈറ്റിൽ ഞാൻ വായനക്കാരനായത് മുതൽ കാണാറുണ്ട്, കമന്റുകളിൽ കൂടുതലും സ്മിത, സിമോണ കഥകളിൽ ആണെന്ന് തോന്നുന്നു. താങ്കളെ പോലെ ഞാനും അവരുടെ കടുത്ത ആരാധകൻ തന്നെയാണ്, ഈയിടെ സ്മിതയുമായി ചെറിയൊരു അഭിപ്രായ വ്യത്യാസമുണ്ടായി. പക്ഷെ അതൊരിക്കലും വ്യക്തിയോടുള്ള വിദ്വേഷമോ എഴുത്തുകാരിയോടുള്ള പകയോ ഒന്നുമില്ല. അവർ തിരിച്ചു വരാനായി ഞാനും കാത്തിരിക്കുന്നു.... സ്മിതയുടെ കഥകൾ തന്നയാണ് എന്റെയും റെഫെറൻസു, അവർ കാരണമാണ് ഞാനീ സൈറ്റിൽ പോലും കുത്തികുറിക്കാൻ കാരണം.....
കഥയുണ്ടാക്കുന്ന ഈ പ്രോസസ്സ് അതൊരു "ആത്മരതിയാണ്..." നമ്മൾ വിശാലമായ ഒരു ലോകം ഉണ്ടാക്കി അതിനകത്തു നമ്മുടെ ഇഷ്ട കഥാപാത്രങ്ങളെ അങ്ങ് അഴിഞ്ഞാടാൻ വിടുമ്പോ കിട്ടുന്ന ആ സുഖം! അതിനുവേണ്ടിയാണ് കഥയെഴുതുന്നത്, അതിനുവേണ്ടിമാത്രം.
പിന്നെ വായിക്കുന്ന ആളെക്കുറിച്ചു ഞാൻ കഥ പോസ്റ്റ് ചെയ്യും മുൻപ് ഒന്ന് വായിച്ചു നോക്കുമ്പോ മാത്രമേ ആലോചിക്കാറുള്ളു. അവർക്കിത് എങ്ങനെയാണ്..മനസിലേക്ക് കയറുക. ഞാനിതിൽ ഒളിപ്പിക്കുന്ന ആശയം അവർക്ക് ഉൾകൊള്ളാൻ ആകുമോ..എന്നൊക്കെ ചിന്തിക്കും...
എന്റെ തൂലിക നാമത്തെ പറ്റി ഇത്രയും രസകരമായി അഭിപ്രായം പറഞ്ഞത് എനിക്ക് വളരെയിഷ്ടമായി. ഞാൻ മറ്റൊരു പേരിലും കൂടെ ഇവിടെയുണ്ട്. ഈ അക്കൗണ്ടിൽ സ്ത്രീകളുടെ ഇമോഷൻസ് ആണ് കൂടുതൽ ഞാൻ എഴുതുക, മറ്റേ അക്കൗണ്ടിൽ പുരുഷനും ആയിരിക്കും.....
ഒരു രസം...കിറുക്ക് എന്തും വിളിക്കാം .. ഇനിയെന്റെ പേര് കാണുമ്പോ കഥ ഓടിച്ചെങ്കിലും നോക്കുമെന്നു ഞാൻ പ്രതീക്ഷിച്ചിച്ചോട്ടെ...
എന്റെ രചന എനിക്ക് ഒരുതരം ആക്സിഡന്റ് പോലെയാണ് എന്നാണ്, അതങ്ങനെ വന്നു ചേരുന്നു, നിങ്ങൾ പറഞ്ഞപോലെയുള്ള വിശേഷം എനിക്ക് ഇതുവരെ എന്റെ കഥകൾ പിന്നീട് വായിച്ചപ്പോൾ എനിക്ക് തോന്നിയിട്ടില്ല. ഞാൻ പറഞ്ഞല്ലോ, ഞാൻ കുറെകൂടെ പൊയറ്റിക് ആയിട്ടെഴുതാൻ ആണ് ശ്രമിക്കുക, എന്റെ മനസ് അങ്ങനെയാണ് .... ഞാനുമായുള്ള സ്മിതയുടെ സാമ്യത ഇവിടെയാണ് ...
ഇനിയും കണ്ടുമുട്ടണം എന്ന് ആഗ്രഹിച്ചുപോകുന്നു ...
ഇത്രയും നല്ല റിവ്യൂ എന്റെ "കുത്തികുറിക്കലുകൾക്ക്" കിട്ടുമെന്ന് ഞാൻ ഇതുവരെ ചിന്തിച്ചിട്ടില്ല.
നന്ദി.
മിഥുൻ
ഹായ് M . D . V .......
ഞാൻ ക്യാ മറാ മാൻ.....'' അനു ആനന്ദ് '' എന്ന പേരിൽ yahoo ഗ്രൂപ്പുകളിലും '' സാക്ഷി '' എന്ന പേരിൽ ഇവിടെയും കുറെ കഥകൾ എഴുതിയിട്ടുണ്ട്. ഇപ്പോൾ '' ക്യാ മറാ മാൻ '' എന്ന പുതിയ പേര് സ്വീകരിച്ചു, കഥകൾ എഴുതി തുടങ്ങുന്നു.
കഥകൾ എഴുതാൻ ശ്രമിക്കുന്നതിനൊപ്പം....ഇവിടെ വരുന്ന '' നല്ലതെന്ന് തോന്നുന്ന കഥകൾ '' കഴിവതും വായിക്കുകയും, അതിൽ അഭിപ്രായം അർഹിക്കുന്ന എറിയപങ്ക് കഥകൾക്കും '' അഭിനന്ദനം '' രേഖപ്പെടുത്തിയുള്ള ആസ്വാദനകുറിപ്പ് എഴുതി നൽകാൻ ശ്രമിക്കുകയും ചെയ്യാറുണ്ട്. ( കമ്പിയിൽ എന്ത് നല്ലത് ?...എന്നു ചോദിച്ചാൽ...ഏതിലും ഒരു നല്ലതും അല്ലാത്തതും ഉണ്ട്. അത് വിവക്ഷിക്കാൻ എനിക്ക് എൻെറതായ '' മാനദണ്ഡവും '' ഉണ്ടെന്ന് കൂട്ടിക്കോ...) അത്തരം കുറിപ്പുകളിൽ ആകട്ടെ, വെറും ' അനുമോദനം ' കൊണ്ട് അവസാനിപ്പിക്കാതെ...ആ കഥയിൽ ഞാനനുഭവിച്ച സമ്മിശ്ര 'ഹൃദയവികാരങ്ങ'ളും താളവും മേളവും മാനസികവ്യാപാരങ്ങളും കഴിയുന്നത്ര പകർത്തി എഴുതി, കഥയെ നല്ലപോലെ നിരീക്ഷണവിധേയമാക്കി നിലനിർത്തുക എന്നതും എൻറെ ഒരു പ്രത്യേകതയായി ഞാൻ ചൂണ്ടികാണിക്കട്ടെ. ഇവിടെ, ആളുകൾ പ്രതിഫലേച്ഛയോടെ അല്ലെങ്കിലും...പലവിധ ചിന്തയോടെ, യുക്തിയോടെ, ബോധത്തോടെ, പല വീക്ഷണകോണുകളിൽ നിന്ന് പലതരം ഭാവനാസമ്പന്നതയിൽ അവരവരുടെ പ്രതിഭക്കനുസരണം പല പല കഥകൾ എഴുതി തുടരുന്നവരാണ്. ഭാവന പോലെതന്നെ അവർ എഴുതുന്ന കഥാരീതികൾക്കും ഉണ്ടാവും അവരുടേതായ പ്രത്യേകതകളും...സംശയമില്ല. ചിലർ വളരെ പരത്തി...കഥയെ വിശദാ൦ശങ്ങളോടെ, തന്മയത്വത്തോടെ പേജുകൾ നീട്ടി അവതരിപ്പിക്കുമ്പോൾ...ചിലർ അല്പം എഴുതി കഴിഞ്ഞു, പിന്നെ എങ്ങനെങ്കിലും കഥയെ ഒന്ന് അവസാനിപ്പിച്ചാൽ മതി എന്നു ചിന്തിച്ചു, തിടുക്കപ്പെട്ട് എഴുതുന്നവരും ഉണ്ട്. കഴിവിനും പ്രതിഭക്കും എഴുതാൻ കിട്ടുന്ന സമയക്രമത്തിനും ഒക്കെ അപ്പുറം...എഴുത്തിനോടുള്ള ഒരു '' ആത്മാർത്ഥത '' !...അതാണ് അവിടെ എഴുത്തിൽ ''പരമപ്രധാനം'' എന്ന് വിശ്വസിക്കുന്ന ഒരാളാണ് ഞാൻ.
കൂടുതൽ കാടുകേറാതെ കാര്യത്തിലേക്ക് വന്നാൽ...തിരഞ്ഞെടുക്കുന്ന വിഷയത്തിനും എഴുതുന്ന ശൈലിക്കും അപ്പുറം...എഴുതുന്ന കഥയിൽ, കഥയോട് അയാൾ പ്രകടിപ്പിക്കുന്ന ''പ്രതിബദ്ധത'', അതാണ് കഥയുടെ വിജയത്തിൽ ഏറ്റവും മുന്നിട്ട് നിൽക്കുന്നത്, എന്ന് ഞാൻ ഉറപ്പിച്ചു പറയുന്നു. അതിനെയാണ് വളരെ വിലപ്പെട്ടതും പ്രോത്സാഹജനകമായും ഞാൻ വിലയിരുത്തുന്നതും. ഏത് കഥ, എങ്ങനെ എഴുതിയാലും...അതിനുള്ളിൽ ഒളിഞ്ഞിരിക്കുന്ന ആ ആത്മാർഥത, നല്ലൊരു വായനക്കാരന് എളുപ്പത്തിൽ അത് തിരിച്ചറിയാനും ആവും. എഴുതുന്ന പേജുകളുടെ എണ്ണം തുടങ്ങി, നീട്ടിയും അറ്റിയും കുറുക്കിയും കഥയെ പൊലിപ്പിച്ചെടുത്തു...അനുവാചകനിലേക്ക് സന്നിവേശിപ്പിക്കുന്ന കഥാപ്രക്രിയകളുടെ രൂപഘടനകളിൽ അത് നന്നായി തെളിഞ്ഞു തന്നെ നിക്കും. അത് ഇവിടുത്തെ എഴുത്തുകാരിൽ ഞാൻ കൂടുതലായും കണ്ടിട്ടുള്ളത് '' സ്മിത'' എന്ന നമ്മുടെ പ്രിയപ്പെട്ട എഴുത്തുകാരിയുടെ ഏറിയ കഥകളിലും ആണ്. വ്യക്തിപരമായി ഞങ്ങൾ തമ്മിൽ ധാരാളം അഭിപ്രായവ്യത്യാസങ്ങളിൽ ഏർപ്പെട്ടിട്ടുണ്ടെങ്കിലും...ആ '' ഒരൊറ്റ'' കാര്യത്തിലാണ്, ഞാൻ അവരെ ഏറെ ഇഷ്ടപ്പെടുകയും ആരാധിക്കുകയും ബഹുമാനിക്കയും ചെയ്യുന്നത്. അതുപോലെ മന്ദൻരാജ, സിമോണ, ഋഷി തുടങ്ങിയ പ്രശസ്തരായ മറ്റ് പ്രധാന എഴുത്തുകാരിലും ഞാനിത് കണ്ടിട്ടുണ്ട്. ഇനി, വളരെ സന്തോഷത്തോടെ പറഞ്ഞാൽ...ആ ഒരു '' ആത്മാർപ്പണം'' പുതിയ എഴുത്തുകാരിൽ ഞാൻ ഏറ്റവും കൂടുതൽ കാണാനിടയായത് '' താങ്കളിൽ'' ആണ്. ഈ പുതിയ കഥ, അതിൻറെ ഏറ്റവും വലിയ നിദാനവും നിറകുടവും തന്നെ സംശയമില്ല.
ഇനി, അത്രക്കും പ്രതിബദ്ധതയും ആത്മാർപ്പണവും പുലർത്തി...തികഞ്ഞ ആത്മശുദ്ധിയോടെ താങ്കൾ വളരെ '' കൂൾ'' ആയി എഴുതി, ഞങ്ങൾക്കായി പ്രകാശിതമാക്കിയ ''ഡാഡി കൂൾ '' എന്ന ഈ കഥയെ, ഇതിനപ്പുറം മറ്റു അളവുകോലുകൾ വച്ചു അളന്ന് തിട്ടപ്പെടുത്തി, പോസ്റ്റുമോർട്ടം ചെയ്തു വരഞ്ഞു കീറേണ്ട ആവശ്യം ഇല്ലല്ലോ ?. ഇതുതന്നെ അതിൻറെ '' extreme '' ആന്നെന്നു കരുതുന്നു. ഇത് വായിച്ചു ഇഷ്ടപ്പെട്ടതിൻറെ '' ഹാങോവർ ''ൽ താങ്കളുടെ ''storybank ''ൽ പോയി മറ്റു ചില കഥകൾ കൂടി വായിച്ചിട്ടാണ് ഇത് കുത്തികുറിക്കുന്നത്. പലപ്പോഴായി വന്ന താങ്കളുടെ അത്തരം കഥകൾ വായിക്കാതിരുന്നതിൻറെ '' ഖേദം'' കൂടി ഞാൻ ഇതിനൊപ്പം പങ്കുവക്കുന്നു. പക്ഷേ അത് വായിക്കാതെ പോയതിൻറെ കാരണവും ഞാൻ ഇതിനൊപ്പം അറിയിച്ചാൽ...അത് മനസ്സിലാക്കിയിട്ട് താങ്കൾ എന്നോട് വിധ്വെഷം കാണിക്കരുത്. കാര്യം മറ്റൊന്നുമല്ല, വേറെ ഏതൊരു എഴുത്തുകാരുടെയും കഥ എടുത്ത് ചൂടോടെ വായിച്ചു പോകുന്നപോലെ...താങ്കളുടെ കഥ എടുത്തു വായിക്കുവാൻ, താങ്കളുടെ ഈ തൂലികാനാമം അതിന് പ്രചോദനം നൽകുന്നില്ല...എന്നതാണ് ഏറ്റവും വലിയ കാര്യം. ഏറ്റവും വലിയ സത്യം എന്നപോലെ ഏറ്റവും വലിയൊരു ദൗർഭാഗ്യവും അതായിരുന്നു, എന്നോട് വിരോധിച്ചിട്ട് കാര്യമില്ല. ഇവിടുത്തെ പല പ്രമുഖ എഴുത്തുകാരുടെയും ആസ്വാദന-അഭിപ്രായങ്ങൾ നിങ്ങളുടെ കഥാച്ചുവരുകളിൽ ( storywall ) പ്രത്യക്ഷപ്പെടാതിരുന്നതിന്റെ കാരണവും ഒരുപക്ഷേ, അതുതന്നെ ആവാം. എന്തോ ഞാൻ അങ്ങനെ അനുമാനിക്കുന്നു. ഇത് ഒരു കുറ്റപ്പെടുത്താലോ നിരുത്സാഹപ്പെടുത്താലോ മറ്റെന്തെങ്കിലുമോ ആയി ദയവായി നിങ്ങൾ എടുക്കരുത്. ഇവിടുത്തെ, ( എവിടുത്തെയും ) മുൻനിര എഴുത്തുകാരുടെ തുല്യനിരയിൽ സധൈര്യം കടന്നു വന്നിരിക്കാൻ,തൻറെ മികച്ച എഴുത്തിലൂടെ താൻ സ്വയം തീർത്ത സിംഹാസനത്തിലൂടെ എന്തുകൊണ്ടും യോഗ്യത നേടിയൊരു പുതിയ എഴുത്തുകാരനാണു താങ്കൾ എന്ന നിലവച്ചു ഞാൻ ആ ന്യൂനതയെകുറിച്ചു പാഞ്ഞുപോയി എന്നേയുള്ളു. താങ്കൾക്കത് ഏതുനിലയിലും സ്വീകരിക്കാം. വ്യക്തിപരമായി ഒന്നുകൂടി :- പ്രതിപാദ്യ വിഷയാസ്പദമായി...ഒരു കഥക്ക് പൂർണ്ണത നൽകി നാമതിന് നാമകരണം ചെയ്യുന്നപോലെ...രചയിതാവ് ഇതാണ്, ഇങ്ങനാണ്..എന്ന് സൂചന നൽകുന്നൊരു നല്ല നാമധേയവും നമ്മുടെ കുഞ്ഞു വായനാലോകത്തേക്ക് അന്യനെ സ്വാഗതമോതാൻ അനിവാര്യമാണ് എന്ന് ഞാൻ എപ്പോഴും അടിവരയിടുന്നു...ക്ഷമിക്കുക.
നിങ്ങളുടെ അവിസ്മരണീയമായ രചനാശൈലി....ആ ശൈലി ഈ കഥയിലൂടെ എന്നിൽ സൃഷ്ടിച്ചൊരു മാസ്മരികത !. തുടങ്ങി, നിങ്ങളുടെ എഴുത്തിൻറെ, ഈ കഥയുടെ മേന്മകൾക്ക് നിറക്കൂട്ട് കൂട്ടുന്ന ഒരുപാട് വസ്തുതകൾ തീർച്ചയായും പറയാൻ ഇനിയും ബാക്കിയാണ്. കൂട്ടത്തിൽ പഴയ കഥകളെക്കുറിച്ചു പലതും വേറെയും...എല്ലാം മാറ്റിവച്ചു തൽക്കാലത്തേക്ക് ഞാൻ വിടപറയുകയാണ്...ഒക്കെ ഇനിയൊരിക്കലാകാം എന്ന ഉറപ്പിൽ. കൂടുതൽ എഴുത്തു, വളരെ വൈകിയ വേളയിൽ വിരുന്നിനെത്തിയ ഇവിടെ വലിയൊരു അധികപ്പറ്റാകും എന്ന് ഉറപ്പാണ്. മാത്രവുമല്ല, ഇത് താങ്കളുടെ ശ്രദ്ധയിൽ പെടുമോ ?...എന്നുപോലും എനിക്ക് ഒരു വിശ്വാസവുമില്ല.എന്ത്തന്നെ ആയാലും....പറയാനുള്ളത് പറഞ്ഞു, വരുംവരായ്കളെക്കുറിച്ചു ചിന്തിക്കുന്നുമില്ല. ശേഷിക്കുന്നത് ഒന്നുമാത്രം...മേലിലും ഇതുപോലെ നല്ല കഥാകാവ്യങ്ങൾ താങ്കളിൽ നിന്നും ശരിക്കും പിറവികൊള്ളും....എന്ന ആത്മവിശ്വാസത്തോടെ....ആത്മഗർവ്വോടെ...നന്മകളോടെ....പ്രാർഥനയോടെ,
ശുഭം...
സ്വന്തം,
ക്യാ മറാ മാൻ