Chapter Title : ഡെലിവറി ബോയ് ഡയറി 1 [സാഹിൽ]

ഞാൻ കാർത്തിയെ വിളിച്ചു.

“അളിയാ… നീ പറഞ്ഞത് ശരിയായിരുന്നു. ഇവൾ ശരിക്കും ഒരു ക്വീൻ ആണ്.”

അവൻ അപ്പുറത്ത് നിന്ന് ചിരിച്ചു.

“ഞാൻ വെറുതെ പറഞ്ഞതല്ല മച്ചാനെ.”

പിന്നെ കുറച്ച് നേരം മുഴുവൻ ഞങ്ങൾ അവളെക്കുറിച്ചായിരുന്നു സംസാരിച്ചത്. അവളുടെ ലുക്ക്, സംസാരിക്കുന്ന രീതി, ചിരി… എല്ലാം വീണ്ടും വീണ്ടും പറഞ്ഞ് ഇരുന്നു.

അതിന് ശേഷം അവളുടെ ഓർഡർ വരുമ്പോഴൊക്കെ അത് എടുക്കാൻ ഞാനും കാർത്തിയും തമ്മിൽ ചെറിയ മത്സരമാവാൻ തുടങ്ങി. ഏകദേശം രണ്ട് ദിവസത്തിലൊരിക്കൽ എങ്കിലും അവൾ ഓർഡർ ചെയ്യുമായിരുന്നു.

ആദ്യ ദിവസങ്ങളിൽ അവൾ പണം GPay ചെയ്യുമ്പോൾ എന്റെ നമ്പർ ചോദിക്കും.

“സഹിൽ അല്ലേ?” എന്ന് ചോദിച്ചായിരുന്നു പണം അയക്കുന്നത്.

പക്ഷേ ദിവസം കടന്നുപോകുന്നതോടെ അവൾക്കും എന്നെ തിരിച്ചറിയാൻ തുടങ്ങി. പിന്നെ ഞാൻ ഒന്നും പറയുന്നതിന് മുമ്പേ അവൾ GPay വഴി പണം അയക്കും.

ഞാൻ ഫുഡ് കൊടുക്കാൻ പോകുമ്പോഴൊക്കെ അവൾ ഒരു പ്രത്യേക നോട്ടത്തോടെ എന്നെ നോക്കും. പിന്നെ ആ ക്യൂട്ട് ചിരിയും… അതൊക്കെ കണ്ടാൽ ആ ദിവസം മുഴുവൻ എന്റെ മൂഡ് സെറ്റ് ആയിരിക്കും.

സത്യത്തിൽ, അവളുടെ ഓർഡർ വന്നാൽ ആ ദിവസം എനിക്ക് വേറെ ഒരു എക്സൈറ്റ്‌മെന്റ് ആയിരുന്നു. അവളെ കുറച്ച് നേരമെങ്കിലും കാണാമല്ലോ എന്ന ചിന്ത തന്നെ മതി.

അങ്ങനെ ദിവസങ്ങൾ കടന്നുപോകുകയായിരുന്നു. ഡെലിവറി ജോലി എനിക്ക് നല്ല രീതിയിൽ ഇഷ്ടപ്പെട്ടു തുടങ്ങി. പക്ഷേ ഒരു ദിവസം ചെറിയ പനിയും ശരീരവേദനയും വന്നു. അന്ന് കൊറോണ സമയമായതുകൊണ്ട് എനിക്ക് ആദ്യംതന്നെ പേടി തോന്നി — കോവിഡ് ആണോ എന്ന്.

ഞാൻ ഉടനെ ഓഫീസിലേക്ക് വിളിച്ച് കാര്യം പറഞ്ഞു. അവരും നല്ല രീതിയിൽ തന്നെയായിരുന്നു പെരുമാറിയത്.

“നീ ഒരു വാരം റെസ്റ്റ് എടുക്കൂ. ടെസ്റ്റ് ചെയ്ത് നെഗറ്റീവ് ആണെന്നും ഫിറ്റ് ആണെന്നും ഉറപ്പായിട്ട് വന്നാൽ മതി,” എന്നാണ് അവർ പറഞ്ഞത്.

ഞാൻ കോവിഡ് ടെസ്റ്റ് ചെയ്തു. ഭാഗ്യത്തിന് റിസൾട്ട് നെഗറ്റീവ് ആയിരുന്നു. കോവിഡ് അല്ലെന്ന് മനസ്സിലായപ്പോൾ ഒരുആശ്വാസം തോന്നി.

പക്ഷേ ശരീരം ആകെ ക്ഷീണിച്ചിരുന്നു. ഒരു മാസം കഴിഞ്ഞും തുടർച്ചയായി ജോലി ചെയ്തതുകൊണ്ട്