Chapter Title : ഡെലിവറി ബോയ് ഡയറി 1 [സാഹിൽ]

ഒരു വാരം ഓഫ് എടുത്തതാ,” ഞാൻ പറഞ്ഞു.

അവൾ ഉടനെ ചോദിച്ചു,

“ഇപ്പൊ ഒക്കെയാണോ? കോവിഡ് ടെസ്റ്റ് ചെയ്തിരുന്നോ?”

ഞാൻ “നെഗറ്റീവ് ആയിരുന്നു… ഇപ്പൊ ഒക്കെയാ,” എന്ന് പറഞ്ഞപ്പോൾ അവൾ ചെറിയൊരു ആശ്വാസത്തോടെ തലകുലുക്കി.

“ഓക്കേ… എന്നാൽ സീ യു,” എന്ന് പറഞ്ഞ് അവൾ ചെറിയൊരു ചിരിയോടെ അകത്തേക്ക് കയറി വാതിൽ അടച്ചു.

പക്ഷേ ഞാൻ തിരിച്ചു പോകുമ്പോൾ എന്റെ മനസ്സ് മുഴുവൻ അവളിലായിരുന്നു.

എന്തിനാണ് അവൾ എന്നെക്കുറിച്ച് ചോദിച്ചത്?

ഞാൻ വെറുമൊരു ഡെലിവറി ബോയ് അല്ലേ…

അല്ലെങ്കിൽ… അവളും എന്നെ ശ്രദ്ധിക്കുന്നുണ്ടോ?

ആ ദിവസം മുഴുവൻ അവളുടെ ആ ചോദ്യം തന്നെയായിരുന്നു എന്റെ മനസ്സിൽ തിരിഞ്ഞുകൊണ്ടിരുന്നത്.

അടുത്ത ദിവസം ഞാൻ ഒരു ഹോട്ടലിൽ നിന്ന് ഓർഡർ പിക്ക് ചെയ്യാൻ നിൽക്കുകയായിരുന്നു. അപ്പോഴാണ് പെട്ടെന്ന് അനുവിനെ അവിടെ കാണുന്നത്. കൂടെ അവളുടെ ഭർത്താവും ഉണ്ടായിരുന്നു — മുമ്പ് അവളുടെ വീട്ടിൽ കണ്ട അതേ ആളെ.

അവർ ഭക്ഷണം കഴിക്കാൻ വന്നതാണെന്ന് തോന്നി. അയാൾ ഫോണിൽ ആരോടോ സംസാരിച്ച് തിരക്കിലായിരുന്നു.

അനു പെട്ടെന്ന് എന്നെ കണ്ടതും മുഖത്ത് ഒരു ചിരി വന്നു. ഞാൻ ശരിക്കും ഒന്ന് അമ്പരന്നു. കാരണം വീട്ടിന് പുറത്തായി, അതും അവളുടെ ഭർത്താവിന്റെ മുന്നിൽ വെച്ച് അവൾ എന്നെ മൈൻഡ് ചെയ്യും എന്ന് ഞാൻ കരുതിയിരുന്നില്ല.

അവൾ നേരെ എന്റെ അടുത്തേക്ക് വന്ന് സംസാരിച്ചു.

“നീ സഹിൽ അല്ലേ?” അവൾ ചിരിച്ചുകൊണ്ട് ചോദിച്ചു.

ഞാൻ തലകുലുക്കി.

അവൾ വീണ്ടും ചിരിച്ചു.

“ആദ്യമായിട്ടാണ് മാസ്ക് ഇല്ലാതെ കാണുന്നത്. പക്ഷേ കണ്ണ് കണ്ടപ്പോ തന്നെ മനസ്സിലായി.”

അത് കേട്ടപ്പോൾ എനിക്ക് ഉള്ളിൽ വേറൊരു ഫീലായിരുന്നു. സത്യത്തിൽ ഡെലിവറി സമയത്ത് ഞാൻ എപ്പോഴും ഹെൽമറ്റും മാസ്കും ധരിച്ചിരുന്നതിനാൽ, അവൾക്ക് എന്റെ കണ്ണുകൾ മാത്രമാണ് വ്യക്തമായി കാണാറ്.

അവൾ എന്നെ അതിലൂടെ തിരിച്ചറിഞ്ഞു എന്ന് പറഞ്ഞത് കേട്ടപ്പോൾ അറിയാതെ തന്നെ ഒരു സന്തോഷം തോന്നി.

അപ്പോഴേക്കും അവളുടെ ഭർത്താവ് അവളെ വിളിച്ചു.

അവൾ എന്നെ നോക്കി ചെറിയൊരു ചിരിയോടെ കൈവീശി “എന്നാ കാണാം,  വിളിക്കുന്നുണ്ട് എന്നെ, ബൈ” എന്ന് പറഞ്ഞ് അവന്റെ കൂടെ