Chapter Title : ദേവ കല്യാണി 7

കൈത്തലം പതിഞ്ഞ പാട് ടുബ് ലൈറ്റിന്റെ വെളിച്ചത്തിൽ ദേവൻ വ്യകതമായി കണ്ടു .

തന്റെ കാലിൽ ആരോ മുറുകെ പിടിച്ചു അമർത്തുന്നതറിഞ്ഞു ടെസ കണ്ണ് തുറന്നു . കണ്ണ് തുറന്നപ്പോൾ വെളിച്ചം അടിച്ചു അവൾക്കു കണ്ണിനു വേദന തോന്നി .

തന്റെ കാലിൽ മുറുക്കെ പിടിച്ചു ഏങ്ങലടിക്കുന്ന ദേവനെ കണ്ടതും ടെസ ഒരാന്തലോടെ എഴുന്നേറ്റു അയാളെ വാരി പുണർന്നു

" എന്തായിത് ദേവേട്ടാ ...എന്ത് പറ്റി ..എന്തിനാ കരയുന്നെ ?.പറ ദേവേട്ടാ '

അവളുടെ കണ്ണിലേക്കു നോക്കിയതും ദേവൻ ഒരു കൊച്ചു കുട്ടിയെ പോലെ പൊട്ടിക്കരഞ്ഞു കൊണ്ട് അവളുടെ കയ്യെടുത്തു തന്റെ കവിളത്തു ശക്തിയായി അടിക്കാൻ തുടങ്ങി

" ദേവേട്ടാ ...വീട് ...ഛെ .. എന്തായിത് .......കരയല്ലേ പൊന്നൂസേ "

അത് കൂടി കേട്ടതും ദേവൻ ആകെ തകർന്നു പോയി

" പൊന്നു മോളെ ...എന്നെ ഒന്ന് അടിക്കടി ...ഒന്ന് വഴക്കെങ്കിലും പറയെടി ...അയ്യോ ....ഈശ്വരാ ....എന്നോട് ക്ഷമിക്കണേ "

ദേവൻ അവളെ ആവളെ വാരി പുണർന്നു കരയാൻ തുടങ്ങി

" ഛെ ..എന്തായിത് ദേവേട്ടാ ..കൊച്ചു കുട്ടികളെ പോലെ ..കരയല്ലേ പൊന്നൂസേ ...കരയാതെ ...എനിക്കും കരച്ചില് വരുവേ ..." ടെസ അവന്റെ മുഖം വാരിയെടുത്ത് കണ്ണുകളിൽ നോക്കി കൊണ്ട് നെറുകയിൽ തലോടി . ദേവൻ അവളുട കണ്ണുകളെ നേരിടാൻ ആവാതെ നീറി പുകഞ്ഞു

' എന്റെ പൊന്നൂസിനെന്താ പറ്റിയെ ? ങേ ? പറ ....ആ ക്വട്ടേഷൻ പോയതിനാണോ ...ആര് പറഞ്ഞു അത് പോയെന്നു ?" ടെസ സോഫയുടെ താഴെ കിടന്ന അവളുടെ ബാഗിൽ നിന്നും ഒരു പ്രിന്റ് എടുത്തു അയാൾക്ക്‌ നേരെ നീട്ടി

" ഞാൻ പറഞ്ഞതല്ലേ ..ടെസ അത് നേടിയിരിക്കും എന്ന് ...പിന്നെന്തിനാ ങും ?"

ദേവാനതു വാങ്ങി നോക്കുക പോലും ചെയ്യാതെ ചുരുട്ടി കൂട്ടി ഏതോ മൂലയിലേക്കെറിഞ്ഞു

എന്നിട്ടു അവളുടെ മുലകൾക്കിടയിലേക്കു മുഖം ഒളിപ്പിച്ചു വിമ്മി വിമ്മി കരഞ്ഞു

ടെസ അവന്റെ കണ്ണീർ ഒന്ന് അടങ്ങുന്നതു വരെ തന്റെ മാറോടു ചേർത്ത് ഒരമ്മയെ പോലെ അവന്റെ പുറവും തലയും എല്ലാം തഴുകി കൊണ്ടിരുന്നു