Chapter Title : ദേവ കല്യാണി 7

...ഇപ്പൊ ദേവേട്ടന്റെ എല്ലാം ഇവനും നീയുമാ ....മഞ്ജു പോയതിൽ പിന്നെ ദേവേട്ടനൊന്നു മനസ് നിറഞ്ഞു ചിരിക്കുന്നത് കാണുന്നത് ഇവനെ കൊഞ്ചിക്കുമ്പോഴാ "

" ഇവൻ ദേവേട്ടന്റെ ഒപ്പം എന്നും കാണും ടെസെച്ചി ...കാണണം എന്നാണ് എന്റെയും ആഗ്രഹം "

" മോളെ എനിക്കൊന്നും മനസിലാകുന്നില്ല ...നീയെന്താ ഉദ്ദേശിക്കുന്നെ ? പത്തു ദിവസത്തിനുള്ളിൽ റിസൾട് കിട്ടുമെന്ന് പറഞ്ഞിട്ട് നീയെന്താ പതിനേഴാം തീയതി മതിയെന്ന് പറഞ്ഞത് ?"

" അത് പതിനാറിനല്ലേ ടെസേച്ചി കുഞ്ഞിന്റെ പേരിടീൽ ...അത് കഴിഞ്ഞു മതി ...അന്നെനിക്ക് ഒരു കടം കൂടി തീർക്കാനുണ്ട് "

" എനിക്കൊന്നും മനസിലാകുന്നില്ല കല്ലൂ ...ഒരു കാര്യം ഞാൻ പറയാം ...ദേവേട്ടനെ ഇനിയും വിഷമിപ്പിക്കരുത് .."

" ഇല്ല ..ടെസെച്ചി....ഒരിക്കലുമില്ല "

"പിന്നെന്താ ഒരു കടം കൂടിയുണ്ടെന്ന് പറഞ്ഞത് ? മഞ്ജുവിന്റെ കാര്യമാണോ ...അത് നീ ആലോചിക്കേണ്ട .......ഞാൻ അവളെ കൂട്ടി കൊണ്ട് വരും ...കുഞ്ഞിന്റെ പേരിടീൽ കഴിഞ്ഞ ഉടനെ തന്നെ "

വീട്ടിൽ എത്തിയതിനാൽ പിന്നെ അതിനെ പറ്റി ഒരു സംസാരമുണ്ടായില്ല

കുഞ്ഞിന്റെ പേരിടീൽ ചടങ്ങു നാമമാത്രമായി മതിയെന്ന് കല്യാണി പറഞ്ഞെങ്കിലും ദേവൻ വീടെല്ലാം ലൈറ്റുകളാലും ബലൂണും ഒക്കെയായി മോടി പിടിപ്പിച്ചു ..ഷോപ്പിലെ സ്റ്റാഫിനെല്ലാം പുതിയ ഡ്രെസ് വാങ്ങി കൊടുത്തു .അന്നത്തെ ഭക്ഷണം വീട്ടിൽ നിന്നുണ്ടാക്കി കൊടുക്കാൻ ഏർപ്പാടാക്കി

രാവിലെ കല്യാണിയേയും കുഞ്ഞിനേയും കൂട്ടി ക്ഷേത്രത്തിൽ പോയി തൊഴുതു മടങ്ങി .

പേരിടുന്ന സമയം വന്നപ്പോൾ കല്യാണി ദേവനെ നോക്കി

" ആദി ...ആദി ദേവൻ "

ദേവൻ പറഞ്ഞു കൊടുത്തത് ചെവിയിൽ മൂന്നു പ്രാവശ്യം പറഞ്ഞു കൊടുത്തപ്പോൾ കല്യാണിയുടെ കണ്ണുനീർ ധാരയായി ഒഴുകി

ചടങ്ങിന് ടെസയുടെ മക്കളും ജോസഫേട്ടനും ഉണ്ടായിരുന്നു കുറച്ചു അയൽക്കാരും . മഞ്ജുവിന്റെ ന്യൂസ് റിപ്പോർട്ടർ രാജിയെ ദേവൻ മനഃപൂർവ്വം ക്ഷണിച്ചില്ല .

കൂടാതെ ദേവന്റെ ബിസിനസ് പാർട്നെഴ്സും . അവർ ദേവന്റെ എല്ലാ കാര്യങ്ങളും അറിയാവുന്നവരാണ് . മഞ്ജു പോയത് മുതൽ അവനെ ആശ്വസിപ്പിക്കാൻ കൂടെയുണ്ടായിരുന്നവർ

വൈകുന്നേരമായപ്പോൾ ടെസ പോകാനിറങ്ങി

കല്യാണി അവളെ കെട്ടി പിടിച്ചു കരഞ്ഞു

" എന്താ മോളെ ഇത് ...ഇങ്ങനെ