Chapter Title : ദേവനന്ദ 5 [വില്ലി]

ഇങ്ങോട്ടും നോക്കിയിരുന്ന ദേവു രാമൻ ചേട്ടന്റെ ചോദ്യത്തിന് ഉവ്വെന്നു തലയനക്കി.

" നല്ല യാത്ര ക്ഷീണം ഉണ്ടാകും അല്ലെ.   ..  നിങ്ങൾക്കുള്ള റൂം ഇപ്പോ റെഡി ആക്കാം കേട്ടോ. "

കാവേരി ചേച്ചി പറഞ്ഞു.

" ചേച്ചി നന്നായി മലയാളം പറയുന്നുണ്ടല്ലോ.  "

അവരുടെ കയ്യിൽ ചായഗ്ലാസ് തിരികെ ഏൽപ്പിക്കുന്നതിനിടയിൽ ഞാൻ പറഞ്ഞു.  അഭിമാനത്തോടെ ഒരു ചെറുചിരി മാത്രമാണതിനവർ അതിന് മറുപടി തന്നത്..

അകത്തേക്ക് തിരികെ പോകുമ്പോൾ അവർ ദേവുവിനെയും കൂട്ടി .  ആദ്യം ഒന്ന് മടിച്ചെങ്കിലും  അവളവരുടെ കൂടെ അകത്തേക്ക് കയറി പോയി.  പിന്നെ ഞാനും രാമൻ ചേട്ടനും തമ്മിലുള്ള കത്തി വച്ചുകൊണ്ടിരുന്നു. ഏറെ നേരം കഴിഞ്ഞാണ് ദേവുവും ചേച്ചിയും പുറത്തേക്കു വന്നത്.

" ഇന്നും തീരലിയാ ഉങ്ക പേച്ചു  ( തമിഴ് ) "

ഇറങ്ങി വന്നതേ ചേച്ചി രാമൻ ചേട്ടനോട് ചോദിച്ചു.

" യരായവത് കിട്ടിയാൽ സംസാരിച്ചു കൊന്നു കളയും  "

" നീ പോടീ...  "

ചേച്ചിയുടെ തമാശക്ക് അദ്ദേഹം അത്രമാത്രമേ പറഞ്ഞോളു.

" മോൻ പോയി കുളിച്ചു ഫ്രഷ് ആയിട്ട്  വാ.  എന്നിട്ടു നമുക്ക് കഴിക്കാം.  "

രാമൻ ചേട്ടനതും പറഞ്ഞു അകത്തേക്കു തന്റെ സ്വന്തം മുറിയിലേക്ക് കയറി പോയി.  പിന്നാലെ കാവേരി ചേച്ചിയും.

"'റൂം അതാണ്  "

എങ്ങോട്ടു പോകണമെന്നറിയാതെ നിന്ന എന്നോട് ദേവു പറഞ്ഞു.  റൂമിൽ പോയപ്പോൾ അവൾ കുളിച്ചു ഫ്രഷ് ആയിട്ടുണ്ടെന്നു തോന്നി. ..  ഞാൻ നേരെ റൂമിലേക്ക് കയറി.  റൂമിനുള്ളിൽ തന്നെ ബാത്രൂം ഉണ്ടായിരുന്നു ..  കുളിക്കാൻ അകത്തേക്ക് കയറാൻ തുടങ്ങുമ്പോൾ ആണ് ദേവു കയറി വന്നത്.

ഞാൻ കയ്യിൽ കരുതി ഇരുന്ന ബാഗ് ദേവു നേരത്തെ  റൂമിനകത്തേക്കു കൊണ്ട് വന്നിരുന്നു.  അത് തിരയുന്നതിനിടയിലാണ് അവൾ കയറി വന്നത്.

അവൾ അടുത്തുള്ള അലമാരയിൽ  നിന്നും എന്തൊക്കെയോ പരതിയ ശേഷം ബാഗിൽ നിന്നും ഒരു എനിക്ക് ഉടുത്തുമാറാൻ ആവശ്യത്തിനുള്ള ഡ്രസ്സ് എടുത്തു തന്നു.  അച്ഛനെ കാണാത്തതിന്റെ വിഷമം അവളുടെ മുഖത്തു നല്ലത് പോലെ തെളിഞ്ഞു കാണാമായിരുന്നു.  ഒന്നും മിണ്ടാതെ ഞാൻ കുളിക്കാൻ കയറി.  എന്ത് പറഞ്ഞാണവളെ ആശ്വസിപ്പിക്കുക