Chapter Title : ദേവരാഗം 4 [ദേവന്‍]

കിട്ടിയവനെപ്പോലെ അവിടെ നിന്നും പോകാന്‍ മടിച്ചു ഞാനിരുന്നു... പക്ഷേ.. എനിക്ക് പോയെ പറ്റൂ..

ഞാന്‍ പതുക്കെ അവളുടെ നെറ്റിയില്‍ അവസാനമായി ഒരു മുത്തം കൂടി സമ്മാനിച്ചിട്ട് എഴുന്നേല്‍ക്കുമ്പോള്‍ എന്റെ കണ്ണ് നിറഞ്ഞിട്ടുണ്ടായിരുന്നു..

“...എന്തിനാ വാവേ നിന്റെ ദേവേട്ടനോട് നീ ഈ ചതി ചെയ്തത്...”  എന്റെ മനസ്സ് അവളോട്‌ അങ്ങനെ ചോദിക്കുന്നുണ്ടായിരുന്നു അപ്പോള്‍..

ഒരിക്കല്‍ക്കൂടി അവളുടെ മുടിയില്‍ തഴുകിയിട്ട് ഞാന്‍ അവളുടെ മുറിയുടെ വാതില്‍ ചാരി പതുക്കെ പുറത്തിറങ്ങി.

പിന്നെ അവളോട്‌ പറഞ്ഞപോലെ മുന്‍വാതില്‍ പൂട്ടി താക്കോല്‍ ജനലിലൂടെ അകത്തെ ടീപ്പോയിയിലേയ്ക്ക് ഇട്ടു.. എന്നിട്ട്  ആ ജനലും അടച്ചിട്ട് ഞാന്‍ പുറത്തേയ്ക്ക് നടന്നു..

അമ്പലക്കുളത്തിന്റെ അടുത്തെത്തിയപ്പോള്‍ ഒരു നിമിഷം ഞാന്‍ നിന്നു. പിന്നെ പതുക്കെ അകത്ത് കയറി ആ കല്‍പ്പടവില്‍ ഇരുന്നു.. നല്ല തണുപ്പ്.. പൌര്‍ണ്ണമിനിലാവ് വെള്ളത്തിലെ ഓളങ്ങളില്‍ നീരാടിത്തുടിയ്ക്കുന്നു..

ആദിയുമായുള്ള എന്റെ പ്രണയം നീറ്റിലിറങ്ങിയതും.. ഇന്ന് വീണുടഞ്ഞതും ഈ കല്‍പ്പടവുകളിലാണ്... ഈ തെളിനീരിനും ആള്‍മറയ്ക്കും പടവുകള്‍ക്കുമെല്ലാം ഇതുപോലെ എത്രയെത്ര  പ്രണയത്തിന്റെയും നഷ്ടങ്ങളുടെയും കഥകള്‍ പറയാനുണ്ടാകും.. ഞാന്‍ പതുക്കെ കണ്ണുകളടച്ചു..

...........................................................................................................................

(തുടരും)

എന്റെ എല്ലാ സുഹൃത്തുക്കള്‍ക്കും ഹൃദയം നിറഞ്ഞ ക്രിസ്തുമസ് പുതുവത്സരാശംസകള്‍