Chapter Title : ദേവരാഗം 6 [ദേവന്‍]

കല്യാണങ്ങള്‍ കൂടി നടക്കും... ഒന്ന്‍ എന്റെ വല്യച്ഛന്റെ മകന്‍ അര്‍ജുന്‍ എന്ന അജുവിന്റെയും.. ഒപ്പം ഞങ്ങളുടെ നാട്ടിലെ ദരിദ്രകുടുംബങ്ങളില്‍ നിന്നുള്ള മൂന്ന് പെണ്‍കുട്ടികളുടെയും...

മുത്ത് കല്യാണം കഴിക്കുന്നത് മെഡിക്കല്‍ കോളേജില്‍ അവളുടെ സീനിയറായിരുന്ന ഡോ. സഞ്ജീവ് സച്ചിദാനന്ദിനെയാണ്.. രണ്ടും തമ്മില്‍ മുടിഞ്ഞ പ്രേമമായിരുന്നു.. അവന്‍ നല്ല പയ്യനായതുകൊണ്ട് വീട്ടുകാര്‍ തമ്മില്‍ ആലോചിച്ച് അതങ്ങുറപ്പിച്ചു... അജുവിന്റെയും പ്രേമവിവാഹമാണ്... ആദിയുടെ നാട്ടുകാരിയും സര്‍വ്വോപരി അവളുടെ സഹപാഠിയും ഒക്കെ ആയ അനുപമയാണ് അവന്റെ വധു...

ശ്രീമംഗലം ഒരു വലിയ ബിസ്സിനസ്സ് ഗ്രൂപ്പായി വളര്‍ന്നതിനു ശേഷം ഞങ്ങളുടെ തറവാട്ടിലെ പെണ്‍കുട്ടികളുടെ വിവാഹത്തിനൊപ്പം ഈ നാട്ടിലെ പാവപ്പെട്ട വീട്ടിലെ പെണ്‍കുട്ടികള്‍ക്കും വിവാഹം നടത്തുന്നത് ഞങ്ങളുടെ ഒരു രീതിയായിരുന്നു.. ചിലവൊക്കെ ശ്രീമംഗലം വക... അതുപോലെതന്നെ ഞങ്ങളുടെ പെണ്‍കുട്ടിയ്ക്ക് എടുക്കുന്ന അത്രയും തന്നെ സ്വര്‍ണ്ണവും, വസ്ത്രങ്ങളും മറ്റുള്ള പെണ്‍കുട്ടികള്‍ക്കും എടുക്കും.. അങ്ങനെ ഒരര്‍ത്ഥത്തില്‍ വിവാഹം നടത്തുന്നതിനായി ആ പെണ്‍കുട്ടികളെ ശ്രീമംഗലത്തെയ്ക്ക് ദത്തെടുക്കുന്ന പോലയാണ്.. അങ്ങനെ വരുമ്പോള്‍ സ്ത്രീധനത്തിന്റെ പേരില്‍ വിവാഹം നടക്കാതിരിക്കുന്ന ആ പെണ്‍കുട്ടികളെ നല്ല കുടുംബങ്ങളിലേയ്ക്ക് കല്യാണം കഴിച്ചയക്കാന്‍ സാധിക്കും.. ഒപ്പം അവരുടെ വീട്ടുകാരുടെ അനുഗ്രഹം കൂടി ഞങ്ങളുടെ കുട്ടികള്‍ക്ക് കിട്ടുകയും ചെയ്യും...

എങ്ങനൊണ്ട്...?? ഇത് ശ്രീമംഗലത്തിന്റെ പരസ്യത്തിനു വേണ്ടി ചെയ്യുന്നതൊന്നും അല്ലാട്ടോ.. വെറും മനുഷ്യത്വം...!!! അത്തരത്തില്‍ നടക്കുന്ന നാലാമത്തെ സമൂഹ വിവാഹമാണ് നടക്കാന്‍ പോകുന്നത്..

എന്നാല്‍ ഇത്തവണത്തെ ഈ സമൂഹവിവാഹത്തിന്റെ മറ്റൊരു പ്രത്യേകത എന്താണെന്ന് വച്ചാല്‍ ഈ കല്യാണത്തിന്റെ മുഴുവന്‍ ഉത്തരവാദിത്ത്വവും അച്ഛനും ചെറിയച്ഛനും കൂടി ഈയുള്ളവന്റെ തലയിലാണ് ഏല്‍പ്പിച്ചിരിക്കുന്നത് എന്നതാണ്.. അതാവുമ്പോ അവര്‍ക്ക് രണ്ടു പേര്‍ക്കും കൂട്ടുംകൂടി കള്ളുംകുടിച്ച് നടന്നാല്‍ മതി... ഏത്...???  എല്ലാവര്ക്കും സന്തോഷമായില്ലേ...??? ഇവിടെ ഓരോ ആളുകള്‍ ഒരു കല്യാണം നടത്തുമ്പോഴേക്കും തന്നെ എണ്ണത്തോണിയില്‍ കിടത്തണ്ട അവസ്ഥ വരാറുണ്ട് അപ്പോഴാണ്‌ അഞ്ച് കല്യാണം... മിക്കവാറും ഇത് കഴിയുമ്പോഴേക്കും എന്നെ തെക്കോട്ടെടുക്കും...

വീട്ടില്‍ എന്നെ കൊണ്ട് വന്നു വിട്ടശേഷം മാണിക്യന്‍ അവന്റെ വീട്ടിലേയ്ക്ക് പോയി... പഞ്ചമി പിന്നെ മിക്കവാറും സമയങ്ങളില്‍ ഞങ്ങളുടെ വീട്ടില്‍ തന്നെയാണ്... അടുക്കളപ്പണിയും സൊറപറച്ചിലും ഒക്കെയായി അവളാണ്  ഇപ്പൊ വീട്ടിലെ പെണ്ണുങ്ങളുടെ ആഘോഷകമ്മിറ്റി പ്രസിഡന്റ്റ്...

ഞാന്‍ എല്ലാവരെയും ഒന്ന്‍ മുഖം