Chapter Title : ദേവസുന്ദരി 12 [HERCULES]

ഫ്ലാറ്റിലേക്ക് തിരിച്ച് ചെന്നു.

ഫ്ലാറ്റിൽ കയറുമ്പോൾ തന്നെ കാണുന്നത് സോഫയിൽ സ്ഥാനം പിടിച്ചിരിക്കുന്ന താടകയെ ആണ്.

"" എവിടെപ്പോയതാ…! കുറേ നേരമായല്ലോ..""

കേറിയപാടെ ഉള്ള അവൾടെ ചോദ്യമേനിക്കത്ര പിടിച്ചില്ല.

"" ഞാനെവിടേലും പോവും… അതൊക്കെ താനെന്തിനാ അന്വേഷിക്കണേ..?! ""

"" അല്ല ചോദിച്ചെന്നെ ഉള്ളു… ""

എന്റെ പ്രതികരണം കണ്ട് ഒന്ന് പതറിയ അവൾ പെട്ടന്ന് മറുപടി തന്നു. ഞാനങ്ങനെ പ്രതികരിക്കൂന്ന് അവളും കരുതിക്കാണില്ല.

"" ഹ്മ്മ്.. "" ഒന്ന് മൂളി ഞാൻ റൂമിലേക്ക് ചെന്നു.

വീട്ടിലേക്കൊന്ന് വിളിച്ച് അമ്മയോടും അല്ലിയോടുമൊക്കെ സംസാരിച്ചിരിക്കുമ്പോഴാണ് ജിൻസി കഴിക്കാൻ വിളിക്കുന്നത്. അവരോട് ബൈ പറഞ്ഞ് ഞാൻ കഴിക്കാനായി ചെന്നു.

അന്നത്തെ സംസാരമൊക്കെ കഴിഞ്ഞ് ഞാൻ ചെന്ന് കിടന്നു.

പിന്നീടുള്ള രണ്ട് ദിവസം ഓഫീസിലെ തിരക്കുകളിൽ മുഴുകി കടന്ന് പോയത് അറിഞ്ഞുപോലുമില്ല.

രണ്ടാം ദിവസം വൈകീട്ട് ചർച്ച എന്റെ ഫ്ലാറ്റിലായിരുന്നു. ഭക്ഷണം കഴിച്ച് എല്ലാരും അവിടത്തന്നെ ഇരുന്നു. ഓരോ തമാശയും ജോലിസ്ഥലത്തെ വിശേഷങ്ങളും ഒക്കെ പരസ്പരം പങ്കുവച്ച് കുറച്ചുനേരം ഞങ്ങൾ ഇരുന്നു.

ഇടക്ക് ഉറക്കം വരണു എന്ന് പറഞ്ഞ് താടക എണീറ്റ് പോയി. അത് സ്ഥിരമാണ്. അവൾ നേരത്തേ കിടന്നുറങ്ങും. ഞങ്ങളുടെ സംസാരം ഇടക്ക് 12 മണിവരെയൊക്കെ നീളാറുണ്ട്. താടക 10മണി ആവുമ്പോ മിക്കവാറും എണീറ്റ് പോകാറുണ്ട്.

"" ഡാ… നാളത്തെ കാര്യം മറക്കണ്ട…. എങ്ങനേലും അവളെ ഡീലേ ആക്കണം കേട്ടല്ലോ…!! ""

താടക പോയി കുറച്ചുകഴിഞ്ഞതും ജിൻസി അവളുടെ ബർത്ഡേ സെലിബ്രേഷനെപ്പറ്റി ഓർമിപ്പിച്ചു.

"" ഹ്മ്മ്…!! ""

ഞാൻ ഒരുമൂളലിൽ മറുപടിയൊതുക്കി.

"" അപ്പൊ എല്ലാം പറഞ്ഞപോലെ…. ഗുഡ് നൈറ്റ്‌..!