Chapter Title : ദേവീ പരിണാമം 2 [Siddharth]

സ്പെഷ്യൽ ഡിന്നറിന് പോവാം, അശ്വിനെ ഞാൻ വിളിച്ചു പറഞ്ഞിട്ടുണ്ട്, ക്രത്യം ആറുമണിക്ക് റെഡിയായി ഇരിക്കണം കേട്ടല്ലോ..."ദേവിയുടെ തോളിൽ കൈ വച്ചുകൊണ്ട് അവൾ പറഞ്ഞു.

അതും പറഞ്ഞവൾ പുറത്തേക്ക് നടന്നു. കുറച്ചു മുമ്പ് താൻ കണ്ടത് ഇവളെ തന്നെ ആണോ എന്ന് വരെ ദേവിക്ക് തോന്നിപോയി. എന്തായാലും അവളോട് ഇതിനെ പറ്റി സംസാരിക്കണം. അവൾ മനസ്സിൽ തീരുമാനം എടുത്തു.

സൂര്യൻ പതിയെ വിട വാങ്ങി തുടങ്ങി. നേരം ഇരുണ്ട് തുടങ്ങി. 6 മണി കഴിഞ്ഞപ്പോൾ അശ്വിൻ ജോലിയെല്ലാം കഴിഞ്ഞ് തിരിച്ച് ഹോട്ടലിൽ എത്തി. തന്റെ റൂമിൽ പോകുന്നതിനു മുൻപ് അവൻ നേരെ അമ്മയുടെ റൂമിലേക്ക് ചെന്നു. ബെഡിൽ ഇരുന്ന് കൊണ്ട് വലിയ കണ്ണാടി ജനലിലൂടെ പുറത്തേക്ക് നോക്കി വലിയ ആലോചനയിൽ ആയിരുന്നു ദേവി.

"അമ്മേ...."അവൻ നീട്ടി വിളിച്ചു.

"അഹ് അച്ചു നീ എന്താ ഇത്ര വൈകിയേ...."അവനെ കണ്ട് എഴുനേറ്റ് നിന്ന് ദേവി ചോദിച്ചു.

"ഒന്നും പറയണ്ട അമ്മേ, ടോപ്പിക്ക് പ്രസന്റേഷൻ കഴിഞ്ഞ് റിപ്പോർട്ട്‌ പ്രേസേന്റ് ചെയ്യാൻ പറഞ്ഞു, അത് കഴിഞ്ഞ് ഇവിടുത്തെ എംഡിയെ കാണാൻ നിന്നു, അങ്ങനെ ഫുൾ ഓട്ടം ആയിരുന്നു.... അമ്മ ഇന്ന് സേഫ് ആയി എത്തിയില്ലേ...?"

"അഹ് മോനെ കുഴപ്പമില്ലായിരുന്നു.."

"അമ്മ വേഗം റെഡി ആവ്, നമുക്ക് മൂന്നുപേരും പുറത്ത് നിന്ന് ഫുഡ് കഴിക്കാം, നേഹടെ ട്രീറ്റ്‌ ആ.... അവളെ പോലെ പെണ്ണിനെ കിട്ടിയത് എന്റെ ഭാഗ്യം ആണല്ലേ അമ്മേ..."

അത് കേട്ട് ദേവിക്ക് തന്റെ വിഷമം നിയന്ത്രിക്കാൻ ആയില്ല.അവൾ പെട്ടന്ന് അവനെ ചെന്ന് കെട്ടിപ്പിടിച്ച് കരഞ്ഞുപോയി. ഇത്ര പാവമായ തന്റെ മോനെ അവൾ.... ദേവിയുടെ മനസ്സ് പിടഞ്ഞു.

"എന്താ അമ്മേ എന്ത് പറ്റി.....?"അശ്വിൻ ചോദിച്ചു.

"ഒന്നുല്ല കണ്ണാ.... പെട്ടന്ന്... എന്തോ...."

"എനിക്ക് മനസിലായി അമ്മേ.... അമ്മേടെ വിഷമം ഒക്കെ മാറാനല്ലേ നമ്മൾ ഇവിടേക്ക് വന്നേ.... ചിൽ ആവ്... ദേ വേഗം ചെന്ന് നല്ല കുട്ടിയായി ഫ്രഷ് ആയി റെഡിയായി വാ...."

"ഹ്മ്മ്...."അവൾ കണ്ണുതുടച്ച് പറഞ്ഞു.

അശ്വിൻ തിരിച്ച് റൂമിലേക്ക് നടന്നു. ദേവി ബാത്റൂമിലേക്ക് കേറി. മുറിയിൽ എത്തിയല്ലോ നേഹ ബെഡിൽ ഇരുന്ന് ലാപ്പിൽ എന്തോ ചെയ്ത് കൊണ്ടിരിക്കുകയായിരുന്നു.

"എന്താ അശ്വിൻ ഇത്... നേരെത്തെ വരാം എന്ന് പറഞ്ഞിട്ട്....?"അവനെ കണ്ട അവൾ ചോദിച്ചു.

"കുറച്ചു വർക്ക്‌ ആയി പോയി ഷെമിക്ക് നീ..."

"മ്മ് വർക്ക്‌ അല്ലെ എപ്പോഴും... ദേ വേഗം റെഡിയാവ് ഡിന്നറിന് ടൈം ആയി... ലാഗ് അടിപ്പിക്കല്ലേ..."

"ദേ