Chapter Title : ധ്വനിചേച്ചി 2 [അദ്വൈത്]

അവന് കഴിയ്ക്കാൻ കൊടുക്ക്..

അതിനുള്ള മറുപടി വല്യച്ഛന്റെ ഭാഗത്തുനിന്നും വന്നപ്പോൾ ഞാനൊന്നു ചിരിച്ചതേയുള്ളൂ.

അപ്പോൾതന്നെ വല്യമ്മ രണ്ടു തൂശനില കൊണ്ടുവന്ന് ഞങ്ങൾക്കു മുന്നിൽ വിടർത്തി. പിന്നെ അതിലേയ്ക്ക് വിഭവസമൃദ്ധമായ ഒരു സദ്യതന്നെ വിളമ്പി. ശേഷം എന്റെയടുത്തായി മറ്റൊരു കസേര വലിച്ചിട്ട് ഇരുന്നുകൊണ്ട് വിശേഷം തിരക്കലും ആരംഭിച്ചു.

വീട്ടിലെല്ലാർക്കും സുഖല്ലേ മോനെ? അമ്മയും അച്ഛനുമൊക്കെ എന്തു പറയുന്നു?

എന്നു തുടങ്ങി,

നിന്നെയിങ്ങോട്ട് പറഞ്ഞു വിടുമ്പോൾ അവൾക്കൊന്നിങ്ങോട്ട് വരണോന്ന് തോന്നിയില്ലേടാ.. എത്രനാളായി ഒന്നുകണ്ടിട്ട്..

എന്നു പറഞ്ഞ് അവസാനിയ്ക്കുന്നതിന് ഇടയിൽ ഒത്തിരി വിശേഷങ്ങളും പരാതികളും അടങ്ങിയിരുന്നു.

മറ്റെല്ലാത്തിനും ചിരിയ്ക്കുകയും മൂളുകയും ചെയ്ത ഞാൻ അവസാനംവന്ന പരാതിയ്ക്ക് മറുപടി കൊടുത്തു:

അതു വല്യമ്മേ.. അച്ഛന്റെ സ്വഭാവമറിയാലോ? അതാ അമ്മ വരാത്തത്.. ഇപ്പോളെന്തായാലും ഞാൻ വന്നില്ലേ? അതുപോരേ?

മതി.. ധാരാളം മതി! ഇനിയെന്തായാലും അത്ര പെട്ടെന്നൊന്നും കുഞ്ഞിനെ ഞാൻ തിരിച്ചുവിടൂല..

എന്റെ തലയിൽ തടവിക്കൊണ്ട് വല്യമ്മ വാത്സല്യം പ്രകടിപ്പിച്ചു.

കഴിയ്ക്കുമ്പോളെങ്കിലും ആ കൊച്ചിനു കുറച്ചു സമാധാനം കൊടുക്കെടീ..

ചോറ് ഉരുളയാക്കുന്നതിനിടയിൽ വല്യച്ഛൻ കണ്ണുരുട്ടിയതും ഞാനറിയാതെ ചിരിച്ചുപോയി. എന്റെ ചിരികണ്ടതും വല്യമ്മയും വല്യച്ഛനും ആ ചിരിയിൽ പങ്കുചേർന്നു.

ആഹാ.. ഇവിടത്തെ സെന്റി സീൻ ഇതുവരെ കഴിഞ്ഞില്ലേ?

അപ്പോഴാണ് ചേച്ചിയുടെ അങ്ങോട്ടേയ്ക്കുള്ള വരവ്.

നീ പിന്നേം കുളിച്ചോ അമ്മൂ?

ധ്വനിചേച്ചിയെ നോക്കി വല്യമ്മ ചോദിച്ചു. അപ്പോഴാണ് എന്റെകണ്ണുകൾ അവരെ പൊതിയാനായി പാഞ്ഞുചെന്നത്.

ശെരിയാണ്! കുളിച്ചിട്ടുള്ള വരവാണ്! ഈറൻ പൂർണ്ണമായി ഒഴിയാതെയുള്ള തലമുടിയെ വെള്ള തോർത്തുകൊണ്ട് പിന്നിൽ ഉണ്ടകെട്ടി പൊതിഞ്ഞു വെച്ചിരിപ്പുണ്ട്. എന്നാലതിൽ രണ്ടുമൂന്നു മുടിയിഴകൾ അരിവാളിന്റെ മാതൃകയിൽ മുഖത്തേയ്ക്കു വീണു കിടക്കുന്നുണ്ട്. മുഖത്തും അവിടവിടെയായി വെള്ളത്തുള്ളികളുടെ സാന്നിധ്യവും അറിയാം.

അതിനു രാവിലെ ഇവനെ വിളിയ്ക്കാനുള്ള തിടുക്കത്തിൽ കുളിയ്ക്കാൻ പറ്റീല.. ഇപ്പോഴാ കുളിയ്ക്കുന്നത്..

വല്യമ്മയ്ക്കുള്ള മറുപടിയും കൊടുത്തുകൊണ്ട് ചേച്ചിയടുത്തു വന്നു.

അപ്പോൾ ധരിച്ചിരുന്ന വെള്ളയിൽ ചാരനിറത്തിലെ ഹാഷിന്റെ ചിഹ്നമുള്ള ഇറുകിപ്പിടിച്ച ചുരിദാർടോപ്പിന് കാൽമുട്ടിനു മുകളിലായി മാത്രമേ നീളമുള്ളൂ. ടൈറ്റായ ടോപ്പ് അരക്കെട്ടിന്റെ ഭാഗത്ത് വലിഞ്ഞു നിൽക്കുന്നതു കാരണം ആ വലിയ പൊക്കിളിന്റെ ആഴവും വ്യാപ്തിയും പുറത്തു തെളിഞ്ഞിട്ടുണ്ട്. കൂട്ടത്തിൽ ഇടുപ്പിലെ കൊഴുപ്പും അരക്കെട്ടിന്റെ വിരിവുമെല്ലാം ആ ടോപ്പിൽ സുവ്യക്തമായി അറിയാനുണ്ട്.