Chapter Title : ദി വെജൈനല്‍ ക്രൈം 1 [പമ്മന്‍ജൂനിയര്‍]

കാര്‍ പാര്‍ക്ക് ചെയ്തിട്ട് സിന്ധുമോള്‍ കാറില്‍ നിന്നിറങ്ങി.

അഞ്ചരയടി ഉയരവും വടിവൊത്ത ശരീരവുമുള്ള ഡോ.സിന്ധുമോള്‍. നിരനിരയായ മുല്ലപ്പൂമൊട്ടിനെ തോല്‍പ്പിക്കുന്ന പല്ലുകള്‍. യു ഷേപ്പില്‍ വെട്ടിയിട്ട സ്‌ട്രേറ്റ് ചെയ്ത മുടിയിഴകള്‍. ബ്രൗണ്‍ കളറിലെ ഷിഫോണ്‍ സാരിയും ബ്ലാക്ക് ബ്ലൗസുമാണ് വേഷം. സാരിത്തലപ്പ് കൊണ്ട് മറച്ചിരിക്കുന്നതിനാല്‍ വെളുത്ത അണിവയറില്‍ കുറച്ച് മാത്രമേ പുറത്ത് കാണുന്നുള്ളു. നന്നായി ഉരുണ്ട നിതംബമാണ് സിന്ധുമോള്‍ ജോസഫിന്റേത്. കീഴ്ച്ചണ്ട് നന്നായി തടിച്ചിട്ടുണ്ട്. ചുവന്ന ലിപ്സ്റ്റിക് ആ ചുണ്ടുകള്‍ക്ക് കൂടുതല്‍ കാമഭാവം പകര്‍ന്നിട്ടുണ്ട്.

''സ്ഥാനമൊഴിയുന്ന പ്രസിഡന്റ് സാര്‍ എത്തിയില്ലേ മാഡം...'' ഹോട്ടല്‍ സെക്യൂരിറ്റിയായിരുന്നു അത്. ഇത്രനാളും തന്നോട് ഒരു ജാഡയും കാണക്കാതെ പെരുമാറിയതിനാല്‍ സിന്ധുമോളോട് അയാള്‍ക്ക് നല്ല സ്വാതന്ത്ര്യവും സ്‌നേഹവും ഉണ്ടായിരുന്നു.

''വരും... വരും.... കൊച്ചിയില്‍ ഒരു മീറ്റിംഗുണ്ടായിരുന്നു... അത് കഴിഞ്ഞ് ഓണ്‍ദവേയാണ്...'' മറുപടി പറയുമ്പോള്‍ സിന്ധുമോളുടെ ഫോണ്‍ റിംഗ് ചെയ്തു.

മകനാണ്.

''മോനേ... ജോ നീ വീട്ടിലെത്തിയോ... എത്തിയെങ്കില്‍ റെഡിയായി വേഗം വാ... ഡാഡി ഇതുവരെ എത്തിയിട്ടില്ല... നീ കൂടി വന്നില്ലെങ്കില്‍ മോശമാ... ഒന്നാമതേ പുതിയ പ്രസിഡന്റ് ഡാഡിയുടെ ശത്രുവാണെന്ന് എല്ലാവര്‍ക്കും അറിയാം...''

''ഓ... ഞാന്‍ വരുവാ മമ്മീ.... ഡാഡി വീട്ടിലേക്ക് വരുമോ എന്നറിയാന്‍ വിളിച്ചതാട്ടോ... ഞാന്‍ വീടിന് അകത്തേക്ക് കയറിയില്ല....ഓകെ ഇപ്പോള്‍ വരാമേ...'' ജോ ഫോണ്‍ കട്ട് ചെയ്ത് വീടിന്റെ ലോക്ക് തുറന്ന് അകത്തേക്ക് കയറി.

ഈ ഡാഡിക്കിതെന്ത് തിരക്കാണ്. ശരിക്കും സമ്മതിക്കണം എന്തെല്ലാം കാര്യങ്ങളാ ആശാന്‍ ഒരു ദിവസം ചെയ്ത് തീര്‍ക്കുന്നത്... ജോ മനസ്സില്‍ പറഞ്ഞുകൊണ്ട് അപ്‌സ്റ്റെയറിലുള്ള തന്റെ മുറിയിലേക്ക് നടന്നു.

അപ്പോഴാണ് ഡാഡിയുടെയും മമ്മിയുടെയും ബെഡ്‌റൂമില്‍ കതക് തുറന്ന് കിടക്കുന്നത് കണ്ടത്.