ഡിറ്റക്ടീവ് അരുൺ 11 [Yaser]

ഡിറ്റക്ടീവ് അരുൺ 11
Detective Arun Part 11 | Author : Yaser | Previous Part

"രാകേഷ് ഒരുപക്ഷേ ആ വോയിസ് റെക്കോർഡർ അരുണിന് കിട്ടിയിട്ടുണ്ടെങ്കിൽ, തീർച്ചയായും ആ ലോഡ്ജിൽ ഇന്നവൻ നമ്മളെ പ്രതീക്ഷിക്കുന്നുണ്ടാകും." സൂര്യൻ രാകേഷിനോടായി പറഞ്ഞു.

"അത് ശരിയാണേട്ടാ. ആ വോയിസ് റെക്കോർഡർ അവർക്ക് കിട്ടിയിട്ടുണ്ടെങ്കിൽ.. അങ്ങനെയെങ്കിൽ നമ്മൾ എന്തു ചെയ്യും."

"അതിൽ നിന്ന് രക്ഷപ്പെടാൻ ഒരു ഐഡിയ ഉണ്ട്."

"എന്താണ് ഏട്ടാ അത്." ആകാംഷയോടെ രാകേഷ് ചോദിച്ചു.

"അതിന് പ്രധാനമായും രണ്ടു കാര്യങ്ങളാണ് ചെയ്യേണ്ടത്. ഒന്നാമത്തെ കാര്യം അവനെ ഭയപ്പെടുത്തുന്ന അത്രയും ആളുകൾ അവിടെ എത്തുക എന്നതാണ്. അതായത്, അവൻ അവിടെ എത്തിയിട്ടുണ്ടെങ്കിൽ നമ്മുടെ ആളുകളുടെ എണ്ണം കാണുമ്പോൾ അവന് നമ്മളോട് പോരാടാനുള്ള തോന്നൽ ഉണ്ടാവരുത്."

"മനസ്സിലായി ഏട്ടാ രണ്ടാമത്തെ കാര്യം എന്താണ്.?"

"രണ്ടാമത്തെ ഒരു കാര്യം എല്ലാവരും ഒരേ കളർ ഉള്ള ഡ്രസ്സുകൾ ധരിക്കുക ഒരേ പോലുള്ള വാഹനങ്ങൾ ഉപയോഗിക്കുക."

"അതെന്തിനാ ചേട്ടാ ഒരു പോലത്തെ വസ്ത്രങ്ങൾ ധരിക്കുകയും ഒരു പോലത്തെ വാഹനങ്ങൾ ഉപയോഗിക്കുകയും ചെയ്യുന്നത്.?"

"നമ്മൾ അവിടെ നിന്നും മടങ്ങുമ്പോൾ അവൻ നമ്മളെ പിന്തുടരാനുള്ള സാധ്യതയുണ്ട്. സൊ നമ്മുടെ ആളുകൾ പലവഴിക്ക് പോയാൽ അവന് പിന്നെ നമ്മളെ പിന്തുടരാൻ കഴിയില്ല."

"അതൊരു സൂപ്പർ ഐഡിയ ആണ്. ഞാൻ വേഗം തന്നെ അതിനുള്ള ഒരുക്കങ്ങൾ നടത്തട്ടെ. ഒരു പക്ഷെ അവൻ വന്നില്ലെങ്കിൽ നമ്മ