Driving license [പുഴു]

Driving license Author : Puzhu

"എന്റെ പൊന്നു നീരജേ.... നീ ഗീയർ ലിവർ വലിച്ച് പറിച്ച് എടുക്കുമോ... അതിൽ ഇത്ര ബലം കൊടുക്കണ്ട... ദേ ഇതുപോലെ 2 വിരൽ കൊണ്ട് തട്ടിയാൽ അത് വീണോളും.."

"അതിനു അഭിയേട്ടൻ എന്തിനാ ദേഷ്യപ്പെടുന്നത്. ഞാൻ ഇത് പഠിക്കുന്നതല്ലെ ഉള്ളൂ"

"എന്ന് പറഞ്ഞ് ഇത് എത്രാമത്തെ തവണയാണ്, എൻ്റെ വണ്ടി നശിപ്പിക്കാൻ ആയിട്ട്".

"ഓ എന്നാ നിങ്ങൾ എന്നെ പഠിപ്പിക്കണ്ട."

"ആ.. അതാ നല്ലത് നീ പഠിക്കേണ്ട"...

അതു കേട്ടതും അവൾ മുഖം കറുപ്പിച്ച് ഡോർ തുറന്ന് പുറത്തേക്ക് ഇറങ്ങി.അഭി

ഡ്രൈവർ സീറ്റിൽ കയറി വണ്ടി വീട്ടിലേക്ക് പായിച്ചു.. നീരജ പുറത്തെ വിജനതയിലേക്ക് നോക്കി തൻ്റെ ജീവിതത്തെ ഒരു നോക്ക് ഓർത്തെടുക്കാൻ ശ്രമിച്ചു.

അത്യാവശ്യം കുഴപ്പം ഇല്ലാത്ത ഒരു ചുറ്റുപാടിൽ ജീവിച്ച് വന്ന ഒരു കുട്ടി ആയിരുന്നു നീരജ. അച്ഛനും അമ്മയും അനിയനും അനിയത്തിയും അടങ്ങുന്ന ഒരു കൊച്ചു കുടുംബം . പഠിത്തം ഒക്കെ കഴിഞ്ഞ് ഓരോരോ ഇൻ്റർവ്യൂ ഒക്കെ അറ്റൻഡ് ചെയ്തെങ്കിലും ഒന്നും നടന്നില്ല.കിട്ടിയതാണെങ്കിൽ ഒരുപാട് ദൂരം കൂടുതലും അതിനാൽ അടുത്ത് വല്ലതും കിട്ടുകയാണെങ്കിൽ പോകാം എന്നുള്ള ഒരു തീരുമാനത്തിൽ എത്തി.. അവൾക്ക് ഏറ്റവും പ്രിയപ്പെട്ടത് അവളുടെ വീട്ടുകാർ തന്നെ ആയിരുന്നു. ഭൂരിഭാഗം സമയവും അവള് അവളുടെ വീട്ടിൽ തന്നെ ചിലവിട്ടു.ഒറ്റക്കിരിക്കുമ്പോൾ ഫ്രെണ്ട്സിനോട് ചാറ്റ് ചെയ്തും സിനിമ

കണ്ടും അവള് ദിവസങ്ങൾ തള്ളി നീക്കി.പൊതുവേ ഇൻ്ററോവേർട് ആയ നീരജ അതിക