Chapter Title : ഏദൻ തോട്ടത്തിന്റെ കാവൽക്കാരൻ 8 [സഞ്ജു സേന]

കുറച്ചു കൂടി സുന്ദരിയായ പോലെ , ''ഇതാണോ പറഞ്ഞ ആള്?'' ഞാൻ അതെയെന്ന് തലയാട്ടി , ''നേരെ പോയി ,മുകളിലേക്കുള്ള സ്റ്റെപ് കയറി ചെല്ലുന്നതു സെമി വാർഡിലേക്കാണ് , അവിടെ ഡ്യൂട്ടി എടുക്കുന്ന ലീലാമ്മ ഫുഡ് കഴിക്കാൻ പോയിട്ടുണ്ടാകും ,ശ്രദ്ധിച്ചു പോയി എത്രയും പെട്ടെന്ന് തിരിച്ചു വരണം ..അറിയാലോ അർജുൻ പറഞ്ഞത് കൊണ്ട് മാത്രമാണ് നിങ്ങളെ കുറിച്ച് ഒന്നും തിരക്കാതെ ഞാനിതിനു കൂട്ട് നിൽക്കുന്നത് . എന്തെങ്കിലും കുഴപ്പം വന്നാൽ എന്റെ പണി പോകും ..സാരമില്ല ഞാൻ പിള്ളേരെയും കൂട്ടി തറവാട്ടിലേക്ക് വരും അല്ലെ അർജുൻ ...'' ഞാൻ അത് കേട്ട് ചിരിച്ചു കൊണ്ട് സ്മിതയെ നോക്കി പോയി വരാൻ ആംഗ്യം കാണിച്ചു ... ''രാവിലെ എന്നെ പറ്റിച്ചു അല്ലെ ,ഞാൻ കുറെ വിളിച്ചു നോക്കി ,എവിടെ ഒന്ന് തിരിച്ചു വിളിച്ചോ?'' ''അതാന്റി രാവിലെ അത്യാവശ്യമായി ഒരിടം വരെ പോകേണ്ടി വന്നു ,'' ''എന്നാലും ഒന്ന് വിളിച്ചു കൂടെ ,'' ''സോറി ആന്റി ,.. ആട്ടെ ആകാശ് തിരിച്ചു വന്നോ?'' ''അവര് ഉച്ചയ്‌ക്കെ എത്തി ,ഞാൻ പറഞ്ഞില്ലേ പെണ്ണ് ഹോസ്റ്റലിൽ നിൽക്കില്ലെന്നു ..ആ ഇനിയിപ്പോ അവരുടെ ഇഷ്ടത്തിന് ജീവിക്കട്ടെ അല്ലെ ...'' ഉം .....എന്റെ കണ്ണുകൾ അപ്പോഴും സ്മിത പോയ വഴിയേ തന്നെയായിരുന്നു , ആരുടേയും കണ്ണിൽപ്പെടാതെയിരുന്നാൽ മതിയായിരുന്നു ... ''അർജുൻ ഇവിടെ ഇരുന്നോളു ,ഒരു പേഷ്യന്റിനു മരുന്ന് കൊടുത്തിട്ടു ഇപ്പൊ വരാം ...'' ആന്റി ചൂണ്ടി കാണിച്ച കസേരയിൽ ഇരുന്നിട്ട് ഇരുപ്പുറയ്ക്കുന്നില്ല ,എഴുന്നേറ്റു ഒന്ന് രണ്ടു വട്ടം ഇടനാഴി വരെ പോയി നോക്കി ,ഇല്ല ....അവരുടെ ആരെങ്കിലും രാമേട്ടന്റെ വാർഡിൽ കാവലുണ്ടെങ്കിൽ പണിയാകും ,.....ഓർക്കുംതോറും നെഞ്ചിടിപ്പ് കൂടി വന്നു . അതിനിടയിൽ അഞ്ജുചേച്ചിയുടെ ഒന്ന് രണ്ടു കാൾ വന്നെങ്കിലും എടുക്കാതെ സ്മിത വരുന്നതും നോക്കി നിമിഷങ്ങളെണ്ണി വെരുകിനെ പോലെ അങ്ങോട്ടുമിങ്ങോട്ടും നടന്നു . ''അർജുൻ മുഷിഞ്ഞോ ?'' ''എയ് ഇല്ല ,അവര് വരുന്നതും നോക്കി നിന്നതാ '' ''പേടിക്കേണ്ട ഇപ്പൊ വരും ,അർജുൻ അപ്പുറത്തു വാഷ് ബേസിനുണ്ട് കൈകഴുകി വാ ,ഫുഡ് നമുക്ക് ഷെയർ ചെയ്യാം'' ''അയ്യോ