Chapter Title : ഏദൻ തോട്ടത്തിന്റെ കാവൽക്കാരൻ 8 [സഞ്ജു സേന]

തിരിച്ചു വരുന്നു.. ''കൊണ്ട് വിടണോന്നു സർ ചോദിക്കുന്നു..'' ''വേണ്ട ഞാൻ പോയി കൊള്ളാം , '' അവർ ചിരിച്ചു തലയാട്ടി ,പിന്നെ ഫോണെടുത്തു ആരുടെയോ നമ്പർ കുത്തി എന്നെ കടന്നു പോയി ,ഏതായാലും പ്രതീക്ഷിച്ച കുഴപ്പങ്ങളില്ല ..ആശ്വാസത്തോടെ ബൈക്ക് പാർക്ക് ചെയ്തിരിക്കുന്നതിനു അടുത്തേക്ക് നടക്കുമ്പോൾ ഫോൺ റിങ് ചെയ്തു ...ബാലേട്ടനാണ് . ''അർജുൻ നേരെ തിരിഞ്ഞു നോക്ക് , ഒരു വെള്ള ബെൻസ് കണ്ടോ , താക്കോൽ ബൈക്കിൽ വച്ചിട്ട് ഇങ്ങോട്ടു പോരെ ,നമുക്കിതിൽ പോകാം '' ''അപ്പൊ എന്റെ ബൈക്ക് ,?'' '' താക്കോൽ അതിൽ വച്ചേക്കു ,പിള്ളേര് കൊണ്ട് വന്നോളും , '' എന്‍റെ ബൈക്ക് വേറെ ആരെങ്കിലും കൊണ്ട് പോകുന്നതു അച്ഛനോ മറ്റോ കണ്ടാൽ പണിയാകും ,പക്ഷെ....ഇപ്പോഴത്തെ ഈ ഞാണിന്മേൽകളിൽയിൽ ആ റിസ്ക് എടുക്കുക തന്നെ...താക്കോൽ പറഞ്ഞ പോലെ ബൈക്കിൽ വച്ച് ബെൻസിനടുത്തേക്ക് നടന്നു...ബാലേട്ടൻ സ്ഥിരമായി ഇൻഡിക്ക ആണല്ലോ ,ഇതേതു ? ചിന്തിച്ചു നിൽക്കെ ഡോർ തുറക്കപ്പെട്ടു , ''വാ..ഇവിടെ നിന്ന് പെട്ടെന്ന് പോകണം ''.. ബാലേട്ടന്റെ പതിഞ്ഞ ശബ്ദം , അകത്തേക്ക് കയറി ഇരുന്നു കാറു മുന്നോട്ടു നീങ്ങിയപ്പോഴാണ് ഡ്രൈവിംഗ് സീറ്റിലെ ആളെ നോക്കിയത് , ഒരു സ്ത്രീയായാണ് ..... ,നല്ല പൊക്കവും ഒത്ത ശരീരവുമുള്ള കുലീനയായ ഒരു മധ്യവയസ്‌ക ..ഇതാരാണ് എന്ന ഭാവത്തിൽ ബാലേട്ടനെ നോക്കി .. ' ''ഇത് വാസുകി ,വാസുകി മാധവ് , എൻ ആർ ഐ ആണ് , ദേവമ്മയുടെ സുഹൃത്താണ് ,പിന്നെ വേറെയും കാര്യങ്ങളുണ്ട് പറയാം . '' ''ഹായ് ,അർജുൻ ....'' ഞാൻ മറുപടിയായി വെറുതെ ചിരിക്കുക മാത്രം ചെയ്തു ...ഭാഗ്യത്തിന് അവര് കൂടുതലൊന്നും ചോദിയ്ക്കാൻ നിൽക്കാതെ ഒരു ചിരി സമ്മാനിച്ച് തിരിഞ്ഞു ഡ്രൈവിങ്ങിലേക്ക് ശ്രദ്ധ തിരിച്ചു . ''അർജുൻ എന്തിനാണ് ഗായത്രി കാണാൻ പറഞ്ഞത് ?'' ഞാൻ ഗായത്രി പറഞ്ഞതെല്ലാം ബാലേട്ടനോട് വിശദമായി പറഞ്ഞു ....എല്ലാം കേട്ട് കഴിഞ്ഞു പുള്ളിയൊന്നു ഇരുത്തി മൂളി ,,പിന്നെ താടിയിൽ തടവി എന്തോ ആലോചിച്ചു ... ''എന്താ ബാലേട്ടാ ....ആ സ്ത്രീ നമ്മൾക്ക് കെണി ഒരുക്കിയതാണോ '' ''ആയിരിക്കാൻ വഴിയില്ല ,,ഇത് കണ്ടോ ?'' ബാലേട്ടൻ ഒരു പത്രത്തിന്റെ പേജ് എനിക്ക് നീട്ടി ....ചൂണ്ടി കാണിച്ച വാർത്ത മുഴുവൻ വായിച്ചിട്ടും എനിക്കൊന്നും മനസ്സിലായില്ല ...നടക്കാൻ പോകുന്ന ഉപതിരഞ്ഞെടുപ്പ് സംബന്ധിച്ച വാർത്തയാണ് .അതും ഞങ്ങളും തമ്മിലെന്ത് ബന്ധം ? ''അർജുൻ ,