Chapter Title : ഏജന്‌റ് ശേഖർ [സീന കുരുവിള]

ജനങ്ങൾ വെന്തുമരിക്കും....'വികാരാധീനനായി ഗുപ്ത പറഞ്ഞു. വിസ്‌കി ഗ്ലാസ് കൈയിൽ പിടിച്ചു ശേഖർ തരിച്ചിരുന്നു.കാര്യത്തിന്‌റെ ഗൗരവം അവനു മനസ്സിലായത് അപ്പോഴാണ്. 'നമുക്ക് എന്തു ചെയ്യാനാകും?' ശേഖർ ചോദിച്ചു. 'നമുക്ക് ചെയ്യേണ്ടത് ഈ കാര്യങ്ങളാണ്.' ഗ്ലാസ് വീണ്ടും നിറച്ചു ഗുപ്ത തുടർന്നു.' ഒന്ന് ,യൂസഫ്ഷായെ കണ്ടെത്തുക, മിസൈലുകൾ സ്ഥാപിച്ചത് എവിടെയെന്നറിയുക. രണ്ട്, യൂസഫ് ഷായെ തീർക്കുക, അതോടെ എടിജിയുടെ ശക്തി പതിൻമടങ്ങായി കുറയും. മൂന്ന്, മിസൈൽ സ്ഥാപിച്ചിടത്തുപോയി സ്വിച്ച് കണ്ടെത്തുക, അതു സ്വിച്ച് ഓഫ് ചെയ്തു മിസൈൽ നിർവീര്യമാക്കുക.'ഗുപ്ത ഒറ്റശ്വാസത്തിൽ പറഞ്ഞു നിർത്തി. 'ഊം, നമ്മൾ കളത്തിലിറങ്ങാൻ പോകുന്നു,യൂസഫ് ഷാ എന്ന വൻമരം നമ്മൾ വീഴ്ത്തും,എത്ര കളികൾ നമ്മൾ കണ്ടിരിക്കുന്നു.'ശേഖർ ആവേശത്തോടെ പറഞ്ഞു. 'അത്ര എളുപ്പമല്ല കാര്യം,' ഗുപ്ത പറഞ്ഞു.' യൂസഫ് ഷായെ കണ്ടെത്തിയാൽ തന്നെ മിസൈൽ എവിടുണ്ടെന്ന് അവൻ പറയില്ല. നമ്മൾ എത്ര വേദനിപ്പിച്ചാലും എന്തൊക്കെ ചെയ്താലും അവൻ പറയില്ല. മറ്റെന്തെങ്കിലും മാർഗം വേണ്ടിവരും.'അയാൾ വേപഥുവോടെ പറഞ്ഞു.ശേഖറിന്‌റെ ആവേശം കെട്ടു. 'അല്ലാ, ബോംബ് സ്ഥാപിച്ച സ്ഥിതിക്കു യൂസഫ് മടങ്ങിപ്പോയിരിക്കില്ലേ?' ശേഖർ സംശയം പ്രകടിപ്പിച്ചു. 'ഇല്ല, ഒരു സ്ഥലത്ത് ഒരു കാര്യം പ്ലാൻ ചെയ്താൽ സർവനാശം കണ്ടു നേരിട്ടു ബോധ്യപ്പെട്ടിട്ടേ യൂസഫ് മടങ്ങൂ. അവന്‌റെ ശൈലിയാണത്. ഭീകരാക്രമണം കഴിയുന്നതു വരെ അവനിവിടെ കാണും.'ഗുപ്ത മറുപടി പറഞ്ഞു. 'ഞാനിറങ്ങട്ടെ ശേഖർ,യൂസഫിനെക്കുറിച്ച് എന്തെങ്കിലും വിവരം ഇന്‌റലിജൻസിൽ നിന്നു ലഭിക്കുന്നതു വരെ നമുക്ക് കാത്തിരിക്കാനല്ലാതെ ഒന്നും പറ്റില്ല.അതു ലഭിച്ചാൽ നമുക്ക് പ്ലാൻ ചെയ്തു തുടങ്ങാം.' എഴുന്നേറ്റുകൊണ്ട് ഗുപ്ത പറഞ്ഞു. 'ശരി സർ,ഞാൻ കാത്തിരിക്കുകയാണ്. യൂസഫ് ഇനി മടങ്ങിപ്പോകരുത്.' ഗുപ്തയ്ക്കു ഷേക്ക് ഹാൻഡ് കൊടുക്കാൻ എഴുന്നേറ്റുകൊണ്ട് ശേഖർ പറഞ്ഞു. 'നമുക്ക് അങ്ങനെ പ്രതീക്ഷിക്കാം ശേഖർ, ബൈദിബൈ, നമ്മുടെ ഈ ടീമിൽ ഒരാൾ കൂടിയുണ്ട്..തിങ്കൾ വാര്യർ.പുതുതായി ട്രാൻസ്ഫർ ആയി വന്ന പെൺകുട്ടി, മിടുക്കിയാണ്.' ഗുപ്ത പറഞ്ഞു. 'ഓഹ് അറിയാം, പടക്കം തിങ്കൾ.ധാരാളം കേട്ടിട്ടുണ്ട്, കഥകൾ...' കള്ളച്ചിരിയോടെ ശേഖർ പറഞ്ഞു. ചുണ്ട് വക്രിച്ചു കൊണ്ട് ഒരു ചിരി ചിരിച്ച ശേഷം ഗുപ്ത വിടപറഞ്ഞു. ചാരസംഘടനയിലെ കാമറാണിയാണ് തിങ്കൾ.ഒരു പക്കാ സെക്‌സ് അഡിക്റ്റ്.ചാരസംഘടനയിൽ ഗുപ്ത ഉൾപ്പെടെയുള്ളവർ അവളുടെ കാമുകൻമാരിൽ പെടും. മറ്റുരാജ്യത്തെ