Chapter Title : ഏജന്‌റ് ശേഖർ [സീന കുരുവിള]

ഗുപ്ത തന്‌റെ കൈകൾ അവരുടെ ചന്തിക്കുടങ്ങളിൽ ഒന്നു തഴുകിവിട്ടു. 'ഇതു തിങ്കൾ..തിങ്കൾ വാര്യർ, പുതുതായി ട്രാൻസ്ഫർ ലഭിച്ചുവന്ന ഓഫിസറാണ്' ഗുപ്ത തിങ്കളിനെ ശ്വേതയ്ക്കു പരിചയപ്പെടുത്തി. അവർ തിങ്കളിനു ഷേക്ക്ഹാൻഡ് ന്ൽകി. 'ഇതെന്താണിത്, എല്ലാവരുമുണ്ടല്ലോ, എന്തെങ്കിലും രഹസ്യയോഗമാണോ? ഞാൻ മാറി നിൽക്കണോ..'ചിരിയോടെ ശ്വേത പറഞ്ഞു. 'അതെ ഒരു ടോപ് സീക്രട്ട് യോഗമാണ്. പക്ഷേ ശേഖറിന്‌റെ മമ്മി കേൾക്കുന്നതിൽ ഞങ്ങൾക്കു കുഴപ്പമില്ല, നിങ്ങളെ ഞങ്ങൾക്കു പൂർണവിശ്വാസമാണ്.' ഗുപ്ത ചിരിയോടെ പറഞ്ഞു. 'ഓഹോ എങ്കിൽ കേൾക്കട്ടെ..' കുസൃതിച്ചിരിയോടെ ശ്വേത പറഞ്ഞു. അവരെല്ലാവരും ശ്വേതയുടെ ഓഫിസ് റൂമിൽ ഒത്തുകൂടി. യൂസഫ്ഷാ ഇന്ത്യയിൽ വന്ന കാര്യവും മിസൈലാക്രമണ പദ്ധതിയും മറ്റും ഗുപ്ത ശ്വേതയെ പെട്ടെന്നുതന്നെ പറഞ്ഞു കേൾപ്പി്ച്ചു, അവർ മൂക്കത്തു വിരൽവച്ചു നിന്നുപോയി. 'എന്‌റെ കൃഷ്ണാ, വലിയ അപകടമാണല്ലോ...'അവർ ഭഗവാനെ വിളി്ച്ചുകൊണ്ടു പറഞ്ഞു. 'തീർച്ചയായും മമ്മി, വലിയ അപകടം തന്നെ' ശേഖർ അവരോടുപറഞ്ഞു.ശ്വേത തലകുലുക്കി.തന്‌റെ കൈയിലെ ഒരു ഹാൻഡ്ബാഗിൽ നിന്നും സിഗരറ്റ് പായ്ക്കറ്റ് കൈയിലെടുത്തു, ഒരു സിഗരറ്റ് തിരഞ്ഞെടുത്ത് ്അവർ ചുണ്ടിൽവച്ചു. ലൈറ്റർ കത്തിച്ച് ഒന്നു രണ്ടുപുക ആഞ്ഞുവലിച്ചു. 'എന്താണു സർ വലിയ ഒരു ബ്രേക്ക് ഉണ്ടായെന്നു പറഞ്ഞത്?' ശേഖർ അക്ഷമനായി ചോദിച്ചു. 'യൂസഫ് ഷാ നാളെ മുംബൈയിൽ വരുന്നു' ഗുപ്ത പറഞ്ഞു. എല്ലാവരും ഞെട്ടി.'എന്തിന്'് ശേഖർ ചോദിച്ചു. 'ഒരു ഭീകരാക്രമണപദ്ധതി സെറ്റ് ചെയ്തു കഴിഞ്ഞാൽ പിന്നീടു കുറച്ചുദിവസം അടിച്ചുപൊളിക്കുന്നത് അവന്‌റെ രീതിയാണ്.വിക്രോലിയിൽ ഒരു ഡാൻസ് ബാറുണ്ട്. പങ്കജ് ഡാൻസ് ബാർ, ഫൈവ് സ്റ്റാർ സൗകര്യങ്ങളാണ്. അധോലോകനായകരും കള്ളക്കടത്തുകാരുമൊക്കെ എത്തുന്നയിടം.അവിടെ നാളെ ഡാൻസ് കാണാൻ യൂസഫ് വരുന്നെന്നാണ് അറിവ്.സലീം അഹമ്മദ് എന്ന കള്ളപ്പേരിലാണേ്രത അവൻ ഇപ്പോൾ വിലസി നടക്കുന്നത്, നാളെ പങ്കജ് ഡാൻസ് ബാറിൽ നിന്ന് അവനെ വലയിലാക്കിയാൽ നമ്മൾക്ക് എന്തെങ്കിലുമൊക്കെ ചെയ്യാനൊക്കും.' ഗുപ്ത പറഞ്ഞു. 'അവനെ അവിടെ നിന്ന് അറസ്റ്റ് ചെയ്താൽ പോരെ മിസ്റ്റർ ഗുപ്ത?' ശ്വേത ചോദിച്ചു. 'പറ്റില്ല, ശ്വേതമാഡം.അങ്ങനെ ചെയ്താൽ അവൻ മിസൈൽ എവിടെയാണു സ്ഥാപിച്ചതെന്ന് ഒരിക്കലും നമ്മൾക്കറിയാൻ സാധിക്കില്ല.നമ്മൾ എന്തൊക്കെ ചെയ്താലും അവൻ പറയില്ല,അത്തരം പരിശീലനം നേടിയ കള്ളനാണ് അവൻ.' മുഷ്ടിചുരു്ട്ടിക്കൊണ്ട് ഗുപ്ത പറഞ്ഞു. 'ശേഖറിനു വീക്ക്‌നെസ് എന്തെങ്കിലുമുണ്ടോ, നമ്മൾക്കു