എൽ ഡൊറാഡോ 8

El Dorado Part 8 | Author : Sathyaki

[ Previous Part ] [ www.kkstories.com]

ഗ്രൗണ്ടിൽ വച്ച് എല്ലാവരുടെയും മുന്നിൽ വച്ച് അപമാനിതൻ ആയതിന്റെ വിഷമം മുഴുവൻ മാറിയിരുന്നു. ഗ്രൗണ്ടിൽ നിറഞ്ഞു കിടക്കുന്ന ചെളി വെള്ളത്തിൽ അതെല്ലാം ഒലിച്ചു പോയി എന്ന് പറയാം.. അതിന് കാരണക്കാരി ആയ ശിവേച്ചിയോട് എനിക്ക് വല്ലാത്ത ഒരു ആരാധന തോന്നി..

സൗന്ദര്യം കൊണ്ടോ ശരീരം കണ്ടോ ഒന്നും തോന്നുന്ന തരത്തിൽ ഉള്ള ആരാധന അല്ല. ഒരു ഉപാസനമൂർത്തിയോടൊക്കെ തോന്നുന്ന ഭക്തി പോലെ ശിവയെ ഞാൻ എന്റെ മനസ്സിൽ ഒരു ദേവി ആയി പ്രതിഷ്ഠിച്ചു കഴിഞ്ഞിരുന്നു..

അന്ന് വൈകുന്നേരം അമ്പലം ടീം മുഴുവൻ പിച്ചിക്കാവിലേക്ക് വന്നു. ശിവേച്ചിയെ കാണാൻ.. കൂട്ടത്തിൽ എന്നെയും..

'എന്താ കണ്ണാ..? ഇന്ന് ഗ്രൗണ്ടിൽ കളി ഒന്നും ഇല്ലേ..? എല്ലാരും എന്താ ഈ വഴി..?

ഒന്നും അറിയാത്തത് പോലെ ശിവ ചേച്ചി കണ്ണൻ ചേട്ടനോട് ചോദിച്ചു. ചേച്ചി ആക്കിയത് ആണെന്ന് കണ്ണൻ ചേട്ടൻ അടക്കം എല്ലാവർക്കും മനസിലായി

'ശിവേ, മിനിങ്ങാന്ന് പ്രശ്നം നടക്കുമ്പോ ഞങ്ങൾ മിക്കവരും അവിടെ ഇല്ലായിരുന്നു. സംഭവം എല്ലാം ഞങ്ങൾ അറിഞ്ഞത് ഇന്നാണ്..'

കണ്ണൻ ചേട്ടൻ ശിവയോട് പറഞ്ഞു. എല്ലാവരും കാര്യങ്ങൾ പറഞ്ഞു തീർക്കാൻ വന്നതാണ്. അതിന്റെ ഒതുക്കം എല്ലാവരിലും കാണാനുണ്ട്. പക്ഷെ ശിവേച്ചി പഴയ പോലെ ഒട്ടും വിട്ടു കൊടുക്കാതെ തന്നെ നിന്നു

'ഞാൻ അന്ന് ഗ്രൗണ്ടിൽ വന്നപ്പോ ഇതിലെ കുറേ എണ്ണം അവിടെ ഉണ്ടായിരുന്നല്ലോ. എന്താ ഇവനൊന്നും നട്ടെല്ല് ഇല്ലായിരുന്നോ..? ഇവനേ തല്ലിയവന്റെ ലെമൺ സോഡാ എല്ലാവനും കൂടി ഒരുമിച്ച് കുടിക്കുന്നുണ്ടായിരുന്നല്ലോ..?

ശിവേച്ചി ചോദിച്ചു.. ശാന്തൻ ചേട്ടൻ അടക്കം അന്ന് ഗ്രൗണ്ടിൽ ഉണ്ടായിരുന്ന പലരും അവിടെ നിന്ന് പരുങ്ങി..

'കഴിഞ്ഞത് എല്ലാം കഴിഞ്ഞു. ഇനി അത് പറഞ്ഞു പ്രശ്നം വേണ്ട. ഇനി ഇവനെ ആരും ഒന്നും പറയില്ല.. അവന്റെ ദേഹത്തു ആരും തൊടില്ല.. എന്റെ ഉറപ്പ്..'

കണ്ണൻ ചേട്ടൻ എന്നെ നോക്കി പറഞ്ഞു

'മറ്റവൻ എവിടെ..? അവനെ കണ്ടില്ലല്ലോ..?

ശിവേച്ചി അഖിലിനെ അവരുടെ ഇടയിൽ നോക്കി. അവനെ അതിനിടയിൽ കാണാൻ ഇല്ലായിരുന്നു. ശിവേച്ചി അന്ന് ഗ്രൗണ്ടിൽ വച്ച് ഊക്കി വിട്ടത് കൊണ്ട് ശിവയുടെ മുന്നിൽ വീണ്ടും വരാൻ അവന് മടി കാണും

'അവനും ഇനി ഒരു കുഴപ്പത്തിന് വരില്ല..'

കിച്ചു ചേട്ടൻ പറഞ്ഞു

'ആഹ്.. എന്നാൽ നിങ്ങളുടെ ഗ്രൗണ്ടിൽ ഇനി ഞാനായിട്ട് ഒരു പ്രശ്നത്തിനും വരുന്നില്ല.. മഴ പെയ്തു വെള്ളം പൊങ്ങിയാൽ ഞാൻ ആണെന്ന് പറഞ്ഞു വന്നേക്കല്ലേ..'

ശിവേച്ചി കളിയാക്കി പറഞ്ഞു

'ശിവേ.. നിനക്ക് എന്താ..? അവര് ഇനി ഒരു കുഴപ്പവും ഉണ്ടാവില്ല എന്ന് പറഞ്ഞില്ലേ..?

അനിലാമ്മായി ശിവേച്ചിയെ ചെറുതായ് ശകാരിച്ചു

'അതിന് ഞാൻ തിരിച്ചു ഒന്നും പറഞ്ഞില്ലല്ലോ അമ്മേ..'

'നന്ദു.. അമ്മ എവിടെ..? നിന്നേ ഗ്രൗണ്ടിലേക്ക് വിടണം എന്ന് പറയാൻ കൂടിയാ ഞങ്ങൾ ഇങ്ങോട്ട് വന്നത്..'

കണ്ണൻ ചേട്ടൻ എന്നോട് ചോദിച്ചു

'നീയൊക്കെ ആ ഗ്രൗണ്ടിൽ എന്ത് വേണേൽ ഇനി കാണിച്ചോ.. പക്ഷെ