Chapter Title : എന്റെ ഭാര്യ നിന്റെയും 2 [Mikaelson]

സുന്ദരി. ആവശ്യത്തിന് തടി. തടിച്ച ചുണ്ടുകൾ. ഒരു വട്ട കണ്ണട. വലിയ പവർ ഒന്നും ഇല്ലാത്ത കണ്ണട ആണ് അവൾ ധരിച്ചത് എന്ന് എനിക്ക് മനസിലായി. കണ്ണട ഇട്ട അവളുടെ കണ്ണുകളിൽ അണിഞ്ഞ സുറുമക്ക് കടലിന്റെ ദൂരെയുള്ള സീമയേക്കാൾ സൗന്ദര്യം അന്ന് എനിക്ക് തോന്നി.

" ഹലോ "

ആദ്യമായി കണ്ട അവളുടെ മുഖത്ത് നിന്ന് കണ്ണെടുക്കാതെ ഞാൻ ചോദിച്ചു.

"ഹലോ ചേട്ടാ,"

ഫോണിലൂടെ മാത്രം കേട്ട ആ ശബ്ദം ഒരു കുയിൽ നാദം പോലെ എന്റെ ചെവിയിൽ മുഴങ്ങി നിന്നു.

"വന്നിട്ട് ഒരുപാട് നേരം ആയോ ലക്ഷ്മി? "

"ഇല്ല ഏട്ടാ. ഒരു പത്തു മിനിറ്റ് ആയി കാണും "

"ഇത് ഞാൻ ലക്ഷ്മിക്ക് വേണ്ടി കൊണ്ട് വന്നതാണ് "

എന്റെ കൈയിലെ കവറിൽ ഞാൻ സൂക്ഷിച് വെച്ച "അൻഫാർ" എന്ന അറേബ്യൻ ബ്രാൻഡ് ഊദ് ഞാൻ അവൾക്ക് നൽകി.

"താങ്ക്സ് " സമ്മാന പൊതി വാങ്ങി കൊണ്ട് അവൾ അത് അവളുടെ കൈകളിൽ വെച്ചു പറഞ്ഞു.

"ലക്ഷ്മിക്ക് എന്ത് വാങ്ങി തരണം എന്ന് എനിക്ക് ഒരു ധാരണ ഇല്ലായിരുന്നു. നമ്മൾ ഇപ്പോഴാണല്ലോ ഒന്ന് നല്ല വണ്ണം കാണുന്നത് തന്നെ. സാരമില്ല. ഒരുമിച്ച് ഷാർജയിൽ പോയിട്ട് നമക്ക് നിനക്ക് വേണ്ടതെല്ലാം വാങ്ങിക്കാം. "

ഒന്നും മിണ്ടാതെ നിന്ന അവളുടെ മുഖത്ത് ഒരു ചെറിയ ഭാവമാറ്റം ഞാൻ ശ്രദ്ധിച്ചു.

"എന്ത് പറ്റി ലക്ഷ്മി. കുട്ടിക്ക് എന്നെ ഇഷ്ട്ടപെട്ടില്ലേ? "

"അയ്യോ ഏട്ടാ അങ്ങനെ ഒന്നും ഇല്ല. നമ്മൾ നമ്മുടെ ഭാവി ചിന്തിക്കുന്നതിന് മുന്നേ എന്നെ കുറിച് ഏട്ടൻ