Chapter Title : എന്റെ ഡോക്ടറൂട്ടി 24 [അർജ്ജുൻ ദേവ്]

""...കേട്ടോമോനേ,
ജോക്കുട്ടനൊന്നു
വരാൻവൈകിയാൽ
ഗെയ്റ്റിന്റമുന്നിൽപ്പോയി
വായുംപൊളിച്ചു നിൽക്കുന്നോളാ ഇപ്പൊനിങ്ങളെ കളിയാക്കുന്നേ..!!"""_ അമ്മ കൂട്ടിച്ചേർത്തു...

""...ഈയമ്മേടൊരു കാര്യം.! ചെക്കന്റെമുന്നിൽ
മാനംപോയി..!!"""_ മുഖത്തേയ്ക്കിരച്ചുവന്ന
നാണത്തെ
പരമാവധിയൊതുക്കാൻ
ശ്രെമിച്ചചേച്ചി;

""...അതിനു
ഞങ്ങളാരുടേംമുന്നില്
തമ്മിത്തല്ലുന്നത് അഭിനയ്ക്കുന്നൊന്നുമില്ലല്ലോ..!!"""_ന്ന് കൊതികുത്തിനിന്നതും,
പെട്ടെന്നുഹോളിൽനിന്നും ഹണീബിയുടെയൊരു
അലറിച്ചകേട്ടു...

""...ഹണീബീയല്ലേടീ കാറുന്നേ...???"""_ ന്നമ്മ ചോദിച്ചതും,

""...അയ്യോ..!!"""_ ന്നും
പറഞ്ഞുകൊണ്ട്
മറുപടിപറയാതെ ചേച്ചി ഹോളിലേയ്ക്കുപാഞ്ഞു...

...ഇനി ഹണീബീന്ന് പേരിട്ടതിന്റെകലിപ്പിൽ മീനാക്ഷിയാ പൂച്ചയെക്കൊന്നോ..??

ദൈവമേ... ആ പൂച്ചയ്ക്കൊന്നും വരുത്തല്ലേ.!

ചേച്ചിക്ക് പുറകെ ഹാളിലേക്കോടുമ്പോൾ
എന്റെമനസ്സിൽ ആ പ്രാർത്ഥന മാത്രമായ്രുന്നു...

അമ്മേടേംചേച്ചീടേം പിന്നിലായി
ലിവിങ്റൂമിലെത്തുമ്പോൾ
കാണുന്നത്; തക്കുടു ഹണീബീടെ വാലിൽപ്പിടിച്ചു വലിയ്ക്കുന്നതാണ്...

അതാവട്ടെ നിലവിളിച്ചുകൊണ്ട് ഓടിരക്ഷപ്പെടാനും ശ്രമിയ്ക്കുന്നു...

...അടിപൊളി.! ഇവനെന്താ
വാലൂരിയെടുക്കുന്നോന്ന മട്ടിൽ നോക്കിനിൽക്കുമ്പോൾ,

""...അതിനെക്കൊല്ലോ..??"""_ ന്നും ചോദിച്ചോടിച്ചെന്ന ചേച്ചി
പൂച്ചയെ കുഞ്ഞിന്റെ കയ്യിൽനിന്നും രക്ഷിച്ചു...

വാല്സംരക്ഷിയ്ക്കപ്പെട്ട ആശ്വാസത്തിൽ ഹണീബി ജീവനുംകൊണ്ടോടുമ്പോൾ,

""...ഇതിനൊരു കടിയെങ്കിലും വെച്ചുകൊടുത്തൂടേ..??"""_ ന്നൊരു പിറുപിറുക്കലായ്രുന്നൂ ചേച്ചി...

അതിന്,

...ഏഹ്.! കുഞ്ഞിനൊരു കടികൊടുക്കാനോ..??

ഇവരിതെന്ത്‌ തള്ളയാന്നമട്ടിൽ നോക്കുമ്പോൾ
ചേച്ചി കുനിഞ്ഞുനിന്ന് കുഞ്ഞിനൊരടികൊടുത്തു...

ശേഷം,

""...നിന്നോടുഞാൻ പലവട്ടം പറഞ്ഞിട്ടില്ലേ, അതിനെയുപദ്രവിയ്ക്കരുതെന്ന്... ഇനിയുപദ്രവിയ്ക്കോ..?? ഉപദ്രവിയ്ക്കോന്ന്..??"""_ ചോദിച്ചുകൊണ്ടൊരു നുള്ളുകൂടികൊടുത്തതും
ചെക്കൻ ചേച്ചിയുടെ മുടിയ്ക്കു കൈചുറ്റിപ്പിടിച്ചു...

...അടിപൊളി.! ഒന്നുംനോക്കണ്ട... രണ്ടിടികൂടി പൊട്ടിയ്ക്കടാ... ആണുങ്ങളോടാ
അവൾടൊക്കെകളി... ഹല്ലഫിന്നെ.!

""...ഡാ ചെക്കാ... മുടീന്നുവിടഡാ... നോവുന്നെടാ..!!"""_ ചീറിയ ചേച്ചി;

""...ജോക്കുട്ടാ... എടാ ജോക്കുട്ടാ... പോകുമ്പയീ കുട്ടിച്ചാത്തനെക്കൂടി കൊണ്ടുപൊക്കോണം... എനിയ്ക്കുവയ്യ
ഇവന്റടികൊണ്ട് തീരാൻ..!!"""_ എന്നു വിളിച്ചുകൂവുകേം ചെയ്തു...

""...അതിനു നീയല്ലേപറഞ്ഞേ, കുറഞ്ഞത്
പത്തുകുഞ്ഞുങ്ങളെങ്കിലും
വേണംന്ന്... എന്നിട്ടാ
നീയാണോ ഒരെണ്ണത്തിനെ
മേയ്ക്കാൻപറ്റാതെ ചക്രശ്വാസംവിടുന്നേ..??"""

""...ഞാ.. ഞാനോ..?? ഞാൻ... ഞാനെപ്പഴാ..."""_ നിന്നു വിക്കുന്നതിനിടയിൽ ചേച്ചിയെന്നെ പാളിനോക്കുന്നതുകൂടി കണ്ടതും ഒന്നുചമ്മിയ ഞാൻ നൈസിനു പിന്നോക്കംതിരിഞ്ഞു...

മാനേർസ്... മാനേർസ്.!

""...സിത്തൂ..!!"""_ അപ്പോഴാണ് മീനാക്ഷിയുടെ വിളികേട്ടത്...

തിരിഞ്ഞുനോക്കുമ്പോൾ കടുംപച്ചയിലെ
അസിമെട്രിക്കൽഹെം ടോപ്പും പലാസോപാൻ്റുമിട്ട് എന്റടുത്തേയ്ക്കു വരുവായ്രുന്നൂ കക്ഷി...

അവളെക്കണ്ടതും,

...ഇവളിതെന്തോന്ന്... തത്തേന്നമട്ടിൽ മിഴിച്ചുനോക്കുമ്പോൾ,

""...എടാ... ഞാനേ...
ജോക്കുട്ടനൊപ്പം
ഹോസ്പിറ്റലിപ്പോയ്ട്ട് വരാട്ടോ..!!"""_ന്ന് മീനാക്ഷി അനുവാദംചോദിയ്ക്കുന്ന ഭാവത്തിൽ പറഞ്ഞു...

""...നീയേത് കാലിന്റെടേലോ ചെന്നുകേറിക്കൊട്...
അതെന്തിനാ എന്നോടുപറേണെ..??"""_ പുച്ഛത്തോടെ ചോദിച്ചുകൊണ്ട് അടുക്കളയിലേയ്ക്കു നടക്കുമ്പോൾ,

""...അല്ലാ... ഞാമ്പോയേച്ച് തിരിച്ചുവരുമ്പോഴേയ്ക്കും പോയിക്കളയല്ലേന്നു പറയാമ്മേണ്ടി പറഞ്ഞതാണേ..!!"""_ അവളതിനു മറുപടിതന്നു...

അതിനൊന്നു തിരിഞ്ഞുനോക്കുമ്പോൾ ആചുണ്ടിന്റെ കോണിലെവിടെയോ ഒരുപുഞ്ചിരി മിന്നായമെന്നപോലെന്റെ ശ്രെദ്ധയിൽപെടുകയും ചെയ്തു...