Chapter Title : എന്റെ ഡോക്ടറൂട്ടി 09 [അർജ്ജുൻ ദേവ്]

മരവിച്ചപോലെ കീത്തു പിന്നിലെഭിത്തിയിലേയ്ക്കു ചാരിപ്പോയി... ""...നിന്റെ... നിന്റെ ഹോസ്റ്റലിലവൻ വന്നെന്നോ..?? ഇല്ല... ഇതൊക്കെ ചുമ്മാ പറയുവാ... അവനങ്ങനെയൊന്നും ചെയ്യൂല..!!"""_ അച്ഛന്റെ കൈപിടിച്ചുകൊണ്ടമ്മ നിലവിളിയുടെ വക്കത്തെത്തിയപ്പോൾ, ആ അവസ്ഥയിലുമെന്റെ ചിന്തപോയത് അമ്മയ്ക്കെന്നെ ഇത്രയും വിശ്വാസമുണ്ടായിരുന്നോ എന്നാണ്... അതോ ഒരുസീരിയലും വിടാതെകണ്ടിട്ട് ഇങ്ങനുള്ളസന്ദർഭങ്ങളിൽ അമ്മമാരിതുപോലെയാണ് പ്രതികരിയ്ക്കേണ്ടതെന്ന് കാണാപാഠം പഠിച്ചു വെച്ചിരിയ്ക്കുന്നതാണോ..?? ""...മോളിതെന്തൊക്കെയാ പറയുന്നേ... അവൻ നിങ്ങടെ ഹോസ്റ്റലിൽവന്നെന്നോ..??"""_ കരച്ചിലിന്റെ ചാരെനിൽക്കുന്ന അമ്മയുടെ കൈപിടിച്ചുകൊണ്ട് അച്ഛൻചോദിച്ചപ്പോൾ മീനാക്ഷി മുഖമുയർത്തി പുള്ളിയെനോക്കി... ""...ആ.! ഞാമ്പറഞ്ഞ സത്യാ... ഞങ്ങളുതമ്മി കുറേക്കാലായ്ട്ട് പ്രേമത്തിലായ്രുന്നു... അവനാദ്യായ്ട്ടൊന്നുവല്ല എന്നെക്കാണാൻ ഹോസ്റ്റലിവരുന്നേ..!!""" ""...മോളേ... നീ... നീയിതെന്തൊക്കെയാ ഈപറേണേ... ഇഷ്ടത്തിലായ്രുന്നെന്നോ..??"""_ അച്ഛൻ അതിശയത്തോടെ ചോദിയ്ക്കുമ്പോൾ അമ്മ നിറകണ്ണുകളോടെ അച്ഛന്റെ മുഖത്തേയ്ക്കുനോക്കി... ഞാനാണെങ്കി ഇവളിതെന്തുഭാവിച്ചാണെന്നു മനസ്സിലാകാതെ പകച്ചുള്ളനിൽപ്പിലും... ഈശ്വരാ.! ഈ നിൽപ്പിലങ്ങ് സമാധിയായെങ്കിൽ.! ""...അതേ അങ്കിളേ... ഞങ്ങളു തമ്മിലിഷ്ടത്തിലാ... എനിയ്ക്കാണേ അവനില്ലാണ്ട് ജീവിയ്ക്കുന്നകാര്യം ചിന്തിയ്ക്കാങ്കൂടി പറ്റത്തില്ല... ഇപ്പൊഴാണെങ്കി എല്ലാരുടേംമുന്നില് നാണോങ്കെട്ടു... ഇനി ഞാനെന്താചെയ്യേണ്ടേ..?? നിങ്ങള്പറ... പോയിചാവണോ..?? എന്തായാലും തന്തയില്ലാത്തൊരു കുഞ്ഞിനെ പെറാനൊന്നുമെനിയ്ക്കു പറ്റത്തില്ല..!!""" ""...ഛീ.! നിർത്തടീ പൊലയാടിമോളേ... വീട്ടുമുറ്റത്തു വന്നുനിന്ന് അനാവശ്യമ്പറഞ്ഞാ കൊന്നുകളയും പന്നപ്പുണ്ടച്ചീ..."""_ ക്ഷമയുടെ നെല്ലിപ്പലകയുംതാണ്ടി അവൾക്കു നേരേപായുമ്പോൾ ശരീരത്തിന്റെ വേദനയൊക്കെ ഞാൻമറന്നിരുന്നു... ""...എന്താ ഞാമ്പറഞ്ഞത് സത്യവല്ലേ..?? നമ്മള്തമ്മീ പ്രേമമല്ലേ..?? നമ്മളെ രണ്ടുംകൂടിയിന്നലെ ഹോസ്റ്റലീന്നു പിടിച്ചില്ലേ..?? ഇല്ലേ..?? ഇല്ലെങ്കിപ്പറ..!!""" ""...പ്രേമവോ..?? നിന്നോടോ..?? നീ പറഞ്ഞു പറഞ്ഞെങ്ങോട്ടാടീ കേറുന്നേ..?? ഇറങ്ങ്... മര്യാദയ്ക്കിറങ്ങിയ്‌ക്കോ... ഇല്ലേ കഴുത്തിന്പിടിച്ചു പുറത്തുതള്ളും ഞാൻ..!!"""_ ഞാനിരച്ചുകയറിയ കലിപ്പിൽ അടുത്തച്ഛനുമമ്മയും നിൽക്കുന്നതൊക്കെ മറന്നു... എന്റെമുഖഭാവം കണ്ടതും അവൾ കത്തുന്നകണ്ണുകളോടെ എന്നെ ദഹിപ്പിയ്ക്കാനുറച്ചൊരു നോട്ടംനോക്കി... ""...ഇവള് പറയുന്ന സത്യാണോടാ..?? നിങ്ങള് തമ്മിലിഷ്ടത്തിലാണോ..?? നീയിവളുടെ ഹോസ്റ്റലിൽ പോയിരുന്നോ..??"""_ തന്തപ്പടി കുറച്ചുകലിപ്പിലെന്റെ മുന്നിലേയ്ക്കുനിന്നു ചോദിച്ചപ്പോൾ ആദ്യമൊന്നുത്തരം