Chapter Title : എന്റെ കളികള്‍ 2 [Master]

വേഗം ഞാന്‍ തിരികെ വീട്ടിലേക്ക് കയറി ഉള്ളിലേക്ക് ചെന്നു.

“എന്താമ്മേ” ഞാന്‍ ചോദിച്ചു.

“ഈ കപ്പക്കിഴങ്ങും മുട്ടേം രാജമ്മേടെ വീട്ടി കൊണ്ടുക്കൊടുത്തിട്ടു വാ. അന്നവള്‍ കൊണ്ടുത്തന്ന മുട്ട ഇതുവരെ തിരിച്ചു കൊടുക്കാന്‍ ഒത്തിട്ടില്ല” ഒരു സഞ്ചി എന്റെ നേരെ നീട്ടിക്കൊണ്ട് അമ്മ പറഞ്ഞു.

എനിക്ക് കലശലായ ദേഷ്യം വന്നെങ്കിലും അടക്കുകയല്ലാതെ വേറെ വഴി ഉണ്ടായിരുന്നില്ല. കുഞ്ഞമ്മയുടെ വീട്ടിലേക്ക് പോകാനാണ് അമ്മ പറഞ്ഞിരിക്കുന്നത്. ഇങ്ങനെ ഇടയ്ക്കിടെ സാധനങ്ങള്‍ കൈമാറ്റം ചെയ്യുന്ന പരിപാടി രണ്ടാള്‍ക്കും ഉണ്ട്. വെറുതെ കൊടുത്താലും അത് തിരിച്ച് കൊടുക്കണമെന്ന് അമ്മയ്ക്ക് നിര്‍ബന്ധമാണ്‌. കഴിഞ്ഞ തവണ കുഞ്ഞമ്മ വന്നപ്പോള്‍ പത്തിരുപത് കോഴിമുട്ടയും കുറെ പച്ചക്കറികളും തന്നിരുന്നു. അവര്‍ക്കവിടെ കോഴികളും കൃഷിയും ഒക്കെയുണ്ട്. അതില്‍ അധികം കിട്ടുന്നത് ഇടയ്ക്ക് ഞങ്ങള്‍ക്ക് കൊണ്ടുത്തരും. ഇവിടെ നിന്നും അങ്ങോട്ടും അതേപോലെ ഓരോന്ന് കൊടുക്കാറുണ്ട്. പക്ഷെ ഇന്ന് എനിക്ക് അങ്ങോട്ട്‌ പോകാന്‍ ഒരു താല്‍പര്യവും ഉണ്ടായിരുന്നില്ല. മനസ്സ് നിറയെ ഉഷേച്ചിയാണ്. സുരേഷേട്ടന്‍ ജോലിക്ക് പോയിക്കഴിഞ്ഞു. പുള്ളിക്കാരന്റെ അച്ഛനും അമ്മയും മകളുടെ വീട്ടില്‍ വിരുന്നു പോയിരിക്കുകയുമാണ്. അവര്‍ മടങ്ങി വന്നാല്‍ പിന്നെ ഒരു ചുക്കും നടക്കില്ല. അതുകൊണ്ട് ഇന്നത്തെ ദിവസം വളരെ നിര്‍ണ്ണായകമായിരുന്നു എനിക്ക്. പക്ഷെ ഇനി കുഞ്ഞമ്മയുടെ വീട്ടില്‍ പോയി വന്നാലല്ലാതെ അങ്ങോട്ട്‌ പോകാന്‍ പറ്റില്ല.

“നാളെ കൊടുത്താല്‍ പോരെ അമ്മെ?” ഞാനൊന്നു ശ്രമിച്ചു നോക്കി.

രൂക്ഷമായ ഒരു നോട്ടമായിരുന്നു മറുപടി. പിന്നെ ഞാനൊന്നും പറഞ്ഞില്ല. വിധിയെ ശപിച്ചുകൊണ്ട് സഞ്ചിയുമായി എന്റെ മുറിയിലേക്ക് ചെന്ന് ഉടുപ്പ് ധരിച്ചിട്ട് ഞാന്‍ പുറത്തിറങ്ങി.

സൈക്കിളില്‍ ചേച്ചിയുടെ വീടിന്റെ മുമ്പിലൂടെ പോകുമ്പോള്‍ പുള്ളിക്കാരി അവിടെങ്ങാനും ഉണ്ടോന്ന് ഞാന്‍