Chapter Title : എന്റെ കഥ ചേച്ചിയുടെയും [നാന്നൂറാൻ]

സ്റ്റാർട്ട് ആക്കി. ആളുകൾ ബസ്സിൽ കയറി സീറ്റ് പിടിക്കാൻ തുടങ്ങി. ഞാൻ സെന്ററിൽ ഉള്ള ഒരു സീറ്റിൽ കയറിയിരുന്നു. കുറച്ച് സമയം മാത്രമേ ഇരിക്കാൻ പറ്റുള്ളൂ എന്ന് അറിയാമായിരുന്നു. പാസ് ഉള്ളതുകൊണ്ടുതന്നെ ഫുൾ ടിക്കറ്റ് കൊടുക്കുന്നവർക്ക് എഴുന്നേറ്റ് കൊടുക്കേണ്ടി വരും.

രണ്ടുമൂന്നു സ്റ്റോപ്പ് കഴിഞ്ഞപ്പോഴേക്കും ബസ്സിലെ സീറ്റുകൾ ഫുള്ളായി. പ്രായമായ ഒരാൾക്ക് ഞാൻ സീറ്റ് കൊടുത്തു. അടുത്ത സ്റ്റോപ്പിൽ നിന്നും കുറച്ചു പേർ കേറി. ഒന്ന് രണ്ട് പണിക്കാരും, 2 സ്കൂൾ കുട്ടികളും അവരുടെ പിന്നാലെ ഒരു ചേച്ചിയും. അതാണ് നമ്മുടെ കഥയിലെ നായിക. ഞാൻ ആ ചേച്ചിയെ ശ്രദ്ധിച്ചു, സിനിമാനടി കനിഹയെ പോലെ നല്ല ഉരുണ്ട മുഖം, മനോഹരമായി കണ്ണെഴുതിയിട്ടുണ്ട്, നെറ്റിയിൽ ചന്ദനവും അതിനു മുകളിലായി സിന്ദൂരവും കാണാം, ഒരു ആകാശ നീല ഷിഫോൺ സാരിയാണ് വേഷം, അതേ കളറിൽ തന്നെയാണ് ബ്ലൗസും, നിതംബത്തിന് തൊട്ടു മുകളിൽ വരെയുള്ള വിടർത്തിയിട്ട മുടി, അതിൽ ഒരു തുളസി കതിർകാണാമായിരുന്നു.

ബസ് പിന്നെയും മുന്നോട്ടു പോയിക്കൊണ്ടിരുന്നു. പല സ്റ്റോപ്പുകളിൽ നിന്നും കുറെ പേർ കയറി.

നല്ല തരുണീമണികളും ചുള്ളൻ ചെക്കന്മാരും, എന്റെ അതേ യൂണിഫോമുള്ള ചിലരെയും കണ്ടു.

"പുതിയ ആൾക്കാർ ഒക്കെ ഉണ്ടല്ലോ "

ഒരു കണ്ണടയിട്ട എന്നെക്കാൾ ഒരു മൂന്നു വയസ്സ് എങ്കിലും പ്രായം തോന്നിക്കുന്ന ഒരു ചേട്ടൻ അവന്റെ മുന്നിൽ നിന്നിരുന്ന ഒരു പെണ്ണിനോട് പറയുന്നത് കേട്ടു.

" പുതിയ വർഷമല്ലേ അപ്പോൾ ആൾക്കാർ ഉണ്ടാവില്ലേ മണ്ടാ "

അവൾ മറുപടി പറയുന്നത് കേട്ട് എനിക്ക് ചിരി വന്നു.

പോകെ പോകെ എനിക്ക് കാര്യങ്ങൾ വ്യക്തമായി, ഉദയപുരം എന്ന സ്ഥലത്താണ് എന്റെ സ്കൂൾ, അതിന് രണ്ട് കിലോമീറ്റർ അപ്പുറത്താണ് ഗവൺമെന്റ് കോളേജ്, കൂടാതെ ട്യൂഷൻ സെന്ററുകളും, പ്രൈവറ്റ് സ്കൂളും ഒക്കെ ഉണ്ട്. ഇവരൊക്കെ അവിടെ പഠിക്കുന്നവരും ജോലി ചെയ്യുന്നവരും ഒക്കെയാണ്. കുറേ ലോങ്ങ് യാത്ര ഉള്ളതുകൊണ്ട് തന്നെ എല്ലാവരും ഒരു ഫാമിലി പോലെ നല്ല പരിചയവും കളിയും ചിരിയുംആയാണ് പോകുന്നത്. എല്ലാവരും അങ്ങോട്ടുമിങ്ങോട്ടും നല്ല കമ്പനിയാണ്.

അതിൽ പ്രണയിക്കുന്ന വരും നല്ല കൂട്ടുകാരും ഒക്കെയുണ്ട്.

സ്റ്റോപ്പിൽ ഇറങ്ങി നടക്കുമ്പോൾ തന്നെ കണ്ടു. ഒരു വലിയ വെൽക്കം ബോർഡ്. സീനിയേഴ്സ് വച്ചതാണ്. ഞാനിപ്പോൾ ചെന്നുകയറുന്നത് 2009- 10 ബാച്ചിലേക്കാണ്.

ആദ്യത്തെ ദിവസം നല്ല ബോറിംഗ് ആയിരുന്നു. അതിനൊരു കാരണമുണ്ട്. ഞാനൊരു സെമി ഇന്റർവെർട്ടാണ് ഇൻട്രോവേർട്ട് ആണോ എന്ന് ചോദിച്ചാൽ അല്ല ആരോടും