Chapter Title : എൻ്റെ മോഹങ്ങൾ പൂവണിഞ്ഞു 2 [Jayashree Nair]

വിപരീതമായിരുന്നു.. മാറ്റങ്ങൾ വരുന്ന വഴി.. ഞാൻ വണ്ടി വീട്ടിലേക്ക് കയറ്റുമ്പോൾ പ്രവീണാമ്മ എൻ്റെ വീട്ടിൽ ഇരിപ്പുണ്ട്.. അമ്മയുമായി വർത്തമാനത്തിലാണ്..

"നീയെവിടെപ്പോയി.. അമ്മയോട് പോലും പറയാതെ.."

അവർ തിരക്കി.

"ഞാനൊരു ബ്ലൗസ് തയ്ക്കാൻ കൊടുക്കാൻ പോയതാ.."

"എവിടെ..? വാര്യത്തോ..?"

"അതേ.."

"പറഞ്ഞിരുന്നെങ്കിൽ ഞാനും കൂടി വന്നേനെ.. ഒരെണ്ണം എനിക്കു കൂടി തയ്ക്കണമായിരുന്നു.."

"ആണോ..ഞാൻ ദീപാരാധന കഴിഞ്ഞപാടെ അങ്ങോട്ട് പോയി.."

അവർ പോകാനെഴുന്നേറ്റു.

"ഞാൻ ഇറങ്ങുവാ.."

അവർ ഇറങ്ങാനെഴുന്നേറ്റതും അമ്മ അകത്തേക്ക് പോയി.

"ചേച്ചി എവിടെപ്പോയതായിരുന്നു.."

"ഞാൻ ഹോമിയോ ഡോക്ടറെ കാണാൻ പോയതാ.. അലർജിയുടെ മരുന്നിന്.. അവിടെ ചെന്നപ്പോൾ നല്ല തിരക്ക്.. അതാ താമസിച്ചത്.. ഭയങ്കര ആവി.. ഒന്നൂടെ കുളിക്കേണ്ടി വരും.. ഞാനെന്നാൽ ചെല്ലട്ടെ.."

"ശരി ചേച്ചീ.."

പ്രവീണാമ്മ പോയി.

വീടിൻ്റെ രണ്ടാം നിലയിലുള്ള എൻ്റെ മുറിയിൽ നിൽക്കുമ്പോൾ ഞാനൊരു കാഴ്ച കണ്ടു. നിലാവ് വീണ വരമ്പിലൂടെ ആരോ കുളം ലക്ഷ്യമാക്കി നടക്കുന്നു.

ആണുങ്ങളാരോ ആണ്.. ആരായിരിക്കും.. ഇനി ഭാസുരനെങ്ങാനുമാണോ.. ഞാൻ തെല്ല് നേരം ആലോചിച്ചു. അവിടെ വരെപ്പോയി നോക്കിയാലോ.. പക്ഷേ ഇരുട്ടത്ത് ഇത് വരെ അങ്ങനെ ഒറ്റയ്ക്ക് പോയിട്ടില്ല.

ഭസുരനാണെങ്കിലോ.. പ്രവീണാമ്മ പറഞ്ഞ കാര്യം എൻ്റെ മനസ്സിൽ മിന്നി.. എൻ്റെ മനസ്സിൽ അടക്കാനാവാത്ത ഒരു ത്വര ഉണർന്നു.. ആകെയൊരു ഉഷണവും അസ്വസ്ഥതയും..

ഞാൻ അലമാരയിൽ നിന്നും പെൻ്റോർച്ച് എടുത്ത് താഴേക്കിറങ്ങി.. അമ്മ കാണാതെ ഞാൻ വേഗം പുറത്തേക്കിറങ്ങി. പിറകിലെ ഗേറ്റിലൂടെ വേഗം പാടവരമ്പിലേക്ക് ചെന്നു.

നല്ല നിലാവുണ്ട്.. അൽപ്പം അകലെയാണ് കുളം.. ഞാൻ വേഗം നടന്നു. കുളത്തിൻ്റെ സമീപം ചെന്നതും ഞാൻ പതിയെ കാൽച്ചുവട്ടിലേക്ക് ടോർച്ച് തെളിച്ച് കുളത്തിൻ്റെ