Chapter Title : Ente Ormakal – 24

കണ്ണുനട്ട് ഒരു യന്ത്രത്തെപ്പോലെ മുറിയിലേക്ക് ഞാന്‍ പ്രവേശിച്ചു. പഴമയുടെ ഗന്ധം തളംകെട്ടി നിന്ന ആ മുറിയില്‍ വലിയൊരു കട്ടിലും ഒരു മേശയും അതോടു ചേര്‍ന്ന് ഒരു കസേരയും മാത്രമേ ഉണ്ടായിരുന്നുള്ളൂ. മച്ചില്‍ ചിലന്തികള്‍ വല കെട്ടിയിരുന്നു. മേശപ്പുറത്ത് ഒരു കൂജയും അതിനു മേല്‍ കമിഴ്ത്തി വച്ച നിലയില്‍ ഒരു ഗ്ലാസും. ശ്രീദേവി കട്ടിലിന്റെ അരികിലെത്തി തിരിഞ്ഞെന്നെ നോക്കി. ആ മുഖം ചുവന്നു തുടുത്തിരുന്നു. മങ്ങിക്കത്തുന്ന ബള്‍ബിന്റെ അരണ്ടവെളിച്ചത്തില്‍ ഒരു തങ്കവിഗ്രഹം പോലെ അവള്‍ നിന്നു.

“വരൂ...” ഏതോ ഗുഹയില്‍ നിന്നെന്നപോലെ അവളുടെ ശബ്ദം എന്റെ കാതിലെത്തി. ഞാന്‍ ചെന്നു. എന്റെ കൈയില്‍ പിടിച്ച് ശ്രീദേവി എന്നെ കട്ടിലില്‍ ഇരുത്തി. എന്നിട്ട് എന്റെ മുന്‍പിലേക്ക് അടുത്തുവന്നു നിന്നു. ആ ശരീരത്തിന്റെ മത്തുപിടിപ്പിക്കുന്ന അവര്‍ണ്ണനീയ സുഗന്ധം എന്റെ നാസാരന്ധ്രങ്ങളെ തഴുകി.

“ഓര്‍മ്മയുണ്ടോ എന്നെ...”

എന്റെ മുഖം പിടിച്ചുയര്‍ത്തി അവള്‍ ചോദിച്ചു. ആ വിരലുകളുടെ മാസ്മരിക സ്പര്‍ശനത്തില്‍ മയങ്ങിപ്പോയിരുന്ന ഞാന്‍ ഇല്ലെന്നു തലയാട്ടി.

“കഴിഞ്ഞ ജന്മത്തില്‍ നാം ഒന്നായിരുന്നു...മോക്ഷം കിട്ടാത്ത ഒരു ആത്മാവായി വീണ്ടും ജന്മമെടുത്ത എനിക്ക് ഇന്നാണ് മോക്ഷപ്രാപ്തി കിട്ടാന്‍ പോകുന്നത്...എന്റെ മണിക്കുട്ടനിലൂടെ..മണിക്കുട്ടാ...ആഹ്ഹ്ഹ്.....”

അവള്‍ എന്റെ ശിരസ്സ് പിടിച്ച് ആ തുടുത്ത വയറ്റില്‍ അമര്‍ത്തി. ഞാന്‍ ഒരു കുഞ്ഞിനെപ്പോലെ മുഖം അതിലമര്‍ത്തി ഇരുന്നു. അവളുടെ ഗന്ധം എന്നെ മറ്റേതോ ലോകത്തേക്ക് വലിച്ചു കയറ്റുന്നതുപോലെ എനിക്ക് തോന്നി. അവള്‍ പറഞ്ഞതൊന്നും എനിക്ക് പക്ഷെ മനസിലായിരുന്നില്ല. ആ വെണ്ണയില്‍ കടഞ്ഞ ശരീരത്തില്‍ മുഖം അമര്‍ത്തിയിരുന്നപ്പോള്‍ ഞാനൊരു അപ്പൂപ്പന്‍ താടിയേക്കാള്‍ ഭാരം കുറഞ്ഞവനാണ് എന്നെനിക്ക് തോന്നി. അവളുടെ തുടുത്ത കൈവിരലുകള്‍ എന്റെ മുടിയിഴകളിലൂടെ സഞ്ചരിച്ചു.