Chapter Title : എൻറെ പ്രണയമേ 6 [ചുരുൾ]

ഏതോ സിനിമയിൽ കവടി നിരത്തി താടിയിൽ കയ്യും വച്ച് ആലോചിച്ചിരിക്കുന്ന തിലകനെ പോലെ നിന്ന് ചിന്തിച്ചപ്പോൾ... പെട്ട തലയൻ വിട്ട വളിയുടെ കാര്യം എനിക്ക് ഓർമ്മ വന്നതും... കെഎസ്ആർടിസിയുടെ പബ്ലിക്ക് ടോയ്‌ലറ്റിൽ കയറിയത് പോലെ മുഖം ചുളിച്ചുകൊണ്ട് ഞാൻ തിരിഞ്ഞു..

കണ്ണുമിഴിച്ച് എന്നെ നോക്കുന്ന കുഞ്ഞിയുടെ തലയിൽ ഞാനൊന്നു തഴുകി.
അവളുടെ മാല പറിക്കാൻ വന്ന പിടിച്ചു പറിക്കാരനെ പോലെ എന്നെ അവൾ നോക്കുന്നത് കണ്ടതും എനിക്ക് ചിരിയാണ് വന്നത്.

എന്താടാ കണ്ണേട്ടന്റെ കുഞ്ഞി ഇങ്ങനെ നോക്കുന്നത്...... ഞാൻ അല്പം കുസൃതി കലർത്തി ചോദിച്ചു.

അച്ഛനെ തോൽപ്പിക്കുന്ന ഭാഷാശുദ്ധി.. എന്തൊരു തല്ലായിരുന്നു.. അതി ക്രൂരം...... അവൾ നിഷ്കളങ്കമായി എന്നെ നോക്കി ആകുലത നിറഞ്ഞ സ്വരത്തിൽ പറഞ്ഞു.

എൻറെ കുഞ്ഞിനെ തൊട്ടാൽ.. കാശിനാഥൻ. രാവണൻ ആവും കുഞ്ഞി.. എല്ലാത്തിനെയും ഞാൻ കത്തിച്ചും കളയും........ ഞാൻ കുഞ്ഞിനെ നോക്കി ഉറപ്പുള്ള സ്വരത്തിൽ പറഞ്ഞു.

അവൾ കുറച്ചുനേരം കണ്ണു വിടർത്തി എന്നെ ഒരു പ്രത്യേക ഭാവത്തിൽ നോക്കി... ശേഷം അവളെന്റെ മേത്തേക്ക് ഒറ്റ ചാട്ടത്തിന് കയറി എൻറെ കഴുത്തിൽ ഇരു കൈകളും കൊണ്ട് ചുറ്റിപ്പിടിച്ച് എൻറെ മുഖം നിറയെ ഉമ്മകൾ കൊണ്ട് മൂടി.

അത്രയ്ക്ക് ഇഷ്ടമാണോ എന്നെ....... അവൾ അത്രയും സന്തോഷത്തോടെ ചിരിച്ച മുഖവുമായി ചോദിച്ചു.

അതിനു ഞാൻ പുഞ്ചിരിച്ചുകൊണ്ട് കുഞ്ഞിയുടെ തിരുനെറ്റിയിൽ അമർത്തി ചുംബിച്ചു... അവളുടെ മുഖം പൂനിലാവ് പോലെ ഉദിക്കുന്നത് ഞാൻ സന്തോഷത്തോടെ നോക്കി കണ്ടു.

🌹🌹🌹🌹

കയ്യിലിരുന്ന പഴയ ബെഡ് ബാൽക്കണി വഴി ഞാൻ കൃത്യമായി താഴെകിട്ടു.. ശേഷം ബാൽക്കണിയുടെ ഹാൻഡ് റെയിലിൽ കെട്ടിയ കമ്പിളി പുതപ്പ് ശരിക്കും മുറുകിയിട്ടില്ലേ എന്നുകൂടി ഞാൻ ഉറപ്പുവരുത്തി... തല്ലുണ്ടാക്കിയത് അറിഞ്ഞു തന്തപ്പടി കൊല്ലാൻ വന്നാൽ രക്ഷപ്പെടണമല്ലോ.. അല്ലെങ്കിൽ തന്തയെ കൊന്നവൻ എന്ന പഴി കേൾക്കേണ്ടിവരും മരണം വരെ.

ഭാരിച്ച ചിന്തകളുമായി ഞാൻ താഴെ ഹാളിൽ എത്തി.. അടുക്കളയിൽ നിന്നും തട്ടുമുട്ടുംകേട്ട് അങ്ങോട്ടേക്ക് തെറിച്ചു.

ചെറിയമ്മ ഒരു സ്റ്റൂളിൽ ഇരുന്ന് മടിയിൽ ഒരു മുറവും വെച്ച് പച്ചക്കറി അരിയുന്നു.. അമ്മയും ചേച്ചിയും തിരിഞ്ഞുനിന്ന് അടുപ്പിൽ എന്തോ ഇളക്കുകയാണ്.. സ്വാഭാവികമായിട്ടും രണ്ടുപേരുടെയും ചന്തിയിലേക്ക് എൻറെ