Chapter Title : എന്റെ ശരികൾ [മിച്ചു]

അകത്തളവുമൊക്കെ ഉള്ള ഒരു പഴയ തറവാട് ആണ്..മുകളിലെ റൂമിൽ കയറി ജന്നൽ തുറന്നാൽ വിശാലമായപാടം കാണാം. ഒരു പ്രത്യേക ഫീൽ ആണ് അതിങ്ങനെ നോക്കി നിൽക്കാൻ.ഏട്ടന്റെ പഠനമൊക്കെ ചെന്നൈയിൽ ആയിരുന്നു. അച്ഛന് ആദ്യം അവിടെയായിരുന്നു ജോലി. ഞാൻ നാലാം ക്ലാസ്സ്‌ വരെ അവിടെയാണ് പഠിച്ചത്. ഞങ്ങൾ ഫാമിലി ആയി അവിടെ ആയിരുന്നു. പക്ഷെ ഏട്ടനെ തുടർന്നും അവിടെതന്നെ ഹോസ്റ്റലിൽ നിർത്തി പഠിപ്പിച്ചു.ഓണം ക്രിസ്മസ് എന്നിങ്ങനെ അവധികളിൽ മാത്രം ഏട്ടൻ വീട്ടിൽ വരും.

ഞാൻ 12 ക്ലാസ്സിൽ ആയപ്പോൾ ഏട്ടൻ ജോലിക്കാരൻ ആയി. വീട്ടിലെ ഇളയ കുട്ടിയായതു കൊണ്ട് നല്ലപോലെ ലാളന കിട്ടിയാണ് വളർന്നത്. അതിന്റെ ഒരു നെഗളിപ്പും എനിക്കുണ്ടായിരുന്നു കേട്ടോ. പറഞ്ഞു കാട് കയറി എന്നറിയാം..... എന്നാലും സഹിച്ചേ പറ്റൂ..... എന്റെ സ്കൂൾ വിദ്യാഭ്യാസം അഞ്ചാം ക്ലാസ്സ്‌ മുതൽ നാട്ടിൽ ആയിരുന്നു. ഞങ്ങളുടെ ഗ്രാമത്തിലെ സ്വന്തം സ്കൂളിൽ. പിന്നെ ഞങ്ങൾക്ക് അവിടെ അടുത്ത് ബന്ധുക്കൾ എന്ന് പറയുന്നത് സ്മിത മാമിയും, ബാബു മാമനും, മാമൻ എന്ന് വിളിക്കുന്നത്‌ അമ്മയുടെ നേർ ഇളയ ആങ്ങള ആയതു കൊണ്ടൊന്നുമല്ല, ഒരു മുള്ളിതെറിച്ച ബന്ധം. പറഞ്ഞു വരുമ്പോൾ ബന്ധം കൊണ്ട് മാമനും മാമിയും.

ബാബു മാമന് പട്ടാളത്തിൽ ആണ് ജോലി അങ്ങ് കാശ്മീരിൽ, സ്മിത മാമിയെ മാമൻ ഇവിടേയ്ക്ക് കല്യാണം കഴിച്ചു കൊണ്ട് വന്നതായിരുന്നു.അവർക്ക് കുട്ടികൾ ഒന്നും ഇല്ല. അതുകൊണ്ട് എന്നെ മാമിക്കും മാമനും വലിയ ഇഷ്ട്ടം ആയിരുന്നു.12 ക്ലാസ്സിൽ ആയപ്പോൾ എന്നെ ട്യൂഷന് വിടാൻ ഉള്ള തീരുമാനം ആയി. അന്നൊക്കെ ഓലകൊണ്ട് മറച്ച ടൂട്ടോറിയൽ ഉള്ളകാലം. പക്ഷെ അച്ഛന് എന്നെ