Chapter Title : എന്റെ സുൽത്താന 4 [Marin]

ഒന്ന് തട്ടി. ഞാൻ തിരിഞ്ഞു നോക്കുമ്പോ രേഷ്മ ചേച്ചി ദേ അരികിൽ.ഓഫീസിൽ നിന്ന് വരുന്ന വഴി ആണ്.

" എവിടെ പോയതാ..ചേച്ചി ചോദിച്ചു.

"പള്ളീല്.. ഞാൻ നാണത്തോടെ പറഞ്ഞു.

അന്നത്തെ ആ സംഭവത്തിന്‌ ശേഷം എനിക്ക് ചേച്ചിയെ കാണുമ്പോ ഒക്കെ ഒരു നാണം വന്നിരുന്നു.

എന്റെ മറുപടി കേട്ടാണ് അമ്മച്ചി തിരിഞ്

നോക്കിയത്.അമ്മച്ചി ചേച്ചിയെ നോക്കി. ചേച്ചി ഒന്ന് ചിരിച്ചു.

അമ്മച്ചി ഈ ചേച്ചിയാണ് എനിക്ക് അന്ന് കുട തന്നുവിട്ടത്.. ഞാൻ പറഞ്ഞു.

അമ്മച്ചി ചേച്ചിയെ നോക്കി നന്ദിയോടെ ഒന്ന് ചിരിച്ചു. പിന്നെ ചോദിച്ചു.

ഹഹാ മോളായിരുന്നോ അന്ന് ഇവൾക്ക് കൊടുത്തത്.

ഹും അതേ ചേച്ചി.. ഞങ്ങൾ ഒരുമിച്ചു ആണ് ബസിൽ പോവാറ്.. രേഷ്മ ചേച്ചി പറഞ്ഞു.

ഓഹ്ഹ്.. ആണോ.ഒരുപാട് നന്ദി ഉണ്ട് കേട്ടോ.. ബാങ്ങിലാ ജോലി..?

അമ്മച്ചി ചോദിച്ചു.

അതേ.. രേഷ്മ ചേച്ചി പറഞ്ഞു.

പിന്നെ അമ്മച്ചിയുടെ നൂറു വിശേഷങ്ങൾ.

കല്യാണം കഴിഞ്ഞോ. സ്ഥലം എവിടെ ആണ്. വീട്ടിൽ ആരൊക്കെ. etc.. etc..

രേഷ്മ ചേച്ചി എല്ലാത്തിനും മറുപടി കൊടുത്തു. അമ്മ അച്ഛൻ മുംബൈല് ആണ്. നാട് എറണാകുളം.ഒരു സിസ്റ്റർ ഉണ്ട് എന്നിങ്ങനെ. ഓട്ടോവിലും അവർ വാ തോരാതെ വർത്താനം ആയിരുന്നു. രേഷ്മ ചേച്ചി ഇങ്ങനെ അധികം ആരോ

ടെങ്കിലും ഇങ്ങനെ സംസാരിക്കുന്നത് ഞാൻ കണ്ടിട്ട് ഇല്ലായിരുന്നു.ചേച്ചിയുടെ വീട് എത്തിയപ്പോഴേക്കും അവർ വലിയ പരിചയം ആയി കഴിഞ്ഞിരുന്നു.

ചേച്ചി ഇറങ്ങാൻ നേരം അമ്മച്ചി ചോദിച്ചു

"ഈ ഞായറാഴ്ച മോൾ വീട്ടിൽ കാണുമോ...

"കാണും.. എന്താ ചേച്ചി.. രേഷ്മേച്ചി ചോദിച്ചു.

"ചൊവ്വ മുതൽ ഇവൾക്ക് ക്ലാസ് പരീക്ഷ ആണ്.എനിക്ക് ഒരു കല്യാണത്തിന് പോവുകയും വേണം.വൈകിയിട്ടേ വരൂ

ഞാൻ. ഇവൾ അവിടെ അയച്ചാൽ മോൾക്ക് ബുദ്ധിമുട്ട് ആവോ....

അമ്മച്ചി ചോദിച്ചു.

അമ്മച്ചിയുടെ ആവശ്യം കേട്ട് ചേച്ചിയുടെ മുഖത്ത് ആയിരം വാട്സ്ന്റെ ബൾബ്

കത്തിച്ച പ്രകാശം പരന്നു.

ഓഹ്ഹ്.. അതിനെന്താ ചേച്ചി അവൾ അവിടെ വന്നു പഠിക്കട്ടെ.ഞാൻ ഒറ്റയ്ക്ക് അല്ലെ. എനിക്ക് ഒരു കൂട്ടും ആയി..

രേഷ്മേച്ചി പെട്ടന്ന് പറഞ്ഞു.

അപ്രതീക്ഷിതമായി കിട്ടിയ അവസരം. ചേച്ചി എന്നെ ഒന്ന് ഒളിക്കണ്ണിട്ടു നോക്കി.