Chapter Title : എന്റെ തുളസി [മനുകുട്ടൻ]

അത് പുറത്തു കാണാതിരിക്കാൻ എന്ത് പാടുപെട്ടു എന്നറിയാമോ. ഇങ്ങനെ നാണിച്ചാൽ ജീവിക്കാൻ പറ്റില്ല കേട്ടോ…" "അത് പിന്നെ ഞാൻ ആദ്യമായിട്ട് ഒരു ആണിന്റെ കൂടെ ഇതൊക്കെ മേടിക്കാൻ വരുന്നത്…" "ഹാ സാരമില്ല.. എന്നാലും വല്ലാത്ത ചെയ്ത്തായിപ്പോയി.. കഴിച്ചതെല്ലാം ദഹിച്ചു ഇനി ഭക്ഷണം കഴിച്ചിട്ടു മതി ബാക്കി കറക്കം. " ഞങ്ങൾ ഒരു ഹോട്ടലിൽ കയറി ഭക്ഷണം കഴിച്ചു. " ഇനി നമുക്കൊരു തലയണ വാങ്ങണം നമുക്ക് അവസാനം വാങ്ങാം.." "തലയണ എന്തിനാ കുഞ്ഞേ..വീട്ടിൽ രണ്ടെണ്ണം ഉണ്ടല്ലോ.." "ഞാൻ കെട്ടിപിടിച്ചു കിടന്നുറങ്ങി കൊണ്ടിരുന്ന തലയണയാ ചേച്ചിക്ക് തന്നത്..എന്തെങ്കിലും കെട്ടിപ്പിടിക്കാതെ കിടന്നിട്ട് ഉറക്കം ശരിയാകുന്നില്ല.." ഞങ്ങൾ പോയി തലയണ വാങ്ങി. അത് കഴിഞ്ഞ് ഒരു സിംഗിൾ ഡോർ ഫ്രിഡ്ജ് വാങ്ങി അത് ഡെലിവറി ചെയ്യാനുള്ള കാര്യങ്ങൾ എല്ലാം ചെയ്തു. പിന്നെ കുറേ പച്ചക്കറികളും അത്താഴത്തിനുള്ള ഭക്ഷണവും വാങ്ങി ഞങ്ങൾ റൂമിലേക്ക് പോന്നു. ഞങ്ങൾ വീട്ടിലെത്തി കുറച്ചുനേരം കഴിഞ്ഞ് ഷോപ്പുകാർ ഫ്രിഡ്ജ് കൊണ്ടുവന്ന് സെറ്റ് ചെയ്തു. എന്റെ സാലറി യുടെ മുക്കാൽ ഭാഗവും തീർന്നു. ഇനി വാടകയും ബാക്കി ചെലവുകളും ഈ മാസം പൈസ സേവിങ് ഉണ്ടാവില്ല. തിങ്കളും ചൊവ്വയും പതിവുപോലെ കടന്നുപോയി ബുധനാഴ്ച വൈകിട്ട് ഞാൻ ഓഫീസിൽ നിന്ന് വന്നപ്പോഴാണ് ഞാൻ ഏറെ നാളായി കാത്തിരുന്ന സംഭവം നടന്നത്. ഉച്ചയ്ക്ക് ചേച്ചി കിടന്നപ്പോൾ കട്ടിലിലെ വള്ളി പൊട്ടി ചേച്ചി താഴെവീണു. ഭാഗ്യത്തിന് പരിക്കൊന്നും പറ്റിയില്ല. " ഡോക്ടറുടെ അടുത്ത് പോണോ ചേച്ചി..?" " വേണ്ട കുഞ്ഞേ എനിക്ക് കുഴപ്പമൊന്നുമില്ല താഴെ വീഴുന്നതിനു മുമ്പ് ഞാൻ എണീറ്റായിരുന്നു.." "പുതിയ കട്ടിൽ നമുക്ക് അടുത്ത മാസം വാങ്ങാം. ഈ മാസം ഇനി ചിലവിനുള്ള പൈസയെ ഉള്ളു.." " അയ്യോ വേണ്ട മോനെ ഞാൻ തറയിൽ കിടന്നോളാം.." " തറയിൽ ഒന്നും കിടക്കേണ്ട എന്റെ കൂടെ കട്ടിലിൽ കിടന്നാൽ മതി.