Chapter Title : ഏറ്റവും വലിയ ശരി [Shanu]

പെട്ടന്ന് ഉമ്മ എന്റെ മുഖത്തേക്ക് നോക്കി, ഞാൻ വേഗം കണ്ണെടുത്തു. കഴിച്ചു കഴിഞ്ഞപ്പോളാണ് നഫീസ പഴുത്ത പപ്പായ മുറിച് വെച്ച കാര്യം ഓർത്തത്. എഴുന്നേൽക്കാൻ പോയപ്പോൾ റമീസ് കാര്യം തിരക്കി, പിടിച്ചു ഇരുത്തി അവൻ അടുക്കളയിലേക്ക് പോയി പ്ലേറ്റിൽ പപ്പായ എടുത്തു കൊണ്ട് വന്നു ഞങ്ങൾക്ക് തന്നു.

'നഫീസ എടുക്കുന്നില്ലേ ' ഉമ്മ ചോദിച്ചു. അതിന് റമീസ് ആണ് ഉത്തരം പറഞ്ഞത് 'ഉമ്മാക്ക് കഴിച്ചൂട, we are expecting. 3 മാസം ആയി, age ആയത് കൊണ്ട് കൊറച്ചു കൂടുതൽ കെയർ എടുക്കാൻ പറഞ്ഞിട്ടുണ്ട് ഡോക്ടർ ' 'ഇവനാണിപ്പോ എന്റെ നേഴ്സ് ' നഫീസ കമന്റ്‌ പാസ്സാക്കി.. എല്ലാവരും ചിരിച്ചു. ഭക്ഷണം കഴിച്ചു ഞങ്ങൾ ഇറങ്ങി, നഫീസ എന്തോ ഓർത്തത് പോലെ ഉമ്മയെ അകത്തേക്ക് വിളിച്ചു കൊണ്ട് പോയി. 'നീ തീരുമാനിച്ചോ ' റമീസ് ചോദിച്ചു 'മ്മ്, ടിക്കറ്റ് റെഡി ആയിട്ടുണ്ട്, നെക്സ്റ്റ് വീക്ക്‌, ഇവിടെ നിക്കുന്നത് ഉമ്മക്കും എനിക്കും ബുദ്ധിമുട്ട് ആണ്.. അത് വേണ്ട ' ഉമ്മമാർ രണ്ട് പേരും അപ്പോളേക്കും വന്നു, ഞങ്ങൾ യാത്ര പറഞ്ഞ് ഇറങ്ങി. വീട്ടിൽ എത്തുംവരെ ഉമ്മ ആലോചനയിൽ ആയിരുന്നു. ഞാൻ ട്രാവൽ ഏജൻസിയുടെ അവിടെ നിർത്തി ടിക്കറ്റ് എടുക്കാൻ പോയതൊന്നും ഉമ്മ ശ്രധിച്ചില്ല. തിരിച്ചു റൂമിൽ എത്തിയ ഞാൻ വേഗം ബാത്റൂമിലേക്ക് പോയി, തിരിച്ചു ഇറങ്ങി ലാപ്ടോപ്പും എടുത്ത് സോഫയിൽ വന്നിരുന്നു പണി തുടർന്നു. കുറച്ച് കഴിഞ്ഞ് ഉമ്മ വന്ന് സോഫയിൽ ഇരുന്നു. 'വർക്കിൽ ആണോ? ' 'ചെറുതായിട്ട് ' 'നാളെ ഓഫീസ് ഉണ്ടോ? ' 'ഉണ്ട്, പോണം ' 'സമയം കൊറേ ആയി കിടക്കാൻ നോക്ക് ' 'ശരി ഉമ്മ ' ഉമ്മ ചോദിച്ചതിനെല്ലാം മുഖത്തു നോക്കാതെയാണ് ഞാൻ മറുപടി പറഞ്ഞത്. നോക്കാനുള്ള ബുദ്ധിമുട്ട് മാറുന്നില്ലായിരുന്നു. കുറച്ച് നേരം കൂടി അവിടെ ഇരുന്നിട്ട് ഉമ്മ എഴുന്നേറ്റ് പോയി കിടന്നു. രാവിലെ ഉമ്മ വിളിച്ചപ്പോൾ ആണ് ഉണർന്നത്, സോഫയിൽ തന്നെ കിടന്നുറങ്ങി. കുറച്ച് ദിവസം ആയിട്ട് അതാണല്ലോ പതിവ്. ഒരു പുഞ്ചിരിയോടെ നിൽക്കുന്ന ഉമ്മയെ ആണ് കണി കണ്ടത്. പോകാൻ