എസ്റ്റേറ്റിലെ രക്ഷസ് 6 [വസന്തസേന]

എസ്റ്റേറ്റിലെ രക്ഷസ് 6 Estatile Rakshassu Part 6 | Author : Vasanthasena [ Previous Part ] [ www.kkstories.com ]

ഈ കഥക്ക് വായനക്കാർ തീരെ കുറവാണ്. പ്രതികരണങ്ങളും അങ്ങനെ തന്നെ. ഈ ഭാഗത്തിനും അതേ അവസ്ഥ തന്നെ ആണെങ്കിൽ കഥ നിർത്താം. വെറുതെ സമയം മെനക്കെടുത്തിയിട്ട് കാര്യമില്ലല്ലോ.

ആൽപ്സ് താഴ്വരയിൽ കൊടുങ്കാറ്റ് വീശിയടിച്ചു. പൈൻമരങ്ങൾ വന്യമായി ആടിയുലഞ്ഞു. ചെന്നായ്ക്കളുടെ ഓലിയിടീൽ താഴ്വരയാകെ മുഴങ്ങി.

മിന്നൽപ്പിണരുകൾ ഭൂമിയിൽ സ്പർശിക്കുന്നു. പെട്ടെന്ന് ദിഗന്തം നടുങ്ങുമാറ് ഒരു വെള്ളിടി വെട്ടി. കമ്പിളിപ്പുതപ്പിനടിയിൽ സുഖനിദ്രയിലാണ്ടിരുന്നവർ ഞെട്ടിയുണർന്നു. പുറത്തെ അസാധാരണമായ പ്രകൃതിതാണ്ഡവം കണ്ട് അവർ പരിഭ്രാന്തരായി. എന്തോ വലിയ ആപത്ത് താഴ്വരയെ ഗ്രസിക്കാൻ പോകുന്നു.

ഈ സമയം പർവത്തിന്റെ ഒരു ഭാഗത്തുള്ള പാറക്കെട്ടിന് മുകളിൽ കാർമേഘങ്ങൾ ഉരുണ്ടു കൂടി. ഇടിമിന്നലോടു കൂടി ശക്തമായ മഴ പെയ്യാൻ തുടങ്ങി. അവിടെയാണ് നെക്കാർഡോ ജൂലിയസ് പ്രഭുവിന്റെ ഭൌതികശരീരം സൂക്ഷിച്ചിരിക്കുന്നത്. ഗുഹാവാതിൽ മൂടിയിരിക്കുന്ന കരിങ്കൽപ്പാളി മിന്നലേറ്റ് ചിതറിത്തെറിച്ചു. ഗുഹക്കുള്ളിൽ നിന്നും ഒരു നീലവെളിച്ചം പുറത്തേക്കൊഴുകി. അവിടെ അജാനബാഹുവായ നെക്കാർഡോ ജൂലിയസ് പ്രഭു നിൽക്കുന്നു. വലത് കയ്യിൽ ഉടവാൾ, ഇടത് കയ്യ് ഇടുപ്പിൽ ചേർത്തു പിടിച്ചിരിക്കുന്നു.

കണ്ണടച്ചു തുറക്കുന്ന വേഗതയിൽ പ്രഭു താഴ്വാരത്തെത്തി. പിറ്റേ ദിവസം പ്രഭാതമുണർന്നത് ഞെട്ടിപ്പിക്