Chapter Title : ഏട്ടന്റെ ഭാര്യ സ്മിത [Master]

വല്യ തിടുക്കം. എവിടേലും പോകാനുണ്ടോ?” ചേച്ചി പരിഭവിച്ചു.

അന്ന് വീട്ടില്‍ വച്ച് കണ്ട കുലീനത്വവും പക്വതയുമുള്ള സ്ത്രീയില്‍ നിന്നും പരിഭവവും കുശുമ്പും ഒക്കെയുള്ള ഒരു സാധാരണ പെണ്ണായി ചേച്ചി മാറുന്നുണ്ടോ എന്നെനിക്ക് തോന്നാതിരുന്നില്ല. പലരും പുറമേ ഒരു മുഖവും ഉള്ളില്‍ മറ്റൊരു മുഖവുമായാണല്ലോ ഇക്കാലത്ത് ജീവിക്കുന്നത്. അത്തരമൊരു സമൂഹത്തെ പരുവപ്പെടുത്തി എടുക്കാനാണ് ആധുനിക ശാസ്ത്രനൈപുണ്യം ഉണ്ടെന്ന് അവകാശപ്പെടുന്ന ഗുരുക്കന്മാര്‍ ശ്രമിക്കുന്നത്. ആത്മാര്‍ഥത പ്രവൃത്തിക്കാന്‍ ഉള്ളതല്ല, കാണിക്കാന്‍ മാത്രം ഉള്ളതാണ് എന്നവര്‍ ജനത്തെ പഠിപ്പിക്കുന്നു. ചേച്ചിയും അവരില്‍ ഒരാളാണോ എന്ന് ശങ്കിക്കാതിരുന്നില്ല ഞാന്‍.

“ഏയ്‌, ഇന്ന് ചേച്ചിക്ക് എത്ര സമയം വേണോ അത്രയും തന്നിട്ടേ ഉള്ളു ബാക്കിക്കാര്യം” ഞാന്‍ ചിരിച്ചു.

“രാവിലെ തന്നെ എഴുന്നേറ്റ് ലഞ്ച് വരെ റെഡി ആക്കി വച്ചിട്ടാ ഞാന്‍ കുളിക്കാന്‍ കേറിയത്. എന്ത് പറഞ്ഞാലും വൈകിട്ടെ നിന്നെ ഞാന്‍ വിടൂ” ചേച്ചി പറഞ്ഞു.

“ചേച്ചിയുടെ ഇഷ്ടം. ഇനി പോകേണ്ട എന്ന് പറഞ്ഞാല്‍ അതിനും ഞാന്‍ റെഡി”

“ഓ, അത്രയ്ക്കങ്ങ് വേണ്ട. സന്ധ്യ ആയാല്‍ ഗീതെ കാണാന്‍ ഇവിടുന്നും ഓടുമെന്ന് എനിക്ക് നന്നായറിയാം” അത് പറയുമ്പോള്‍ ആ തുടുത്ത മുഖത്ത് അസൂയയുടെ മിന്നലാട്ടം ഉണ്ടായിരുന്നു,

“ചേച്ചി പറഞ്ഞു നോക്ക്. ഇന്നത്തെ ദിവസം ഞാന്‍ പറഞ്ഞല്ലോ, അത് മുഴുവന്‍ ചേച്ചിക്ക് വേണ്ടി മാറ്റി വച്ചിരിക്കുകയാ. ഇന്നത്തെ ദിവസമെന്ന് പറഞ്ഞാല്‍ ഈ പകലും അതിനുശേഷമുള്ള രാത്രിയും”

“സത്യം?” അവിശ്വസനീയതയോടെ ചേച്ചി ചോദിച്ചു.

“സത്യം”

“ഉഫ്ഫ്. ആശ്വാസമായി. എങ്കില്‍ നീ ഇരിക്ക്. ഞാന്‍ ഒരു സ്പെഷല്‍ ഡ്രിങ്ക് എടുക്കാം” വീണ്ടും ആ പഴയ വിടര്‍ന്ന ചിരിയോടെ ചേച്ചി പറഞ്ഞു.

“യ്യോ