Chapter Title : ?Evil on earth✨ 4 [Jomon]

മാറിയിട്ടൊന്നുമില്ല..“

ബെഡിൽ നിന്നെണീറ്റു അഴിഞ്ഞു പോയ മുടി വാരി ചുറ്റികൊണ്ടവൾ പറഞ്ഞു

”ഇത് എനിക്കൊള്ള ചായയാണോ..?

മേശയിലിരിക്കുന്ന ചായ ഗ്ലാസ്സ് നോക്കിക്കൊണ്ടവൾ ചോദിച്ചു

“അയ്യെടി തമ്പുരാട്ടിക്ക് രാവിലെ തന്നെ ചായ കൊണ്ടുവന്ന് അണ്ണാക്കിലൊഴിച്ചു തരാൻ ഇവിടെ പണിക്കാരെ നിർത്തിയിട്ടുണ്ടോ..?

അവളെയൊന്ന് പുച്ഛത്തോടെ നോക്കിയവൻ കൊണ്ടുവന്ന ചായയെടുത്തു കുടിക്കാൻ തുടങ്ങി…

”ഓ..!

മുഖം തിരിച്ചുകൊണ്ടുവൾ പറഞ്ഞു…

അവളെ മൈൻഡ് ചെയ്യാതെയവൻ ആ മുറിയിലാകെ ഒന്ന് കണ്ണോടിച്ചു…ആ വലിയ വീട്ടിൽ അല്പം പഴക്കം ചെന്നതെന്ന് പറയാവുന്ന ഏക മുറിയായിരുന്നത്…അവന്റെ അമ്മയുടെയും അച്ഛന്റെയും മുറി

അവരുടെ മരണശേഷമാ മുറിയിൽ അധികമാരും കയറാറില്ലായിരുന്നു…ഇടക് വൃത്തിയാക്കാൻ ജെസിയൊഴികെ

താൻ കിടക്കുന്ന മുറി ആദ്യമായി കാണുന്നത് പോലെ നോക്കി കാണുന്ന ജോയെ ആദി ശ്രദ്ധിച്ചു…തന്നെയവൾ നോക്കുന്നുണ്ടെന്ന് മനസിലായ ജോ പതിഞ്ഞ സ്വരത്തിൽ അവളോട് പറഞ്ഞു

”എന്റെ അച്ഛന്റെയും അമ്മയുടെയും മുറിയാ ഇത്….ഇടക്ക് ഇതിൽ കേറുമ്പോ അവരെ വല്ലാതെ മിസ്സ്‌ ചെയ്യുന്നപോലെ തോന്നും..പിന്നെ പിന്നെ ഇങ്ങോട്ട് ഞാൻ വരാതായി…“

”ഏട്ടന് വിഷമമുണ്ടല്ലേ ഇപ്പോളും…“

അവന്റെ സംസാരം കേട്ടയവൾ അല്പം വിഷമത്തോടെ അവനോട് ചോദിച്ചു…പരിചയപ്പെട്ടു മണിക്കൂറുകൾ മാത്രമേ ആയുള്ളെങ്കിലും അവന്റെയീ ഭാവം അവൾക്ക് ആദ്യമായാണ്

”വിഷമം ഒക്കെ ഒണ്ട്..എന്ന് കരുതി പോയവരിനി തിരിച്ചു വരില്ലല്ലോ…എന്നാലും എന്ത് കണ്ടിട്ടാ അമ്മയീ മുറി നിനക്ക് തന്നതെന്ന എനിക്ക് മനസിലാവാത്തെ..?

അവൻ സംശയത്തോടെ അവളെ നോക്കി

“ആ…”

കൊച്ചു പിള്ളേരെപോലെയവൾ കൈ മലർത്തി

“എന്തായാലും നീ താഴേക്ക് ചെല്ല്..വീട്ടിൽ വന്ന് കേറിയ പെണ്ണ് രാവിലെ തന്നെ കുളിച്ചൊരുങ്ങി അടുക്കളയിൽ കേറി അമ്മായിയമ്മയെ സഹായിച്ചു സോപ്പിടാർ ആണ് പതിവ്…”

കസേരയിൽ നിന്നെണീറ്റ് കൊണ്ടവൻ പറഞ്ഞു..സത്യം