Chapter Title : ?Evil on earth✨ 6 [Jomon]

കൊണ്ടു ചുവന്നു തുടങ്ങിയിരുന്നു…

“നീ…നീ കാരണം ആണെന്ന് ആരാടാ പറഞ്ഞത്….ഏഹ്….എനിക്കെന്റെ ഒരു കുഞ്ഞിനെയെ നഷ്ടമായുള്ളു…നിന്നേം കൂടി ഇല്ലാതാക്കാൻ എനിക്ക് വയ്യ….മതി നിർത്തിക്കോ നീ…സ്വയം കുറ്റമെറ്റെടുത്തുകൊണ്ട് എത്രകാലം ജീവിക്കും നീ…പറയെടാ….?

അലറി കരഞ്ഞു കൊണ്ടവർ ദേവിന്റെ തോളിൽ പിടിച്ചു കുലുക്കി…അവന്റെ കണ്ണുകളും നിറഞ്ഞൊഴുകി…

”അമ്മ…“

അവരെ കെട്ടിപ്പിടിച്ചു കൊണ്ടവൻ തേങ്ങി….

”ഇന്നലെ ഒരു ദിവസം മുഴുവനുമാ നീ ബോധമില്ലാതെ കിടന്നത്…പേടിച്ചു പോയെടാ അമ്മ…നിന്നേം കൂടി ഇല്ലാണ്ടായാൽ…എനിക്ക്…എനിക്ക് അറിയില്ല കണ്ണാ….!

അവന്റെ പുറത്തു തഴുകികൊണ്ടവർ കരഞ്ഞു….

“പപ്പ….എന്റെ ഫോൺ എവിടെ…?

അവൻ അവരിൽ നിന്നും വിട്ടു മാറിക്കൊണ്ട് ചോദിച്ചു…എന്നാൽ ഡാനിയേൽ ഒന്നും മറുപടി പറയാതെ അവനു പിറകിലേക്ക് നോക്കി നിന്നു

പിന്നിൽ ആരാണെന്ന് അറിയാതെ തിരിഞ്ഞു നോക്കിയ ദേവ് കണ്ടത് കരഞ്ഞു കലങ്ങിയ ചുവന്ന കണ്ണുകളുമായി നിൽക്കുന്ന അമാൻഡയേ ആണ്…അവളവന് നേരെ ഒരു ഫോൺ നീട്ടി…

അവളെ നോക്കാൻ പോലും മറന്നു കൊണ്ടവനാ ഫോൺ വാങ്ങി ഓൺ ചെയ്തു നോക്കി…അടുത്തടുത്തായി വന്ന കൊറച്ചു മെയിൽസ് കണ്ടവൻ അവസാനമായി വന്നത് ഓപ്പൺ ചെയ്തു…അതൊരു വീഡിയോ ആയിരുന്നു….ഒരു കാറിന്റെ മുൻപിലുള്ള ദൃശ്യങ്ങൾ…പെട്ടെന്നാ വണ്ടിയുടെ നിയന്ത്രണം നഷ്ടമായി മുൻപേ സഞ്ചരിച്ച ലോറിയുടെ പിറകിലേക്ക് ഇടിച്ചു കയറി….

അടുത്ത നിമിഷം തന്നെ പുക കൊണ്ടു മറഞ്ഞ ദൃശ്യങ്ങളിൽ രണ്ടു പേർ ഒരു വലിയ ബോക്സ്‌ ലോറിയുടെ ഉള്ളിലേക്ക് എറിയുന്നതും അതുപോലെ തന്നെ ഇരിക്കുന്ന മറ്റൊന്ന് എടുത്തുകൊണ്ടു പോകുന്നതുമാണ്…ആ വിഡിയോ അവസാനിച്ചതും മറ്റൊരു ഫയൽ ആ ഫോണിലേക്ക് വന്നു…കാമെറയിൽ പതിഞ്ഞവരുടെ ചിത്രവും വിശദവിവരങ്ങളും ആയിരുന്നതിൽ…

അതിൽ തെളിഞ്ഞ ഓരോ അക്ഷരണങ്ങളും അവൻ മനഃപാഠമാക്കി മനസ്സിൽ പറഞ്ഞു…..

“ഇസാന…വാൽഹല്ല….”