Chapter Title : ഫിദയുടെ സ്വപ്നവും ഹിദയുടെ ജീവിതവും 5 [ഏകൻ]

തന്നെയാണ് എന്റെ ധനം. അതിന്റെ കൂടെ എനിക്കെന്റെ മുത്തിനെയും കിട്ടിയില്ലേ. എന്നെ ഒരുപാട് സ്നേഹിക്കുന്ന ഈ മുത്തിനെ.. അതിൽ കൂടുതൽ എന്ത് ധനമാ എനിക്ക് വേണ്ടത്. "

മുത്ത് എന്നെ നോക്കി ചിരിച്ചു. മുത്തിന് എന്നെ കെട്ടിപിടിച്ചു ഉമ്മ തരാൻ തോന്നിയിട്ടുണ്ടാകും. എന്നിട്ട് പറഞ്ഞു.

" എന്റെ മോനേ എന്റെ ചക്കര കുട്ടാ..

ഇതൊന്നും ഞാൻ തരുന്ന സ്ത്രീധനം അല്ല . ഇതെല്ലാം ഇനി മോൻ ഉള്ളതാ. എന്റെ ചക്കര കുട്ടന്. എനിക്കുള്ളതെല്ലാം ഇനി മോൻ ഉള്ളത് ആണ് . "

എനിക്ക് ഏതായാലും ആ സമയം തന്നെ മുത്തിനെ കെട്ടിപിടിച്ചു ഉമ്മ കൊടുക്കാൻ തോന്നി.

മുത്ത് ഫോൺ എടുത്ത് ആരെയോ വിളിച്ചു. പിന്നെ അതിലെ വന്ന ഒരു ടാക്സി പിടിച്ചു. അവിടെ നിന്നും കുറച്ചു മാറിയുള്ള ഒരു ഫാൻസി കടയിലേക്ക് പോയി. ഫിദയും മുത്തും ഫാൻസി കടയിലേക്ക് കയറി. എന്നെ വിളിച്ചെങ്കിലും ഞാൻ പോയില്ല. ഞാൻ കാറിൽ തന്നെ ഇരുന്നു. അതുകഴിഞ്ഞു അവിടെയുള്ള ചില കടകളിലും അവർ കയറിയ ശേഷം തിരിച്ച് മുത്തിന്റെ വീട്ടിലേക്ക് വന്നു.

വീട്ടിൽ എത്തിയ ഉടനെ ഫിദ എല്ലാം എടുത്തു ഞങ്ങൾ നേരത്തെ കിടന്ന റൂമിൽ കൊണ്ടുപോയി വെച്ചു. ആ സമയം മുത്ത് ആരെയോ ഫോൺ വിളിച്ചു.

ഫിദ എന്നേയും വിളിച്ചു റൂമിലേക്ക് പോയി. ഓരോ ഡ്രെസ്സും എടുത്ത് കട്ടിലിൽ വെച്ചു കൊണ്ട് ചോദിച്ചു.

"ശ്രീയേട്ടാ നാളെ ഞാൻ ഏത് ഡ്രെസ്സ് ഉടുക്കണം..? സാരി ഉടുത്താലോ?"

"എന്റെ പെണ്ണ് ഇതിന് മുൻപ് എപ്പോഴേലും സാരി ഉടുത്തിട്ടുണ്ടോ?"

അവളെ കെട്ടിപിടിച്ചുകൊണ്ട് ഞാൻ ചോദിച്ചു.